​சருமத்தை நீரேற்றத்துடன் வையுங்கள்

உடலை நீர்ச்சத்து குறைபாடில்லாமல் பார்த்துகொண்டாலே சருமம் நீரேற்றத்துடன் இருக்கும் என்பது பெண்களுக்கு மட்டுமே ஆனது அல்ல. ஆண்களும் தினமும் குறைந்தது 3 லிட்டருக்கு குறையாமல் தண்ணீர் குடிக்க வேண்டும். வெயிலில் அதிகப்படியாக அலைபவர்கள், அதிகம் வியர்வையை கொண்டிருக்கும் ஆண்கள் இன்னும் கூடுதலாக தண்ணீர் குடிப்பது அவசியம்.

தண்ணீர் உடலுக்கு போதுமான அளவு இருக்கவேண்டும். அப்போதுதான் உடலில் இருக்கும் நச்சுகள் வெளியேறும். இதனால் சருமம் பொலிவாக இருக்கும். அதோடு நீரேற்றம் என்பது உடலை ஆரோக்கியமாக வைக்கும் வழிமுறையும் கூட. நீங்கள் எப்போதும் பொலிவான சருமத்தை கொண்டிருக்க விரும்பினால் தவிர்க்காமல் உடலை சருமத்தை நீரேற்றத்துடன் வைத்திருங்கள்.

தூக்கமின்மையால் கருவளையம், சோர்வற்ற முகம் என்பது பெண்களுக்கு மட்டும் கிடையாது. ஆண்களுக்கும் உண்டு. ஆண்களும் தினசரி இரவு குறைந்தது 7 மணி நேரம் முதல் 8 மணி நேரம் வரை தூங்குவதன் மூலம் சருமம் சோர்வில்லாமல் இருக்கும். தூங்கும் போதுதான் சருமம் தன்னை புதுப்பித்துகொள்கிறது. சருமத்துக்கு தேவையான கொலாஜன் உற்பத்தி அப்போதுதான் நிறைவாக கிடைக்கிறது.

இந்த கொலாஜன் சீராக இருந்தால் சருமத்தில் சுருக்கங்கள் விழாமல் தவிர்க்கப்படுகிறது. மேலும் முகத்தில் ரத்த ஓட்டம் சீராவதோடு சருமத்துக்கு பளபளப்பையும் தருகிறது. போதுமான தூக்கமின்மை கொண்டிருக்கும் போது பெண்களை போன்று ஆண்களுக்கும் கருவளையம் அதிகரிக்க வாய்ப்புண்டு. இதை தவிர்க்கவும் சருமம் சீரான ரத்த ஓட்டத்துடன் இருக்கவும் போதுமான தூக்கத்தை உறுதி செய்யுங்கள். குறிப்பாக சரியான நேரத்தில் தூங்கி சரியான நேரத்தில் எழுந்திருப்பதை வழக்கமாக்கி கொள்ளுங்கள்.

உடற்பயிற்சிக்கும் சருமத்துக்கும் என்ன தொடர்பு என்று கேட்கலாம். ஆனால் ஆண்ககள் கட்டுமஸ்தான உடல் அமைப்போடு சிக்கென்று இருக்கும் போது அழகும் பளீரிடும். பொதுவாக உடற்பயிற்சி என்பது ஆரோக்கியமான உடலை பெற உதவும் என்றாலும் சருமத்தையும் பளபளப்பாக புத்துணர்ச்சியாக வைத்திருக்க உதவும்.

உடற்பயிற்சி கடுமையாக இருந்தாலும் மிதமானதாக இருந்தாலும் அவசியம் தவிர்க்காமல் செய்யுங்கள். அதே நேரம் உடற்பயிற்சிக்கு பிறகு தவிர்க்காமல் முகத்தை சுத்தம் செய்யவும் மறக்க வேண்டாம்.

எப்போதும் ஆரோக்கியமான உணவு அவசியம் தான். பெண்களை போன்று ஆண்களும் சருமத்தை பொலிவாக வைக்க வைட்டமின் நிறைந்த உணவை சேர்க்க வேண்டும். அப்படி ஆண்களும் அவசியம் எடுக்க வேண்டிய வைட்டமின்களில் முக்கியமானது வைட்டமின் சி. இது சூரியனின் நேரடி தாக்குதலால் பாதிக்கப்படும் சருமத்துக்கு நன்மை செய்யகூடியது.

வைட்டமின் இ நிறைந்த உணவுகள் கண்களுக்கு கீழ் வரும் கருவளையத்தை குறைக்க கூடும். வைட்டமின் ஏ சருமத்துக்கு நன்மை செய்யும் கொலாஜன் உற்பத்தியை அதிகரிக்க செய்யும். ஆரோக்கியமான உயிரணுக்களின் உற்பத்தியை இந்த வைட்டமின்கள் தரக்கூடும்.

பால் பொருள்கள் கால்சியம் நிறைந்தவை என்பதை மறுக்க முடியாது. ஆனால் அழகான சருமத்துக்கு பாலாடைக்கட்டி அதிகம் சேர்க்க கூடாது. ஐஸ்க்ரீம் வகையறாக்களை பெரும்பாலும் ஆண்கள் விரும்புவதில்லை என்றாலும் அதிகம் சாப்பிடாமல் இருப்பதே நல்லது. பால் குடிக்கும் போதும் அதிகம் நீர்கலந்து குடிப்பதன் மூலம் சருமத்துக்கும் ஆரோக்கியமான நீரேற்றம் கிடைக்கும்.

இனிப்பு நிறைந்த உணவுகளும் அப்படியே. இதை ஆண்கள் பெருமளவு விரும்புவதில்லை என்றாலும் கூட அதிக இனிப்புகள் சருமத்தில் முகப்பருக்களை உண்டாக்க கூடும். அதோடு பதப்படுத்தப்பட்ட செயற்கை இனிப்புகளையும் ஆண்கள் அவசியம் தவிர்க்க வேண்டும். அதற்கு மாற்றாக அதிக காய்கறிகள் மற்றும் பழங்களை சேர்த்துகொண்டால் சருமம் பளபளப்பு உறுதி.

மேற்கண்ட குறிப்புகளை மெனக்கெட்டு கடைபிடிக்க வேண்டியதில்லை. எல்லாமே அன்றாடம் நாம் கடந்துபோகும் விஷயங்கள் தான். இதில் கொஞ்சம் கவனம் செலுத்தினால் போதும் ஹேண்ட்சம் ஹீரோ நீங்கள் தான் போங்கள். 

இது போன்ற பல்வேறு செய்திகள், கதைகள் ,பொழுதுபோக்கு துணுக்குகள்,மின்னணு புத்தகங்கள் போன்றவற்றை பெற எங்கள் டெலிகிராம் சேனல்-லில் இணைந்து கொள்ளவும்