ஏராளமான லீக்ஸ் மற்றும் வதந்திகளுக்குப்
பிறகு, சாம்சங் 2020 ஆம் ஆண்டிற்கான அதன் எஸ் சீரிஸ் ஃபிளாக்ஷிப் ஸ்மார்ட்போன்களை அதிகாரப்பூர்வமாக
வெளியிட்டுள்ளது. இந்நிகழ்வில் சாம்சங் கேலக்ஸி எஸ் 20, சாம்சங் கேலக்ஸி எஸ் 20 பிளஸ்
மற்றும் கேலக்ஸி எஸ் 20 அல்ட்ரா என்கிற மூன்று எஸ் தொடர் ஸ்மார்ட்போன்களும், நிறுவனத்தின்
மடங்கக்கூடிய ஸ்மார்ட்போன் ஆன கேலக்ஸி இசட் ஃபிளப் ஆகியவைகள் அறிமுகம் ஆகியுள்ளன. இக்கட்டுரையில்
சாம்சங் கேலக்ஸி எஸ் 20 மற்றும் சாம்சங் கேலக்ஸி எஸ் 20 பிளஸ் ஆகிய இரண்டு ஸ்மார்ட்போன்களின்
விலை நிர்ணயம் என்ன? அம்சங்கள் என்ன? இந்த இரண்டு ஸ்மார்ட்போன்களும் இடையே உள்ள வித்தியாசங்கள்
என்ன? என்பதை பற்றி விரிவாக காண உள்ளோம்.
என்னென்ன
அப்டேட்களை பெற்றுள்ளது?
சாம்சங்
கேலக்ஸி எஸ் 20, சாம்சங் கேலக்ஸி எஸ் 20 பிளஸ் - இந்த இரண்டு ஸ்மார்ட்போன்களுமே புதிய
120 ஹெர்ட்ஸ் ரெஃப்ரெஷ் ரேட் டிஸ்பிலேக்கள், 5 ஜி இணைப்பு, 8 கே வீடியோ ரெக்கார்டிங்
ஆதரவுடன் மேம்படுத்தப்பட்ட கேமராக்கள், பெரிய பேட்டரிகள் மற்றும் மெலிதான பெசல்கள்
மற்றும் புதுப்பிக்கப்பட்ட வடிவமைப்பு ஆகியவைகளை கொண்டுள்ளது. கேலக்ஸி எஸ் 20 மற்றும்
எஸ் 20 பிளஸ் ஆகியவை கேலக்ஸி எஸ் 10 மற்றும் கேலக்ஸி எஸ் 10 பிளஸ்ஸ்மார்ட்போன்களின்
நேரடி வாரிசுகள் ஆகும்.
இந்திய விலை நிர்ணயம்
என்னவாக இருக்கும்?
சாம்சங்
கேலக்ஸி எஸ் 20 சீரிஸ் மார்ச் 6 முதல் பல்வேறு வண்ணங்களில் வாங்க கிடைக்கும் என்று
சாம்சன் நிறுவனம் தெரிவித்துள்ளது. அறிமுகமான நான்கு புதிய சாம்சங் ஸ்மார்ட்போன்களின்
விலை நிர்ணயமானது (இந்திய மதிப்பின்படி) தோராயமாக ரூ.71,300 முதல் ரூ.1,14,100 வரை
என்பதற்குள் அடைபடும் என்று சாம்சங் நிறுவனம் அறிவித்துள்ளது. அதாவது கேலக்ஸி எஸ்
20 5ஜி ஆனது இந்திய மதிப்பின்படி தோராயமாக ரூ.71,300 என்கிற புள்ளியையும், மறுகையில்
உள்ள கேலக்ஸி எஸ் 20 பிளஸ் 5ஜி ஆனது தோராயமாக ரூ.85,500 என்கிற புள்ளியையும் எட்டலாம்.
