சாம்சங் நிறுவனத்தின் வரவிருக்கும் முதன்மை ஸ்மார்ட்போன்களான கேலக்ஸி எஸ் 21 மற்றும் கேலக்ஸி எஸ் 21 அல்ட்ரா மாடல்களின் ரெண்டர்கள் லீக் ஆகியுள்ளது.
சாம்சங் நிறுவனத்தின் அடுத்த பிளாக்ஷிப் ஸ்மார்ட்போன்களாக அறிமுகமாகும் என்று எதிர்பார்க்கப்படும் கேலக்ஸி எஸ் 21 மற்றும் கேலக்ஸி எஸ் 21 அல்ட்ரா மாடல்களின் ரெண்டர்களில் லீக் ஆகியுள்ளதாக தகவல்கள் தெரிவிக்கின்றன.
கேலக்ஸி எஸ் 21 தொடர் (இது
அதிகாரப்பூர்வ பெயர் அல்ல) சில காலமாக செய்திகளில் வந்த வண்ணம் உள்ளது. சாம்சங்
நிறுவனம் அதன் வரவிருக்கும் முதன்மை ஸ்மார்ட்போன்களின் பெயர்களை
உறுதிப்படுத்தவில்லை என்றாலும் கூட, வெண்ணிலா கேலக்ஸி எஸ் 21 ஸ்மார்ட்போனுடன் ஒரு
'பிளஸ்' மாடல் இருக்கும் என்று நம்பப்படுகிறது உடன் ஒரு' அல்ட்ரா' மாடலும்
வெளியாகும் என்று எதிர்பார்க்கப்படுகிறது.
லீக் ஆன ரெண்டர்களின் வழியாக சாம்சங் கேலக்ஸி எஸ் 20 ஸ்மார்ட்போனைப் போன்ற ஒரு
வடிவமைப்பை நம்மால் காண முடிகிறது, அதாவது ஹோல் பஞ்ச் கட் அவுட் மற்றும் பெஸல்லெஸ்
டிஸ்பிளேவைக் காண முடிகிறது.
ஒன்லீக்ஸுடன் இணைந்து ஆப்.வாய்ஸ்.காம் (Voice) தளம் வெளியிட்டுள்ள சாம்சங் கேலக்ஸி
எஸ் 21 ஸ்மார்ட்போனின் ரெண்டர்களின்படி, கேலக்ஸி எஸ் 20 தொடர் ஸ்மார்ட்போன்கள்
ஆனது ஒரே மாதிரியான வடிவமைப்பைக் காட்டுகிறது. அதாவது மத்தியில் ஹோல் பஞ்ச் கட்
அவுட், மெலிதான பெஸல்கள் மற்றும் ட்ரிபிள் ரியர் கேமரா அமைப்பு போன்றவைகளை
கொண்டுள்ளது.
வழக்கம்போல பின்புற கேமராக்கள் செங்குத்தாக வைக்கப்பட்டுள்ளன, இருப்பினும் அது ஒரு
தனித்துவமான வடிவமைப்பில் இருப்பதாக தெரிகிறது. கேமரா ஃபிளாஷ் ஆனது கேமரா
தொகுதிக்கு அடுத்ததாக வைக்கப்பட்டுள்ளது, மற்ற ஸ்மார்ட்போன்களில் இருப்பது போல
கேமரா அமைப்பிற்கு உள்ளே இல்லை.
தவிர, ஸ்மார்ட்போனில் 6.2 இன்ச் அளவிலான பிளாட் டிஸ்ப்ளே இருப்பதாகவும், இது
151.7x71.2x7.9 மிமீ அளவிடும் என்றும், கேமரா பம்ப் உடன் சேர்த்து மொத்த தடிமன் 9
மிமீ வரை இருக்கும் என்றும் வெளியான அறிக்கை கூறுகிறது.
சாம்சங் கேலக்ஸி எஸ் 21 அல்ட்ராவை பொறுத்தவரை, வாய்ஸ் தளம் பகிர்ந்த
ரெண்டர்களின்படி சற்று வளைந்த டிஸ்பிளேவை காட்சிப்படுத்துகிறது. மேலும் அது 6.7
இன்ச் முதல் 6.9 வரை எங்காவது ஒரு புள்ளியில் டிஸ்பிளே அளவை கொண்டிருக்கலாம்
என்றும் கூறப்படுகிறது.
பின்புறத்தில், நான்கு சென்சார்கள் மற்றும் ஃபிளாஷ் ஆகியவற்றைக் கொண்ட பெரிய கேமரா
அமைப்பு உள்ளது. பரிமாணங்களைப் பொறுத்தவரை, வதந்திக்கப்படும் கேலக்ஸி எஸ் 21
அல்ட்ரா ஆனது 165.1x75.6x8.9 மிமீ மற்றும் கேமரா பம்ப் உடன் 10.8 மிமீ வரை தடிமனை
கொண்டிருக்கலாம்.
இந்த ஸ்மார்ட்போன் எஸ் பென் ஆதரவோடு வரும் என்று கூறப்படுகிறது, ஆனால் குறிப்பிட்ட
எஸ் பென்னை வைக்க ஸ்மார்ட்போனில் எந்த ஸ்லாட்டும் இருக்காது என்பது போல்
தெரிகிறது.
இருப்பினும் சாம்சங் நிறுவனம் கேலக்ஸி எஸ் 21 தொடரின் வெளியீட்டு தேதியை பகிர்ந்து
கொள்ளவில்லை மற்றும் கேலக்ஸி எஸ் 21 என்றுதான் அழைக்கப்படுமா என்பதையும் உறுதி
செய்யவில்லை.
இருப்பினும், சமீபத்திய அறிக்கை தென் கொரிய நிறுவனமான சாம்சங் அதன் புதிய வரிசையை
அடுத்த ஆண்டு ஜனவரி மாத தொடக்கத்தில் வெளியிடக்கூடும் என்று குறிப்பிட்டுள்ளது.
கடைசியாக, கேலக்ஸி எஸ் 21 சீரிஸ் ஸ்மார்ட்போன்கள் ஆனது கிரே, பிங்க், சில்வர்,
வயலட் மற்றும் ஒயிட் வண்ணங்களில் வெளியாகும் என்றும் எதிர்பார்க்கப்படுகிறது.
கூடுதலாக சாம்சங் நிறுவனம் இந்த ஸ்மார்ட்போன்களுடன் அதன் கேலக்ஸி பட்ஸ் 2-ஐயும்
வெளியிடலாம்.
குறிப்பு: படங்கள் அனைத்தும் மாதிரிக்காக / உதாரணத்திற்காக வழங்கப்படுபவையே
இது போன்ற பல்வேறு செய்திகள், கதைகள் ,பொழுதுபோக்கு துணுக்குகள்,மின்னணு புத்தகங்கள் போன்றவற்றை பெற எங்கள் டெலிகிராம் சேனல்-லில் இணைந்து கொள்ளவும்மொபைல்
கருத்துகள் இல்லை:
கருத்துரையிடுக