போக்குவரத்து மற்றும் நெடுஞ்சாலைகளை திறப்பது பொதுமக்கள் மத்தியில் நம்பிக்கையை வளர்ப்பதற்கு வழிவகுக்கும் என்றும் அமைச்சர் தெரிவித்துள்ளார். மேலும் சில வழிகாட்டுதல்களுடன் பொது போக்குவரத்து விரைவில் திறக்கப்படலாம் எனவும் அவர் குறிப்பிட்டுள்ளார்.
எவ்வாறாயினும், பேருந்துகள் மற்றும் கார்களை இயக்கும்போது சமூக தூரத்தை பராமரிப்பது மற்றும் கை கழுவுதல், சுத்திகரிப்பு, முகமூடிகள் போன்ற அனைத்து பாதுகாப்பு நடவடிக்கைகளையும் பின்பற்றுவது குறித்து அவர் வலியுறுத்தினார்.
பஸ் மற்றும் கார் ஆபரேட்டர்கள் கூட்டமைப்பின் உறுப்பினர்களுடன் வீடியோ கான்பரன்சிங் மூலம் உரையாற்றிய அமைச்சர் இந்த தகவலை வெளியிட்டுள்ளார்.
நாட்டில் கொரோனா வைரஸ் தொற்று அதிகரித்து வரும் நிலையில் கடந்த மார்ச் 24 துவங்கி நாடுதழுவிய முழு அடைப்பு அமுல்படுத்தப்பட்டுள்ளது. நாட்டில் கொரோனா தொற்றுகளின் எண்ணிக்கை 50 ஆயிரத்தை நெருங்கியுள்ளது. சுமார் 14, 300 பேர் இதுவரை வைரஸில் இருந்து மீண்டுள்ள நிலையில் 33,500 வழக்குகள் தற்போது செயல்பாட்டில் உள்ளது.
நாட்டில் அதிகப்படியாக மகாராஷ்டிராவில் 15,500 கொரோனா தொற்று உறுதிப்படுத்தப்பட்டுள்ளது. மகாராஷ்டிராவை தொடர்ந்து குஜராத், டெல்லி முறையே 6, 5 ஆயிரம் வழக்குகளை பதிவு செய்துள்ளது. தமிழகத்தை பொறுத்தவரையில் 4,000 வழக்குகள் பதிவாகியுள்ளது. தமிழகத்தில் சென்னை அதிகப்படியான வழக்குகளை பதிவு செய்துள்ளது. சென்னையின் பிரதான காய்கறி சந்தையான கோயம்பேடு சந்தை, தமிழக கொரோனா வைரஸின் ஹாட்ஸ்பாட்டாக உருவெடுத்துள்ளது.
தினம் தினம் அதிகரித்து வரும் கொரோனா தொற்றுகளின் எண்ணிக்கைக்கு மத்தியில் முழு அடைப்பை மேலும் நீட்டிப்பது குறித்து மாநில அரசுகள் சிந்தித்து வருகின்றன. இந்நிலையில், முழு அடைப்பிற்கு பின்னர் சில கட்டுப்பாடுகளுடன் போக்குவரத்து சேவைகள் துவங்கும் என போக்குவரத்து துறை அமைச்சர் நிதின் கட்கரி உறுதியளித்துள்ளார்.
கருத்துகள் இல்லை:
கருத்துரையிடுக