சாம்சங் கேலக்ஸி எஸ்
20 - டிஸ்பிளே:
சாம்சங்
கேலக்ஸி எஸ் 20 ஸ்மார்ட்போன் ஆனது 151.7x69.1x7.9 மிமீ மற்றும் 163 கிராம் எடையுள்ள
சிறிய மாடல் ஆகும். இது 6.2 இன்ச் அளவிலான இன்ஃபினிட்டி-ஓ டைனமிக் AMOLED 2X டிஸ்ப்ளேவை
கொண்டுள்ளது, இதில் QHD (1,440x3,200 பிக்சல்கள்) தீர்மானம் மற்றும் 563ppi பிக்சல்
கவுண்ட் ஆகியவைகள் உள்ளது. இது HDR10 சான்றிதழ் மற்றும் 120Hz ஹை ரெஃப்ரெஷ் ரேட்டையும்
ஆதரிக்கிறது.
சாம்சங் கேலக்ஸி எஸ்
20 - ப்ராசஸர், ரேம், மெமரி:
இந்த
ஸ்மார்ட்போன் 7nm ஆக்டா-கோர் ப்ராசஸர் இயக்கப்படுகிறது மற்றும் உங்கள் பகுதி மற்றும்
நீங்கள் எடுக்கும் மாடலை பொறுத்து, நீங்கள் ஒரு சாம்சங் எக்ஸினோஸ் 990 SoC அல்லது ஒரு
க்வால்காம் ஸ்னாப்டிராகன் 865 SoC-ஐ பெறுவீர்கள். கேலக்ஸி எஸ் 20 ஸ்மார்ட்போனின் எல்டிஇ
வெர்ஷன் ஆனது 8 ஜிபி அல்லது 12 ஜிபி எல்பிடிடிஆர் 5 ரேம் (5 ஜி வேரியண்ட் மட்டும்)
மற்றும் 128 ஜிபி அளவிலான இன்டர்னல் மெமரியுடன் வருகிறது. உடன் மைக்ரோ எஸ்டி கார்டு
வழியாக 1TB வரை விரிவாக்கக்கூடிய ஆதரவையும் வழங்குகிறது.
சாம்சங் கேலக்ஸி எஸ் 20
- பேட்டரி, பாஸ்ட் சார்ஜிங்:
அல்ட்ராசோனிக்
இன்-டிஸ்ப்ளே கைரேகை சென்சார் மற்றும் பயோமெட்ரிக் அங்கீகாரத்திற்கான பேஸ் அன்லாக்
அங்கீகாரத்தை வழங்கும் இந்த கேலக்ஸி எஸ் 20 ஆனது ஐபி 68 தூசி மற்றும் நீர் எதிர்ப்பிற்கான
சான்றிதழையும் பெற்றுள்ளது. இது 25W ஃபாஸ்ட் சார்ஜிங் (பாக்சில் சார்ஜர் சேர்க்கப்பட்டுள்ளது)
ஆதரவு, ஃபாஸ்ட் வயர்லெஸ் சார்ஜிங் 2.0 மற்றும் ரிவர்ஸ் வயர்லெஸ் சார்ஜிங் போன்ற ஆதரவுகளை
கொண்ட 4,000 எம்ஏஎச் பேட்டரியை கொண்டுள்ளது.
சாம்சங் கேலக்ஸி எஸ்
20 - கேமராக்கள்:
சாம்சங்
2020 ஆம் ஆண்டிற்கான எஸ் தொடர் ஸ்மார்ட்போன்களின் கேமராக்கள் பெரிய மேம்படுத்தலைப்
பெறுகின்றன. கேலக்ஸி எஸ் 20 ஆனது ட்ரிபிள் ரியர் கேமராக்களைக் கொண்டுள்ளது. அதில்
12 மெகாபிக்சல் வைட் ஆங்கிள் (எஃப் / 1.8, சூப்பர் ஸ்பீட் டூயல் பிக்சல் ஏஎஃப், ஓஐஎஸ்)
கேமரா + 12 மெகாபிக்சல் அல்ட்ரா-வைட் ஆங்கிள் (எஃப் / 2.2) கேமரா + 64 மெகாபிக்சல்
டெலிஃபோட்டோ (எஃப் / 2.0, ஓ.ஐ.எஸ்) கேமரா ஆகியவைகளை கொண்டுள்ளது. இந்த ஸ்மார்ட்போன்
சில புதிய கேமரா அம்சங்களையும் கொண்டுள்ளது, அதில் 3X ஹைப்ரிட் ஆப்டிகல் ஸூம், 30X
வரை சூப்பர் ரெசல்யூஷன் ஸூம் மற்றும் 'சிங்கிள் டேக்' என்ற புதிய ஷூட்டிங் மோட் ஆகியவைகளையும்
அடங்கும், அனைத்து சென்சார்களிலிருந்தும் ஒரு புகைப்படத்துடன் ஒரு குறுகிய வீடியோவைப்
பதிவு செய்கிறது. முன்பக்கத்தை பொறுத்தவரை இது ஒரு 10 மெகாபிக்சல் (எஃப் / 2.2) சென்சாரை
கொண்டுள்ளது.
