விண்டோஸ் பிசி, மேக் அல்லது ஒரு Chromebook வழியாக Google Chrome ஐப் பயன்படுத்தும் ஒவ்வொரு பயனரும் கட்டாயம் தெரிந்து வைத்திருக்க வேண்டிய ஒரு செட்டிங்ஸ் இது.

    

Google Chrome-ஐ பயன்படுத்தும் 100-க்கு 99 பேர், ஒரு குறிப்பிட்ட தொந்தரவை அனுதினமும் அனுபவிக்கின்றனர். அது ஒவ்வொரு முறையும் ஒரு வலைத்தளத்தைப் பார்வையிடும்போது அவர்கள் பெறும் சைட்-பாப்-அப்கள் (Site-pop-ups).

கூகுளுக்குள் நாள் எதை தேடி செல்கிறோமோ அதை தவிர்த்து மீதி எல்லாமே முன்னால் வந்து நிற்கும் அல்லது "முன்னதாக" காட்டப்படும்.

ஒவ்வொரு முறையும், ஒவ்வொரு பாப்-அப் அறிவிப்பிற்கும் Block-ஐ தேடி கண்டுபிடித்து அழுத்துவதற்குப் பதிலாக, Google Chrome-இல் ஒரு குறிப்பிட்ட விருப்பத்தை OFF செய்து வைப்பதின் மூலம் அனைத்து பாப்-அப் அறிவிப்புகளில் இருந்தும் நீங்கள் விடுதலை பெறலாம்.

ஒருவேளை நீங்கள் ஒரு சில தளங்களிலிருந்து பாப்-அப் அறிவிப்புகளைப் பெறவும், பிறவற்றை பிளாக் செய்ய வேண்டும் என்றாலும் செய்யலாம்.

இப்படியாக ஒரு விண்டோஸ் பிசி, அல்லது ஒரு மேக் அல்லது ஒரு பெஸ்ட் Chromebook வழியாக Google Chrome ஐப் பயன்படுத்தும் ஒவ்வொரு பயனரும் கட்டாயம் தெரிந்து வைத்திருக்க வேண்டிய "அந்த" செட்டிங்ஸ் இதோ:

Chrome-இல் Pop-up site நோட்டிபிக்கேஷன்களை Block / Allow செய்வது எப்படி?

- உங்கள் கணினியில், Chrome ஐத் திறக்கவும்.

- மேல் வலதுபுறத்தில், மேலும் கிளிக் செய்க.

- அமைப்புகளுக்குச் செல்லவும்.

- தனியுரிமை மற்றும் பாதுகாப்பின் கீழ் தள அமைப்புகளைத் தேர்ந்தெடுக்கவும்.

- அறிவிப்புகளைக் கிளிக் செய்க.

- உங்களுக்கு கிடைக்கும் எல்லா தளங்களின் பாப்-அப் அறிவிப்புகளையும் பிளாக் செய்ய, அதாவது தடுக்க, ஏற்கனவே ON செய்ப்பட்டு இருக்கும் மேலே காணப்படும் Sites can ask to send notifications என்கிற விருப்பத்தை OFF செய்யவும்.

- நீங்கள் Use quieter messaging என்கிற விருப்பதையும் பயன்படுத்தலாம். இது உங்களுக்கான நோட்டிபிக்கேஷன்ஸ் இடையூறை சற்றே குறைக்கும்.

- ஒருவேளை நீங்கள் ஒரு குறிப்பிட்ட தளத்தை மட்டுமே பிளாக் செய்ய விரும்புகிறீர்கள் என்றால், Block பிரிவின் கீழ் Add என்பதைக் கிளிக் செய்க. பின்னர் நீங்கள் தடுக்க விரும்பும் தளத்தின் பெயரை உள்ளிட்டு Add என்பதைக் கிளிக் செய்க.

- ஒருவேளை நீங்கள் ஒரு தளத்திலிருந்து அறிவிப்புகளைப் பெற விரும்பினால், Allow என்ற பிரிவின் கீழ் Add என்பதைக் கிளிக் செய்க. பின்னர் தளத்தை உள்ளிட்டு Add என்பதை கிளிக் செய்க. இதற்கு மாற்று வழியாக நீங்கள் chrome://settings/content/notifications என்கிற ஷார்ட்கட்டையும் பயன்படுத்தலாம்.