சாம்சங் நிறுவனம் அதன் கேலக்ஸி
Z ஃபிளிப் ஸ்மார்ட்போனை சான் பிரான்சிஸ்கோவில் நடைபெற்ற ஒரு வெளியீட்டு நிகழ்வில் அறிமுகப்படுத்தியது.
இது தென் கொரிய நிறுவனமான சாம்சங்கின் இரண்டாவது மடிக்கக்கூடிய ஸ்மார்ட்போன் ஆகும்.
கேலக்ஸி இசட் ஃபிளிப் ஆனது இன்ஃபினிட்டி ஃப்ளெக்ஸ் டிஸ்ப்ளே என்று அழைக்கப்படும் அல்ட்ரா
தின் கிளாசை (யுடிஜி) கொண்டுள்ளது.
தேர்ந்தெடுக்கப்பட்ட சந்தைகளில், குறைந்த எண்ணிக்கையில்!
இந்த
ஸ்மார்ட்போனை வாங்குபவர்களுக்கு யூடியூப் பிரீமியம் அணுகல் கிடைக்கும் என்றும்
நிறுவனம் கூறுகிறது. சாம்சங் கேலக்ஸி இசட் ஃபிளிப்பில் ஒரு 'ஃப்ளெக்ஸ் மோட்'
உள்ளது, இது கூகுள் உடன் இணைந்து பணியாற்றியதின் விளைவாக கிடைத்த ஒரு அம்சம்
ஆகும். இது டிஸ்பிளே ஓரளவு மடிந்திருக்கும் போது, சில ஆப்ளுக்கு வேறுபட்ட ஸ்பிலிட்
ஸ்க்ரீனை வழங்கும் ஒரு அம்சமாகும். இந்த ஸ்மார்ட்போன் தேர்ந்தெடுக்கப்பட்ட
சந்தைகளில், குறைந்த அளவுகளில் மட்டுமே வாங்க கிடைக்கும் என்பதும்
குறிப்பிடத்தக்கது.சாம்சங் கேலக்ஸி இசட் ஃபிளிப் ஸ்மார்ட்போனின் விலை மற்றும் விற்பனை:
சாம்சங்
கேலக்ஸி இசட் ஃபிளிப்பின் விலை, இந்திய மதிப்பின்படி தோராயமாக ரூ.98,400 ஆகும்.
வருகிற பிப்ரவரி 14 முதல் தேர்ந்தெடுக்கப்பட்ட சந்தைகளில் குறைந்த அளவுகளில்
விற்பனைக்கு வரும் என்று சாம்சங் கூறுகிறது. இதன் தேர்ந்தெடுக்கப்பட்ட சந்தைகளில்
தென் கொரியா மற்றும் அமெரிக்கா ஆகியவைகளும் அடங்கும். இது ஆரம்பத்தில் மிரர்
பிளாக் மற்றும் மிரர் பர்பில் ஆகிய வண்ண விருப்பங்களின் கீழ் கிடைக்கும். விரைவில்
இது மிரர் கோல்ட் வண்ணத்திலும் கிடைக்கும் என்று சாம்சங் கூறுகிறது.சாம்சங் கேலக்ஸி இசட் ஃபிளிப் - டிஸ்பிளேக்கள்:
சாம்சங் கேலக்ஸி இசட் ஃபிளிப் ஸ்மார்ட்போனின் பிரதான மடிக்கக்கூடிய டிப்ஸ்ளே ஆனது 6.7 இன்ச் அளவிலான முழு எச்டி (1080x2636 பிக்சல்கள், 21.9: 9, 425 பிபி) டைனமிக் அமோலேட் பேனலை கொண்டுள்ளது - மேலே குறிப்பிட்டபடி இது இன்பினிட்டி ஃப்ளெக்ஸ் டிஸ்ப்ளே என்று அழைக்கப்படுகிறது. வெளிப்புறத்தில், 112x300 பிக்சல்கள் அளவிலான திரை தீர்மானம் மற்றும் 303ppi பிக்சல் அடர்த்தி கொண்ட 1.1 இன்ச் அளவிலான சூப்பர் AMOLED டிஸ்ப்ளே உள்ளது.
சாம்சங் கேலக்ஸி இசட் ஃபிளிப் - டூயல் சிம், ப்ராசஸர் மற்றும் ஓஎஸ்:
சாம்சங்
கேலக்ஸி இசட் ஃபிளிப் ஒரு டூயல் சிம் ஆதரவு கொண்ட ஸ்மார்ட்போன் ஆகும், இதில் ஒரு
ஈசிம் மற்றும் ஒரு நானோ சிம் கார்டு ஸ்லாட் உள்ளது. இது ஆண்ட்ராய்டு 10 கொண்டு
இயங்குகிறது. இந்த ஸ்மார்ட்போன் பெயரிடப்படாத 7nm ஆக்டா-கோர் SoC மூலம்
இயக்கப்படுகிறது, இதன் அதிகபட்ச க்ளாக் வேகம் 2.95GHz ஆகும் மற்றும் இது 8 ஜிபி
ரேம் உடன் இணைக்கப்பட்டுள்ளது.
