கூட்டத்தில் எங்கே திரும்பினாலும்
ஒரு சியோமி ஸ்மார்ட்போனையோ அல்லது மி பவர் பேங்கையோ அல்லது மி ஸ்மார்ட் பேண்டையோ பார்க்க
முடிகிறது. அந்த அளவிலான பிரபலத்தன்மையை அடைந்துள்ள சியோமி நிறுவனம் சமீபத்தில் ஒரு
திகிலான தகவலை வெளியிட்டுள்ளது. அந்த தகவலை அறிந்த ஒவ்வொரு சியோமி பயனர்களும் குழப்பத்திலும்,
சந்தேகத்திலும் ஆழ்ந்துள்ளனர் என்றே கூறலாம்.
அதென்ன
தகவல்? அதனால் உண்டான குழப்பமும் சந்தேகமும் தான் என்ன?
சீன
ஸ்மார்ட்போன் நிறுவனமான சியோமி ஆனது சியோமி பாகங்கள் மற்றும் தயாரிப்புகளை
(கேஜெட்களை) வாங்கும் போது பொது மக்கள் மிகவும் கவனமாக இருக்க வேண்டும் என்று
எச்சரித்துள்ளது, ஏனெனில் இந்திய சந்தையில் போலியான சியோமி தயாரிப்புகள் வாங்க
கிடைக்கிறதாம். இதுபற்றி, கடந்த நவம்பர் மாதம் டெல்லி போலீசில் புகார் அளித்ததோடு,
புதிதில்லியில் உள்ள காஃபர் மார்க்கெட் பகுதியில் போலியான தயாரிப்புகள் பற்றிய
சோதனைகளையும் சியோமி நிறுவனம் நடத்தியது.
நான்கு கடைகளிலேயே
இவ்வளவு போலியான தயாரிப்புகள் என்றால்... இந்தியா முழுக்க?
அந்த
சோதனையில், நான்கு கடைகளில் 2,000 க்கும் மேற்பட்ட போலியான சியோமி தயாரிப்புகள்
கண்டுபிடிக்கப்பட்டன, பின்னர் அதன் உரிமையாளர்கள் கைது செய்யப்பட்டனர். இதனை
தொடர்ந்து "பிராண்ட் மற்றும் கூட்டாளர் விற்பனை நிலையங்களின்
அங்கீகரிக்கப்பட்ட கடைகளிலிருந்து அங்கீகரிக்கப்பட்ட தயாரிப்புகளை வாங்கும்படி
அனைத்து வாடிக்கையாளர்களுக்கும் அறிவுறுத்தப்படுகிறது, மேலும் வாடிக்கையாளர்கள்
தங்களின் முடிவுகள் குறித்து எச்சரிக்கையாகவும் விழிப்புடனும் இருக்க
வேண்டும்" என்று சியோமி நிறுவனம் தனது அறிக்கையில் தெரிவித்துள்ளது.
போலியான தயாரிப்பிற்கு,
ஒரிஜினலுக்கும் உள்ள வித்தியாசத்தை கண்டுபிடிப்பது எப்படி?
இந்த
தகவலை அறிந்த சியோமி பயனர்கள், போலிக்கும் ஒரிஜினலுக்கும் வித்தியாசம்
கண்டுபிடிப்பது எப்படி என்கிற குழப்பத்திலும் சந்தேகத்திலும் ஆழ்ந்துள்ளனர். இந்த
தகவலை அறிந்த பின்னர் அந்த குழப்பம் மற்றும் சந்தேகம் ஆனது உங்களையும்
தொற்றிக்கொண்டதா? கவலையை விடுங்கள்! பீதியை கிளப்பிய சியோமி நிறுவனமே அதற்கான
தீர்வையும் வழங்கியுள்ளது. அதாவது சியோமி ஸ்மார்ட்போன் அல்லது பவர் பேங்க் அல்லது
ஸ்மார்ட் பேண்ட் என நீங்கள் வாங்க போவது எந்தவொரு சியோமி தயாரிப்பாக இருந்தாலும்
சரி, குறிப்பிட்ட ஆறு விடயங்களை சரிபார்க்கும்படி சியோமி நிறுவனம் அறிவித்துள்ளது.
அதென்ன விடயங்கள்? வாருங்கள் பார்க்கலாம்!
போலியான பவர் பேங்க்
vs ஒரிஜினல் பவர் பேங்க்:
ஒருவேளை
நீங்கள் சியோமி நிறுவனத்தின் பவர் பேங்குளை வாங்க திட்டமிட்டுள்ளீர்கள் என்றால்,
அதன் security code-களை சரிபார்க்க மறக்க வேண்டாம் என்று சியோமி நிறுவனம்
எச்சரிக்கை விடுத்துள்ளது. அதாவது மி பவர் பேங்குகள் போன்ற சில சியோமி
தயாரிப்புகளில் பாதுகாப்பு குறியீடுகள் இருக்கும். அவைகள் குறிப்பிட்ட சியோமி
தயாரிப்பின் நம்பகத்தன்மையை அடையாளம் காட்ட உதவும், அந்த செக்யூரிட்டி கோட்களை,
நிறுவனத்தின் அதிகாரபூர்வமான வலைத்தளம் ஆன mi.com வழியாக நீங்கள் சரிபார்க்கலாம்
என்பது குறிப்பிடத்தக்கது.
