​01.மேவார் வம்சம்

மகாராணா பிரதாப் போன்ற பெரிய மன்னர்களை கொண்ட செழிப்பான வம்சமாக மேவார் வம்சம் பார்க்கப்படுகிறது. இந்த தலைமுறையின் சந்ததியினர் உதய்பூரில் வசிக்கின்றனர். இந்த குடும்பத்தின் தற்போதைய தலைவராக அரவிந்த் சிங் மோவார் உள்ளார்.

மோவார் வம்சத்தில் 76 ஆவது பாதுக்காவலராக இவர் உள்ளார். அரவிந்த் சிங் தன்னை பெயரளவில் மட்டுமே மன்னர் என சொல்லிக்கொள்பவர். உண்மையில் அவர் ஒரு தொழிலதிபர். ஹெச்.ஆர்.ஹெச் ஹோட்டல் குழுமத்தின் தலைவராக இவர் இருக்கின்றார்.

அந்த குழுவின் கீழ் 10 க்கும் மேற்ப்பட்ட ஹோட்டல்கள் உள்ளன. அரவிந்த் சிங்கும் அவரது மனைவி மகாராணி விஜயராஜும் உதய்பூர் நகரில் உள்ள அரண்மனையில் வசிக்கின்றனர். அதில் ஒரு பகுதி சுற்றுலா பயணிகள் பார்வையிடுவதற்காக திறக்கப்பட்டுள்ளன.

அரச குடும்பத்திற்கு சொந்தமான சில அரண்மனைகளை அவர் குத்தகைக்கு வழங்கியுள்ளார். குறிப்பாக ஏரி அரண்மனை மற்றும் ஃபதே பிரகாஷ் போன்றவற்றின் நிர்வாக உரிமையை அவர் தாஜ் ஹோட்டல் குழுமத்திற்கு வழங்கியுள்ளார்.

அவர் உதய்பூர் நகரில் கார்களுக்கான அருங்காட்சியகத்தை திறந்து வைத்துள்ளார். அதில் தன் தந்தையின் சேகரிப்புகளை பாதுக்காத்து வருகின்றார். இந்திய பணக்கார குடும்பங்களில் அரவிந்த் சிங்கின் குடும்பமும் ஒன்றாகும்.

வாடியார் வம்சமானது கிருஷ்ணரின் யதுவன்ஷி குல வம்சத்திடம் இருந்து வந்ததாக கூறப்படுகிறது. அவர்களின் சிம்மாசனம் இன்றும் கூட மைசூர் அரண்மனையில் உள்ளது.

தற்போது இந்த வம்சத்தின் தலைவராக 27 வயதான யதுவீர் கிருஷ்ணாடுத்தா சமராஜ் வாடியார் இருக்கிறார். ஆனால் அவர் இந்த தலைமுறையின் நேரடி வாரிசு அல்ல.

ஶ்ரீகாந்த டட்டா வாடியார் 2013 ஆம் ஆண்டு வாரிசு இல்லாமலே இறந்தார். அவருக்கு பிறகு அவர் எந்த வாரிசு பெயரையும் குறிப்பிடவும் இல்லை. எனவே அவரது மனைவி ராஜ்மதா என்பவர் யதுவீரை தங்கள் மகனாக ஏற்றுக்கொண்டு அவரை அரசனாக்கினார்.

மைசூரில் சிறந்த பட்டுக்களை தயாரிக்கும் நிறுவனத்தை இவர் நிறுவியுள்ளார். ஶ்ரீ காந்த டட்டாவால் தொடங்கப்பட்ட மைசூரின் ராயல் சில்க் நிறுவனம் அவர்களுக்கு நல்ல வெற்றியை பெற்று தந்தது.

ஆனாலும் இப்போதுள்ள புதிய மன்னர் ஆங்கிலம் மற்றும் பொருளாதாரத்தில் பட்டம் பெற்றவர். அவர் 2016 ஆம் ஆண்டு துங்கர்பூரின் இளவரசி திரிஷிகா குமாரி சிங்கை திருமணம் செய்துக்கொண்டார். இந்த ஜோடிக்கு தற்சமயம் இரண்டு வயதில் ஆண் குழந்தை ஒன்று உள்ளது.

