உலகில் எத்தனையோ விசித்திரங்களும் மர்மங்களும் நிறைந்த இடங்கள் உள்ளன. ஆனால், ஒரு குறிப்பிட்ட கிராமத்தில் மட்டும் பெண்களாகப் பிறக்கும் குழந்தைகள், 12 வயது அடையும்போது ஆண்களாக மாறுகிறார்கள் என்றால் உங்களால் நம்ப முடிகிறதா?

கேட்பதற்கே ஆச்சரியமாகவும், ஏதோ ஹாலிவுட் திரைப்படக் கதை போலவும் தோன்றும் இந்த விசித்திரம், டொமினிகன் குடியரசில் உள்ள லா சலினாஸ் (La Salinas) என்ற கிராமத்தில் நிஜமாகவே நடந்து வருகிறது!

கிராமத்தின் திடுக்கிடும் பின்னணி

சுமார் 6,000 மக்கள் தொகை மட்டுமே கொண்ட இந்த சிறிய கிராமம், இன்று உலகெங்கிலும் உள்ள மருத்துவ ஆராய்ச்சியாளர்களின் கவனத்தை ஈர்த்துள்ளது. உலக வரைபடத்தில் இது ஒரு மர்ம கிராமமாகவே அடையாளப்படுத்தப்பட்டுள்ளது.

உள்ளூர் மக்களின் பயம்: இந்தக் கிராமத்தில் நடக்கும் இந்த மாற்றத்தை அறிவியல்பூர்வமாக புரிந்து கொள்ளாத உள்ளூர் மக்கள், இது ஏதோ கண்ணுக்குத் தெரியாத மர்ம சக்தியாலோ அல்லது சாபத்தாலோ ஏற்படுகிறது என்று நம்புகின்றனர்.

குடும்பங்களின் சோகம்: இந்தக் கிராமத்தில் ஒரு பெண் குழந்தை பிறந்தால், அந்த குடும்பத்தில் மகிழ்ச்சிக்குப் பதிலாக சோகம் கவ்விக்கொள்கிறது. காரணம், அந்தப் பெண் வளரும்போது ஆணாக மாறிவிடுவாள் என்ற அச்சம் அவர்களுக்குள் நிலவுகிறது. இதனால் கிராமத்தில் சிறுமிகளின் எண்ணிக்கையும் நாளுக்கு நாள் குறைந்து வருகிறது.

உள்ளூர் மொழியில் 'க்வெடோசே' (Guevedoces)

இந்த விசித்திர நோயால் பாதிக்கப்படும் குழந்தைகளை உள்ளூர் மக்கள் 'க்வெடோசே' என்று அழைக்கிறார்கள். இதன் அர்த்தம் '12 வயதில் ஆண்களாகும் குழந்தைகள்' என்பதாகும்.

மருத்துவ ரீதியாக இது ஒரு மரபணு கோளாறு (Genetic Disorder) என்று கண்டறியப்பட்டுள்ளது. விஞ்ஞானிகள் இவர்களை 'சூடோஹோர்மாஃப்ராடைட்' (Pseudovhermaphrodite) என்று அழைக்கிறார்கள். இத்தகைய பாதிப்புக்குள்ளான குழந்தைகளுக்குப் பிற்காலத்தில் கண்பார்வைக் கோளாறுகளும் ஏற்படுவதாகக் கூறப்படுகின்றது.

உடலில் ஏற்படும் வியக்கத்தக்க மாற்றங்கள்

பெண்ணாகப் பிறந்து வளரும் குழந்தைகளுக்கு, பத்தாம் வயதைக் கடந்து 12 வயது நெருங்கும் போது உடலில் திடீர் மாற்றங்கள் நிகழத் தொடங்குகின்றன.

படிப்படியாக அவர்களுக்கு ஆண்களைப் போன்ற உடல் உறுப்புகள் உருவாகத் தொடங்குகின்றன.

குரல் கூட ஆண்களைப் போல கனமாக மாறுகிறது.

தீர்வு கிடைக்காத மருத்துவப் புதிர்!

இந்த விசித்திர நோய்க்கான காரணத்தைக் கண்டறியவும், அதற்குத் தீர்வு காணவும் உலகின் பல நாடுகளைச் சேர்ந்த ஆராய்ச்சியாளர்கள் தீவிரமாக முயன்று வருகின்றனர். இருப்பினும், இன்றும் அவர்களால் இதற்கான முழுமையான தீர்வைக் கண்டுபிடிக்க முடியவில்லை.

இந்தக் கிராமத்தில் பிறக்கும் ஒவ்வொரு 90 குழந்தைகளில் ஒருவர் இந்த மரபணுப் பாதிப்புடன் போராடுவதாக ஆராய்ச்சிகள் தெரிவிக்கின்றன. சாபமா அல்லது அறிவியல் புரியாத மருத்துவப் புதிரா? என்ற கேள்வியுடன் இன்றும் லா சலினாஸ் கிராம மக்கள் வாழ்ந்து வருகின்றனர்.