சாம்சங் கேலக்ஸி இசட்
ஃபிளிப் - கேமராக்கள்:
கேலக்ஸி
இசட் ஃபிளிப்பில் டூயல் பின்புற கேமரா அமைப்பு உள்ளது, இதில் 12 மெகாபிக்சல் வைட்
ஆங்கிள் கேமரா (எஃப் / 1.8, 1.4-மைக்ரான் பிக்சல்கள், 78 டிகிரி எஃப்ஒவி) மற்றும்
12 மெகாபிக்சல் அல்ட்ரா-வைட் ஆங்கிள் கேமரா (எஃப் / 2.2 , 1.12-மைக்ரான்
பிக்சல்கள், 123 டிகிரி FoV, OIS) உள்ளது. இது எச்.டி.ஆர் 10 + வீடியோ பதிவிற்கான
ஆதரவையும் கொண்டுள்ளது. முன்பக்கத்தை பொறுத்தவரை, சாம்சங் கேலக்ஸி இசட் ஃபிளிப்
ஆனது 10 மெகாபிக்சல் (எஃப் / 2.4, 1.22-மைக்ரான் பிக்சல்கள், 80 டிகிரி ஃபோவி)
செல்பீ கேமராவை கொண்டுள்ளது.
சாம்சங் கேலக்ஸி இசட்
ஃபிளிப் - மெமரி, கனெக்டிவிட்டி, சென்சார்கள்:
சாம்சங்
கேலக்ஸி ஃபிளிப்பில் 256 ஜிபி அளவிலான இன்டர்னல் மெமரி உள்ளது, இதை மைக்ரோ எஸ்டி
கார்டு வழியாக விரிவாக்கம் செய்ய முடியாது என்பது கவனிக்கத்தக்கது. இணைப்பு
விருப்பங்களை பொறுத்தவரை, 4 ஜி எல்டிஇ, வைஃபை 802.11 ஏசி, ப்ளூடூத் வி 5.0,
யூ.எஸ்.பி டைப்-சி, என்.எஃப்.சி, எம்.எஸ்.டி மற்றும் ஜி.பி.எஸ் (ஏ-ஜி.பி.எஸ்)
ஆகியவைகளை கொண்டுள்ளது. சென்சார்களை பொறுத்தவரை, அக்ஸலரோமீட்டர், ஆம்பியன்ட் லைட்,
பாரோமீட்டர், கைரேகை சென்சார் (ஸ்மார்ட்போனின் பக்கவாட்டில் உள்ளது), கைரோஸ்கோப்,
மேக்னட்டோமீட்டர் மற்றும் ப்ராக்சிமிட்டி சென்சார் ஆகியவைகளை கொண்டுள்ளது.
சாம்சங் கேலக்ஸி இசட்
ஃபிளிப் - அளவு, எடை மற்றும் பேட்டரி:
அளவீட்டில்,
சாம்சங் கேலக்ஸி இசட் ஃபிளிப் மடிக்கும்போது 87.4x73.6x17.33 மிமீ, மற்றும்
திறக்கப்படும்போது 167.3x73.6x7.2 மிமீ உள்ளது. இதன் எடை 183 கிராம் ஆகும். இந்த ஸ்மார்ட்போனில்
ஒற்றை, மோனோ ஸ்பீக்கர் உள்ளது. இந்த மொத்த அமைப்பும் ஒரு 3,300 எம்ஏஎச் பேட்டரி
மூலம் சக்தியூட்டப்படுகிறது, இது பாஸ்ட் சார்ஜிங் ஆதரவையும் கொண்டுள்ளது.
200,000 முறை
திறக்கலாம் மூடலாம்!
கேலக்ஸி
இசட் ஃபிளிப் ஸ்மார்ட்போன் ஆனது கூகுள் உடன் இணைந்து உருவாக்கம் பெற்ற ஃப்ளெக்ஸ்
மோட் UI-ஐ கொண்டுள்ளது. இது 'ஹைட்வே ஹிஞ்' மூலம் இயக்கப்படுகிறது, இது கேலக்ஸி
இசட் ஃபிளிப்பை பல கோணங்களில் திறந்து வைக்க பயனர்களை அனுமதிக்கிறது. மேலும் இந்த
ஹிஞ் (கீழ்) 'இரட்டை கேம் மெக்கானிசத்தை' கொண்டுள்ளது. மேலும் அழுக்கு மற்றும்
தூசியைத் தடுக்க நைலான் இழைகளால் ஆன 'ஸ்வீப்பர்' தொழில்நுட்பத்தையும் கொண்டுள்ளது.
இதன் கீல் மற்றும் டிஸ்பிளேவை சுமார் 200,000 முறை திறக்க மற்றும் மூட முடியும் என
மதிப்பிடப்பட்டுள்ளது.
மேல் பாதி - கீழ்
பாதி!
கேலக்ஸி
இசட் ஃபிளிப்பில் உள்ள ஃப்ளெக்ஸ் மோட் ஆனது மெயின் போல்டபில் டிஸ்பிளேவை 'இரண்டு 4
இன்ச் டிஸ்பிளேவாக' பிரிக்கிறது. அதாவது ஒரே நேரத்தில் உங்களால் ஒரு YouTube
வீடியோவை மேல் பாதியிலும், மற்றொரு வீடியோவை பார்க்கலாம் கீழ் பாதியிலும்
பார்க்கலாம் என்று அர்த்தம். இதன் 1.1 இன்ச் அளவிலான கவர் டிஸ்பிளே ஆனது நோட்டிபிகேஷன்களை
காண்பிக்கும். இந்த ஸ்மார்ட்போனில் சாம்சங் பே, சாம்சங் ஹெல்த், சாம்சங் நாக்ஸ்
மற்றும் பல அம்சங்களும் உள்ளன.
கருத்துகள் இல்லை:
கருத்துரையிடுக