ஜெய்ப்பூரின் பிரபல அந்தஸ்த்தை பெற்ற அரச தலைமுறையில் இதுவும் முக்கியமான அரச குடும்பமாக உள்ளது. பவானி சிங் என்பவர் இந்த குடும்பத்தின் கடைசி தலைவராக இருந்தார்.

அவருக்கு எந்த வாரிசுகளும் இல்லாத காரணத்தால் பவானி சிங் தனது வயதான காலத்தில் தனது மகள் தியா குமாரியின் மகன் பத்மநாத் சிங்கை தத்தெடுத்தார். அதன் பிறகு 2011 ஆம் ஆண்டு இளம் இளவரசன் பத்மநாத் ஜெய்ப்பூரின் மகாராஜாவானார்.

அவர் ஒரு தேசிய அளவிலான போலோ வீரர் ஆவார். இதனால் விளையாட்டுக்கு இவர் அதிக முக்கியத்துவம் கொடுத்து வருகிறார். இவர் சமீபத்தில் இவர் ஏர் பி.என்.பி என்னும் நிறுவனத்தில் கூட்டு சேர்ந்தார். ஏர் பி என் பி என்பது சுற்றுலா தொடர்பான இணையதளமாகும்.

இந்த புதிய முயற்சியின் மூலம் ஜெய்ப்பூர் நகர அரண்மனையை வலைத்தளத்தில் பார்க்கும் சுற்றுலா பயணிகள் அங்கு அதிகமாக வர துவங்கினர். அவர்கள் வருவதற்கும், தங்குவதற்கும் பல விஷயங்கள் செய்யப்பட்டன.

இதிலிருந்து கிடைத்த வருமானங்கள் அனைத்தும் இளவரசி தியா குமாரி அறக்கட்டளைக்கு அனுப்பப்பட்டன. பத்மநாத் ஒரு தீவிரமான பயணி ஆவார். உலகம் முழுவதும் பல பத்திரிக்கைகளின் அட்டை படங்களில் இவர் இடம் பெற்றுள்ளார்.

இந்த குடும்பத்தின் நிகர சொத்து மதிப்பு 2.8 பில்லியன் டாலருக்கும் அதிகமாக இருப்பதாக டைம்ஸ் ஆஃப் இந்தியா தெரிவித்துள்ளது.

ஜோத்பூர் ஒரு காலத்தில் ரத்தோர் வம்சத்தால் ஆளப்பட்டது. அவர்களது சந்ததியினர் இன்னும் அங்கு வாழ்ந்து வருகின்றனர். மெஹ்ரான்கர் கோட்டை மற்றும் உமைத் பவன் அரண்மனையின் தாயகமாக ஜோத்பூர் உள்ளது. இது உலகின் மிகப்பெரிய கோட்டைகளில் ஒன்றாகும்.

தற்போது மகாராஜா காஜ் சிங் தனது மனைவி மற்றும் இரண்டு குழந்தைகளோடு உமைத் பவன் அரண்மனையில் வசித்து வருகிறார். இந்த அரண்மனையின் ஒரு பகுதி சுற்றுலா பயணிகளுக்காக ஒதுக்கப்பட்டுள்ளது.

மீதமுள்ளவற்றை தாஜ் ஹோட்டல் குழுமம் நிர்வகிக்கிறது. நமது நாட்டில் திருமணம் நடத்த மிகவும் விரும்பப்படும் இடங்களில் இந்த இடமும் ஒன்றாகும். இந்த அழகான இடத்தில்தான் பாலிவுட் நடிகை பிரியங்கா சோப்ரா நிக் ஜோனஸை திருமணம் செய்துக்கொண்டார்.

மகாராஜா காஜ் சிங் மாநிலங்களவையில் ஒரு பதவியில் இருந்துள்ளார். சில ஆண்டுகளுக்கு முன்பு இவர் இந்திய உயர் ஸ்தானிகராகவும் பணியாற்றினார்.

முதலில் புனேவில் இருந்து பரோடா வந்த கெய்க்வாட்ஸ் 18 ஆம் நூற்றாண்டில் முற்பகுதியில் இருந்து பரோடாவில் ஆட்சியை பிடித்தார். தற்போது 52 வயதான சமர்ஜித்சின் என்பவர் இந்த தலைமுறையின் தலைவராக உள்ளார்.