போலியான ரீடெய்ல்
பாக்ஸ் vs ஒரிஜினல் ரீடெய்ல் பாக்ஸ்:
சியோமி
நிறுவனம் அதன் பேக்கேஜிங் மற்றும் ரீடெயில் பாக்ஸ் மீது கூர்மையான பார்வையை
செலுத்தும்படி பொதுமக்களை பரிந்துரைத்துள்ளது. ஏனெனில் சியோமி நிறுவனத்தின்
ரீடெயில் பாக்ஸின் பேக்கேஜிங் மற்றும் தரம் ஆனது மிகவும் வேறுபட்டது என்று
நிறுவனம் கூறுகிறது. ஒருவேளை நீங்கள் சியோமியின் அசல் பேக்கேஜிங்கை சரிபார்க்க
விரும்பினால், அதாவது அது எப்படி இருக்கும் என்று அறிந்துகொள்ள விரும்பினால்
எந்தவொரு மி ஹோம் அல்லது மி ஸ்டோருக்கும் செல்லுமாறு சியோமி பரிந்துரைக்கிறது.
போலியான Mi லோகோ vs
அசல் Mi லோகோ:
மி
என்கிற லோகோவை பொறிக்கப்பெற்ற அனைத்து சாதங்களுமே சியோமி நிறுவனத்தின் தயாரிப்பாகி
விடாது என்பதை கவனத்தில் கொள்ளவும். மேலே குறிப்பிட்டுள்ள சரிபார்ப்புகளை
நிகழ்த்திய பின்னரும் கூட நீங்கள் வாங்கும் சியோமி தயாரிப்பின் லோகோவை
சரிபார்ப்பது பாதுகாப்பானதாகும். ஏனெனில் பெரும்பாலான போலியான லோகோக்கள் ஆனது
கிட்டதட்ட அசல் லோகோவை போன்றேதான் இருக்கும். இருப்பினும் ஏதாவது ஒரு புள்ளியில்
சொதப்பி இருக்கும். எனவே ஒரு சியோமி குறிப்பிட்ட தயாரிப்பில் உள்ள மி லோகோ ஆனது
அங்கீகரிக்கப்பட்ட லோகோவா என்பதை அறிந்து கொள்ளும்படி சியோமி வாங்குபவர்களுக்கு
பரிந்துரைக்கிறது. பேக்கேஜிங்கின் அசல் லோகோவை mi.com வழியாகவும் காணலாம்.
போலியான மி பேண்ட் vs
ஒரிஜினல் மி பேண்ட்:
இந்தியாவில்
மிகவும் மலிவான விலைக்கு வாங்க கிடைக்கும் ஸ்மார்ட் பேண்ட்களில் மி பேண்ட்களும்
ஒன்றாகும். இதன் விளைவாகத்தான் கடிகார கைகளுக்கு பதிலாக பெரும்பாலாலும் ஸ்மார்ட்
பேண்ட் கைகளையே நம்மால் காண முடிகிறது. ஒருவேளை நீங்களும் ஒரு மி பேண்ட் வாங்க
விரும்பினால் ஒரு முக்கியமான விடயத்தை நினைவில் கொள்ளுங்கள். சியோமி மி பேண்ட்ஸ்
மற்றும் பிற ஸ்மார்ட் சாதனங்கள் ஆனது அந்தந்த சியோமி ஸ்மார்ட்போன் ஆப் உடன் இணைக்கப்படும்
ஆதரவை கொண்டிருக்கும். ஒருவேளை நீங்கள் வாங்கும் மி பேண்ட் ஆனது அங்கீகரிக்கப்பட்ட
மி ஃபிட் ஆப் உடன் பொருந்தவில்லை என்றால், நீங்கள் உஷாராகி கொள்ள வேண்டும். இதேபோல
பிற ஸ்மார்ட் சாதனங்களுக்கும், தனித்தனியான துணை ஆப்கள் உள்ளன.
போலியான பேட்டரி
மற்றும் யூஎஸ்பி கேபிள் vs ஒரிஜினல் பேட்டரி மற்றும் யூஎஸ்பி கேபிள்:
சியோமி
நிறுவனம் அதன் பேட்டரிகளில் Li-Poly sign (லி-பாலி குறியீடு) உள்நுழைவை
சரிபார்க்கும்படி பரிந்துரை செய்கிறது. அதாவது சியோமி நிறுவனத்தின் அசல்
பேட்டரிகள் ஆனது லி-பாலி பேட்டரிகளாக இருக்கும், ஒருவேளை லி-அயன் போன்ற
குறியீடுகள் அதில் இருப்பின் அவைகள் சியோமியால் உருவாக்கப்படவில்லை என்று
அர்த்தம். அதேபோல சியோமி நிறுவனம் யூ.எஸ்.பி கேபிள்கள் மற்றும் பிற பாகங்களின்
தரத்தையும் சரிபார்க்க சொல்கிறது. போலியான யூ.எஸ்.பி கேபிள்கள் மற்றும் பிற
பாகங்கள் மிகவும் மெலிதானவைகளாக இருக்கும் மற்றும் அவை எளிதில் உடைந்து விடும்
என்றும் கூறுகிறது.
கருத்துகள் இல்லை:
கருத்துரையிடுக