சாம்சங் கேலக்ஸி எஸ்
20 - கவனிக்க வேண்டிய மற்ற அம்சங்கள்:
ஆண்ட்ராய்டு
10 இயங்குதளத்தை அடிப்படையாகக் கொண்ட சாம்சங் நிறுவனத்தின் சொந்த ஒன் யுஐ 2.1 கொண்டு
இயக்கப்படுகிறது. தவிர டூயல் பேண்ட் வைஃபை 6, ப்ளூடூத் 5, என்எப்சி, டால்பி அட்மோஸ்
சவுண்ட் உடனான ஸ்டீரியோ ஸ்பீக்கர்கள் போன்ற பிரதான அம்சங்களையும் கொண்டுள்ளது. மேலும்
விற்கப்படும் பிராந்தியத்தைப் பொறுத்து ஒற்றை அல்லது டூயல் சிம் (ஹைபிரிட்) மாடல்களிலும்
வாங்க கிடைக்கும்
சாம்சங் கேலக்ஸி எஸ்
20 பிளஸ் மற்றும் எஸ் 20 க்கும் உள்ள வேறுபாடுகள்:
சாம்சங்
கேலக்ஸி எஸ் 20 பிளஸ் ஆனது கேலக்ஸி எஸ் 20 அம்சங்களுடன் மிகவும் ஒத்திருக்கிறது, ஆனால்
அளவு, பேட்டரி திறன் ஆகியவற்றில் வேறுபடுகிறது. மேலும் கூடுதல் பின்புற கேமராவையும்கொண்டுள்ளது.
அளவீட்டில், கேலக்ஸி எஸ் 20 பிளஸ் ஆனது 161.9x73.7x7.8 மிமீ மற்றும் 186 கிராம் (5
ஜி மாறுபாட்டிற்கு 188 கிராம்) எடையும் கொண்டுள்ளது. இது சற்று பெரிய, 4,500 எம்ஏஎச்
பேட்டரி மூலம் சக்தியூட்டப்படுகிறது.
கவனிக்க வேண்டிய மற்ற
வேறுபாடுகள்:
எல்.டி.இ
பதிப்பில் 8 ஜிபி ரேம் மற்றும் 128 ஜிபி ஸ்டோரேஜ் கிடைக்கிறது, 5 ஜி வேரியண்ட்டில்
12 ஜிபி ரேம் மற்றும் 128 ஜிபி, 256 ஜிபி மற்றும் 512 ஜிபி ஸ்டோரேஜ் விருப்பங்கள் உள்ள.
தவிர இதன் பின்புற கேமரா அமைப்பில் கூடுதலாக டெப்த் சென்சார் சேர்ப்பதைத் தவிர, மற்ற
முன்பக்க மற்றும் பின்பக்க கேமராக்கள் ஆனது கேலக்ஸி எஸ் 20 மாடலில் இருப்பது போலவே
அப்படியே இருக்கின்றன. எஸ் 20 பிளஸ் மாடலின் டிஸ்ப்ளேவைப் பொறுத்தவரை, நீங்கள் 6.7
இன்ச் கியூஎச்டி (1,440x3,200 பிக்சல்கள்) டைனமிக் அமோலேட் 2 எக்ஸ் டிஸ்ப்ளேவைப் பெறுவீர்கள்,
இதன் பிக்சல் எண்ணிக்கை 525 பிபி ஆகும் மற்றும் இது ஒரு இன்ஃபினிட்டி-ஓ ஹோல்-பஞ்ச்
டிஸ்பிளே ஆகும் என்பதும் குறிப்பிடத்தக்கது.
கருத்துகள் இல்லை:
கருத்துரையிடுக