அவர் அரியணை ஏறியபோது 20,000 கோடிகளுக்கும் அதிகமான சொத்துக்களை அவர் பெற்றார். பரோடாவின் கெய்க்வாட்ஸ் பரம்பரை லக்ஷிமி விலாஸ் என்னும் அரண்மனையை சொந்தமாக கொண்டுள்ளது. இது உலகின் மிகப்பெரிய தனியார் இல்லங்களில் ஒன்றாகும்.

மிகவும் புகழ் பெற்ற ரவி வர்மாவின் ஒவியங்களை சமர்ஜித்சின் வாங்கி வைத்துள்ளார். அவர் தங்கம், வெள்ளி நகைகள் என ஏராளமான சொத்துக்களை கொண்டிருந்தார். குஜராத் மற்றும் பனாரஸில் உள்ள 17 கோயில்களை கெய்க்வாட்ஸ் நிர்வகித்தார்.

அவர் அரண்மனையில் 10 கோல்ஃப் மைதானங்களை கட்டினார். சமர்ஜித்சின் அரசியலில் ஈடுபட முயன்றார். ஆனால் 2017 ஆம் ஆண்டு முதல் அரசியலில் அவர் செயலற்ற நிலையில் உள்ளார்.

மகாராஷ்ட்டிராவிற்கு சுற்றுலா செல்லும் எவரும் கண்டிப்பாக அரசர் சிவாஜி மற்றும் சத்ரபதிகள் முக்கியத்துவத்தை நன்கு அறிந்திடுவார்கள். இந்தியா முழுவதுமே மிகவும் புகழ்பெற்ற அரசர்களில் சத்ரபதி சிவாஜியும் ஒருவர் ஆவார்.

சத்ரபதிகளின் அரசக் குடும்பங்கள் தற்சமயம் கோலாப்பூர், சதாரா, நாக்பூர், முடோல், சவந்த்வாடி மற்றும் தஞ்சாவூர் போன்ற பல மாவட்டங்களில் சிதறிக்கிடக்கின்றன. சதாராவின் உதயன் ராஜே என்பவர் 13 வது சத்ரபதி பட்டத்தை வைத்துள்ளார் என கூறப்படுகிறது.

இவர் ஒரு அரசியல்வாதி ஆவார், தற்போது இவர் பாரதீய ஜனதா கட்சியின் உறுப்பினராக உள்ளார். சமீபத்தில் இவர் தன்னிடம் 170 கோடி மதிப்புள்ள சொத்துக்கள் இருப்பதை தெரிவித்தார். அதில் ஐந்து கார்கள் மற்றும் பல நகைகளும் அடங்கும்.

அந்த காலத்தில் நவாப்கள் படோடி என்னும் இடத்தில் ஆட்சி செய்து வந்தனர். இந்த நவாப் வம்சத்தில் கடைசி மகாராஜாவாக மன்சூர் அலிக்கான் படோடி என்பவர் இருந்தார். ஒரு நவாப் என்பதை தாண்டி இவர் இந்திய கிரிக்கெட் அணியின் கேப்டனாக இருந்தார்.

அவர் நடிகை ஷர்மிளா தாகூரை திருமணம் செய்துக்கொண்டார். அந்த தம்பதியினருக்கு மூன்று பிள்ளைகள் உள்ளனர். அதில் ஒரு வாரிசான சைஃப் அலிக்கான் தற்போதைய படோடி நவாப்பாக இருந்து வருகிறார். இவர் ஒரு பாலிவுட் நடிகர் ஆவார்.

இதனால் தற்போது படோடி அரண்மனை சைஃப் அலிக்கான் கைவசம் உள்ளது. இவர் பாலிவுட் நடிகை கரீனா கபூரை திருமணம் செய்துள்ளார். அவர் தனது முன்னாள் மனைவியுடன் முதல் குழந்தையை பெற்ற நிலையில் கரீனாவுடன் இரண்டாவது குழந்தையை பெற உள்ளார். மன் சூர் அலிக்கானின் மற்ற இரண்டு குழந்தைகளாக நடிகை சாரா அலிக்கான் மற்றும் இப்ராஹிம் ஆகியோர் உள்ளனர்.