கடந்த செப்டம்பர் மாதத்தில் ஒன்பிளஸ்
7டி அறிமுகம் ஆனபோது ஒன்பிளஸ் நிறுவனம் ஒரு மாபெரும்
பாடத்தை கற்றுக்கொண்டது. அதாவது ஒன்பிளஸ் 7டி அறிமுகத்திற்கு பின்னர் சற்று பழைய ஒன்பிளஸ்
7 ஸ்மார்ட்போனுக்கு மிகப்பெரிய விலைக்குறைப்பு அறிவித்தது, இதன் விளைவாக ஒன்பிளஸ்
7 ஆனது ரூ.30,000 க்கு கீழ் வாங்க கிடைக்கும் ஸ்மார்ட்போன்களின் பட்டியல் அது இணைந்தது.
இந்த விலைக்குறைப்பானது, ஒரு சிறந்த ப்ரீமியம் ஸ்மார்ட்போனை வாங்க விரும்பியவர்களுக்கு
ஒரு அற்புதமான வாய்ப்பாக அமைந்தது. அதன் விளைவாக ஒன்பிளஸ் 7 ஸ்மார்ட்போன் ஆனது நிர்ணயிக்கப்பட்ட
இலக்கை விட அதிக எண்ணிக்கையில் விற்பனை ஆனது - இதுதான் ஒன்பிளஸ் நிறுவனம் கற்றுக்கொண்ட
பாடம்!
ஆம்!
வருகிறது ஒன்பிளஸ் 8 லைட்!
உங்களுக்கு
புரிந்திருக்கும் என்று நம்புகிறோம். ஆம்! ஒன்பிளஸ் நிறுவனம் பட்ஜெட் விலையில் பிரீமியம்
ஸ்மார்ட்போன்களை அறிமுகம் செய்யவுள்ளதாக தகவல்கள் வெளியாகியுள்ளது. அதாவது ஒன்பிளஸ்
8 லைட் ஸ்மார்ட்போனை அடுத்த ஆண்டு தொடக்கத்தில் அறிமுகம் செய்யலாம் என்று கூறப்படுகிது.
இது உண்மையாகும் பட்சத்தில் கூறப்படும் ஒன்பிளஸ் 8 லைட் ஸ்மார்ட்போனின் விலை நிர்ணயம்
என்னவாக இருக்கும்? அதில் என்னென்ன அம்சங்களை நாம் எதிர்பார்க்கலாம்? போன்ற கேள்விகளுக்கான
பதில்களை அறிய தொடர்ந்து படிக்கவும்.
அடுத்த
ஆண்டு, ஒன்பிளஸ் 8 மற்றும் ஒன்பிளஸ் 8 ப்ரோ ஸ்மார்ட்போன்கள் மட்டுமே வெளியாகும் என்று
நாமெல்லாம் யோசித்துக்கொண்டிருக்கும் நேரத்தில், இந்த தொடரில் சத்தமின்றி இன்னொரு மாடல்
இணைந்துள்ளதாக தெரிகிறது மற்றும் அது ஒன்பிளஸ் 8 லைட் ஆகும். இது ஒரு மலிவு விலையிலான
ஸ்மார்ட்போனாக இருக்கும் என்று எதிர்பார்க்கப்படுகிறது. இந்த தகவலானது 91 மொபைல்ஸ்
மற்றும் ஒன்லீக்ஸ் வெளியிட்ட லீக்ஸ் ரெண்டர்கள் மற்றும் தகவல்கள் வழியாக எங்களுக்கு
கிடைத்துள்ளது.
என்னென்ன அம்சங்களை எதிர்பார்க்கலாம்?
