காலையில் எழுந்ததும் சூரிய பகவானை நோக்கி வணங்கி செய்யும் ஒரு ஆசனம் தான் இந்த சூரிய நமஸ்காரம் ஆகும். சூரிய நமஸ்காரம் செய்வதால் நம் உடலுக்கும் மனதிற்கும் அமைதி கிடைக்கிறது. ஆனால் இந்த ஆசனத்தை செய்யும் நிறைய பேர் சில தவறுகளை பின்பற்றுகின்றனர். அது எந்த மாதிரியான தவறுகள் அதை எப்படி சரி செய்யலாம் என பார்ப்போம்.

 சூரிய நமஸ்காரம் உண்மையில் சக்தி வாய்ந்த ஒன்று. இது உடலுக்கும் மனதுக்கும் பயனளிக்காத கூடிய ஒரு விஷயம். ஆனால் அதே நேரத்தில் இதைச் சரியாக செய்தால் மட்டுமே நம்மால் முழு பயன்களையும் அள்ள முடியும் என்கிறார்கள் யோகா வல்லுநர்கள். சூர்ய நமஸ்காரம் அல்லது சூரிய வணக்கம் என்பது 12 சக்திவாய்ந்த யோக ஆசனங்களில் ஒன்று. இது உடலிலும் மனதிலும் ஒரு சிறந்த, உற்சாகமான தாக்கத்தை ஏற்படுத்துகிறது. அதே நேரத்தில் இருதய ஆரோக்கியத்தை மேம்படுத்துகிறது. இதை பெரும்பாலான மக்கள் எடை இழப்புக்காக செய்கிறார்கள். ஆனால் இதை சரியாக செய்ய வேண்டியது மிகவும் அவசியம். இதைச் செய்யும் போது உங்கள் சுவாசம் மற்றும் அசைவுகளில் கவனம் செலுத்த வேண்டியது அவசியம்.

எனவே இந்த சக்தி வாய்ந்த சூரிய நமஸ்காரத்தை எப்படி சரியாக செய்யலாம் என்பதை அறிவோம்.

சுவாச உத்திகளை முறையாக பின்பற்றுங்கள்

சூரிய நமஸ்காரம் செய்யும் போது நமது சுவாசத்தில் கவனம் செலுத்துவது அவசியம். உங்கள் உடல் அசைவுகள் மற்றும் உங்கள் சுவாசம் ஒத்திசைவாக இருக்க வேண்டும்.படிப்படியான பயிற்சி உங்களுக்கு நல்ல தீர்வை கொடுக்கும். எனவே படிப்படியாக சுவாச பயிற்சியை மேற்கொள்ளுங்கள்.

ஹஸ்தா உத்தனாசனாவைத் தவிர்ப்பது

சூரிய நமாஸ்காரத்தின் போது ஒரு சுற்றில் ஹஸ்தா உத்தனாசனா இரண்டு முறை தோன்றும். இந்த ஆசனத்தின் முக்கிய நோக்கம் நம்முடைய முதுகெலும்புகளை சூடேற்றி பலப்படுத்துவதாகும். இது உங்கள் முதுகெலும்பின் முழு நீளத்திற்கும் ஒரு பெரிய நீட்டிப்பை அளிக்கிறது. மேலும் ஆழமாகவும் முழுமையாகவும் சுவாசிக்க உதவுகிறது.

எனவே ஒரு வேளை நீங்கள் ஹஸ்தா உத்தனாசனாவைத் தவிர்ப்பதன் மூலம், நீங்கள் சுவாசம் மற்றும் இயக்க சமநிலையை பெற முடியாமல் போகலாம் . உங்கள் முதுகெலும்புக்கு தேவையான வலிமையும் நீட்டலும் கிடைக்காது என்கிறார்கள் யோகா வல்லுநர்கள்.

சதுரங்க தண்டசனாவைச் சரியாகச் செய்யாமல் இருப்பது

நான்கு-மூட்டு அமர்வு நிலை அல்லது தாழ்ந்த பிளாங் என்றும் அழைக்கப்படும் இந்த போஸுக்கு உங்கள் உடல் உள்ளங்கைகள் அல்லது கால்விரல்களின் ஆதரவுடன் தரையில் நேராகவும் இணையாகவும் இருக்க வேண்டும். நீங்கள் தவறு செய்வது உங்கள் முதுகெலும்புக்கு அழுத்தம் கொடுக்க நேரிடலாம். எனவே நீங்கள் இதை தவறாக செய்யும்போது, கீழ் உடல் தரையை நோக்கி மூழ்கி உங்களுக்கு முதுகுவலியைத் தருகிறது. எனவே அதைத் தவிர்க்க, உங்கள் வயிற்று மற்றும் மேல் உடல் தசைகளைப் கொண்டு ஈடுபட வேண்டும் என்பதை நினைவில் கொள்ளுங்கள்.

கோப்ரா நிலை

கோப்ரா நிலைக்கும் மேல்நோக்கி எதிர்கொள்ளும் நாய் போன்ற நிலைக்கும் இடையிலான குழப்பம். கோப்ரா நிலை மற்றும் மேல்நோக்கி எதிர்கொள்ளும் நாய் நிலை (உர்த்வா முக ஸ்வானாசனா) ஆகியவை மிகவும் ஒத்தவை. எனவே இந்த இரண்டு யோகாசனங்களையும் குழப்பிக் கொள்ள வாய்ப்பு உள்ளது.

மேலும் சூர்ய நமஸ்காரம் பயிற்சியைத் தொடங்குவதற்கு முன்பு கோப்ரா போஸ் செய்தால் உங்களுக்கு நல்ல பிடிப்பு கிடைக்கும் என்கிறார்கள் யோகா வல்லுநர்கள்.

அஸ்வ சஞ்சலநாசனம் செய்யும் போது முன்னேறக்கூடாது

சூரிய நமஸ்காரத்தின் ஒரு சுற்று அது முடிவடைவதற்கு முன்பே கீழ்நோக்கி எதிர்கொள்ளும் நாய் நிலையில் இருந்து குதிரையேற்றம் நிலைக்கு மாறுகிறது. எனவே முடிவில் நீங்கள் முழங்காலை தெரியாமல் அதிகமாக நீட்டுவது முழங்கால்களில் அதிக அழுத்தத்தை ஏற்படுத்தக் கூடும். மேலும் உங்க இடுப்புப் பகுதி ஒரு நெகிழ்வான தன்மையை தராது. எனவே இந்த மாதிரி செய்வது தவறு என்கிறார்கள் யோகா வல்லுநர்கள்.

எப்படி சரியாக செய்வது

உங்கள் முழங்கால்களை சிறிது நேரம் வளைத்து பின் உங்கள் பாதத்தை பின்னோக்கி நகர்த்தும். பொதுவாக சூரிய நமஸ்காரத்திற்கு என்று தனிப்பட்ட கவனம் யோகா பயிற்சியின் போது கொடுக்கப்பட வேண்டும். ஏனெனில் நீங்கள் அதை சரியாக செய்ய வேண்டும். ஒவ்வொரு சுவாசத்திலும் நிலையிலும் கவனம் செலுத்துவதை நோக்கி உங்கள் உடலும் மனமும் சீரமைக்கப்பட வேண்டும் என்கிறார் யோகா வல்லுநர்கள்.