வெளியான
லீக்ஸ் ரெண்டர்களில் இருந்து, ஒன்பிளஸ் 8 லைட் ஆனது ஒன்பிளஸ் 8 மற்றும் ஒன்பிளஸ் 8
ப்ரோ போலல்லாமல் பிளாட் டிஸ்ப்ளேவை கொண்டுருக்கும் என்பதையும், இருப்பினும் முந்தைய
மாடல்களை போலவே ஒன்பிளஸ் 8 லைட் ஆனது டிஸ்பிளேவின் மையத்தில் செல்பீ கேமராவிற்கான பஞ்ச்-ஹோல்
கட்அவுட்டைக் கொண்டிருக்கும் என்பதையும் காண முடிகிறது. இந்த லைட் பதிப்பின் டிஸ்பிளே
ஆனது மெல்லிய பெஸல்களை கொண்டுள்ளது, இருப்பினும் ஒன்பிளஸ் 7டி ப்ரோவில் காணப்படுவதை
போல மெலிதாக இல்லை, சற்று தடிமனாக இருக்கும். இதன் டிஸ்பிளே அளவானது 6.4 இன்ச் இருக்கலாம்
என்றும், இன்-டிஸ்பிளே கைரேகை சென்சார் கொண்ட இந்த ஸ்மார்ட்போன் ஆனது AMOLED டிஸ்ப்ளேவை
பயன்படுத்தலாம் என்றும் கூறப்படுகிறது.
வடிவமைப்பு மற்றும் கேமராக்கள்
பற்றி?
மற்ற
அம்சங்களை பொறுத்தவரை (லீக்ஸ் ரெண்டர்களின் வழியாக) ஒன்பிளஸ் 8 லைட் ஸ்மார்ட்போனில்
ஹெட்ஜாக் எதுவும் இடம்பெறவில்லை. ஆனால் அது யூ.எஸ்.பி-சி போர்ட் மற்றும் ஸ்பீக்கர்
கிரில்லுடன் வருகிறது. இதன் பின்புற கேமரா வடிவமைப்பானது (செவ்வக கூம்பு) சாம்சங் கேலக்ஸி
எஸ் 11 ஸ்மார்ட்போனில் காணப்படுவது போன்றே உள்ளது. எல்.ஈ.டி ஃபிளாஷ் மற்றும் TOF சென்சார்களுடன்
பின்புறத்தில் இரண்டு கேமராக்கள் உள்ளன. கேமராக்களின் அளவீடுகள் பற்றி எந்த தகவலும்
இல்லை என்றாலும் கூட, இது அல்ட்ரா வைட் ஆங்கிள் மற்றும் மேக்ரோ மோட் ஆதரவு கொண்ட கூடுதல்
சென்சார் உடன் 64 மெகாபிக்சல் அளவிலான மெயின் கேமராவை கொண்டிருக்கலாம் என்று எதிர்பார்க்கப்படுகிறது.
விலை நிர்ணயம் எப்படி
இருக்கும்?
ப்ராசஸரை
பொறுத்தவரை, ஒன்பிளஸ் 8 லைட் ஸ்மார்ட்போன் ஆனது இரண்டு திசைகளுக்குச் செல்லலாம். முதலாவதாக,
ஸ்னாப்டிராகன் 865 சிப்செட்டை பயன்படுத்தலாம். அப்போது தான் ரூ.30,000 க்கு கீழ் என்கிற
விலை நிர்ணயத்தை எட்டலாம், இன்னும் தெளிவாக சொல்லப்போனால் ரூ.28,999 என்கிற புள்ளியை
எட்டாம். இது சாத்தியமாகும் பட்சத்தில் ரெட்மி கே 20 மற்றும் சியோமியிலிருந்து வரவிருக்கும்
ரெட்மி கே 30 சீரிஸ் ஸ்மார்ட்போன்களை ஒன்பிளஸ் 8 லைட் ஆனது அடித்து துவம்சம் செய்யும்
என்பதில் சந்தேகமே வேண்டாம்.
இரண்டாவது
வாய்ப்பு இன்னும் மலிவான விருப்பமாக இருக்கலாம், அதாவது ஒன்ப்ளஸ் 8 லைட் ஸ்மார்ட்போனில்
ஸ்னாப்டிராகன் 765 ஜி சிப்செட் பயன்படுத்தப்படலாம். இது சாத்தியமாகும் பட்சத்தில் ஒன்பிளஸ்
8 லைட் ஆனது ரூ.25,000 என்கிற பட்ஜெட்டை எட்டலாம். இந்த இரண்டில் எதுவாக இருந்தாலும்,
இது இன்னும் உறுதிப்படுத்தப்படாத ஒரு லீக்ஸ் தகவல் என்பதை நாம் நினைவில் கொள்ள வேண்டும்.
ஒன்பிளஸ் 8 லைட் சார்ந்த அதிகாரபூர்வமான தகவல்கள் வெளியானால் அதை உடனுக்குடன் அப்டேட்
செய்கிறோம்
கருத்துகள் இல்லை:
கருத்துரையிடுக