வெறும் 500 யூனிட்கள் மட்டுமே தயாரிக்கப்பட்டு விற்பனை செய்யப்பட உள்ள இந்த ஸ்பெஷல் எடிசன் இ-பைக் 10 விதமான நிறங்களில் கிடைக்கும். இந்த இ-பைக்கிற்கான விலை 3,920 அமெரிக்க டாலர்களாக நிர்ணயிக்கப்பட்டுள்ளது.
இந்திய ரூபாயில் இதன் மதிப்பு ரூ.2.85 லட்சமாகும். ஆனால் இந்த இ-பைக்கிற்கு சில சலுகைகளை ரிஸ்ட்ரெட்டோ எலக்ட்ரிக் நிறுவனம் அறிவித்துள்ளது. இதன் மூலம் ரிஸ்ட்ரெட்டோ 303 எஃப்.எஸ் நிறுவனர்கள் எடிசனை 2744 டாலர்களில், அதாவது ரூ.2 லட்சத்தில் வாங்க முடியும்.
இத்தகைய மலிவான விலையே ரிஸ்ட்ரெட்டோ 303 எஃப்.எஸ் இ-பைக்கை அமெரிக்கர்கள் மத்தியில் பிரபலமாக்கியுள்ளது. மேலும் இந்த ஸ்பெஷல் எடிசனும் வாங்கக்கூடிய இ-பைக்காகவே அவர்களால் பார்க்கப்படுகிறது.
அமெரிக்க சந்தையை பொறுத்தவரையிலும் விலை தான் குறைவே தவிர, மோட்டார் பாகங்களில் எந்த குறையும் இந்த இ-பைக்கில் கிடையாது. ரிஸ்ட்ரெட்டோ 303 இ-பைக்கில் தயாரிப்பு நிறுவனம் 3.5 கிலோவாட்ஸ் மோட்டாரை பொருத்துகிறது.
மேலும் இவ்வாறான மிகவும் ஆற்றல்மிக்க எலக்ட்ரிக் மோட்டாரை பெறும் முதல் இ-பைக் இதுதான் எனவும் ரிஸ்ட்ரெட்டோ நிறுவனம் தெரிவித்துள்ளது. இந்த பவர்ஃபுல் மோட்டாரின் உதவியுடன் அதிகப்பட்சமாக மணிக்கு 64கிமீ வேகத்தில் இந்த இ-பைக்கை ஓட்ட முடியுமாம்.
ஆனால் அமெரிக்காவில் இ-பைக்கில் இவ்வளவு வேகத்தில் எல்லாம் செல்ல முடியாது. இதற்காக ‘சாலை' என்கிற மோட் இந்த வாகனத்தில் கொடுக்கப்பட்டுள்ளது. இது அதிகப்பட்சமாகவே 45kmph வேகத்தில் இயங்கவே அனுமதிக்கும்.
இதன் எலக்ட்ரிக் மோட்டாரில் 17.5Ah லித்தியம்-இரும்பு பேட்டரி வழங்கப்பட்டுள்ளது. இதனை முழுமையாக சார்ஜ் ஏற்றி கொண்டால் 88கிமீ தூரம் வரையில் இந்த இ-பைக்கில் பயணிக்கலாம். இதன் இந்த ரேஞ்ச் உண்மையில் ஏத்தர் 450எக்ஸ், ஹோண்டா பிசிஎக்ஸ் எலக்ட்ரிக் ஸ்கூட்டர்களை காட்டிலும் அதிகம்.
ஆனால் இதன் பேட்டரியை முழுமையாக சார்ஜ் செய்ய 5ல் இருந்து 6 மணிநேரங்கள் தேவைப்படும். விரைவு சார்ஜிங் வசதி தற்போதைக்கு இல்லை. ஆற்றல்மிக்க எலக்ட்ரிக் மோட்டார் அமைப்பை பெற்றுள்ளதால் அதற்கு ஏற்றாற்போல் சஸ்பென்ஷன் & ப்ரேக் அமைப்புகளும் நன்கு வலிமைமிக்கதாக வழங்கப்பட்டுள்ளன.
ரிஸ்ட்ரெட்டோ 303 எஃப்.எஸ் நிறுவனர்கள் எடிசன் இந்திய ஷோரூம்களுக்கு வருவதற்கு வாய்ப்பில்லை. ஆனால் இங்கு ஏற்கனவே இ மோட்டோராட் இ.எம்.எக்ஸ், டி-ரெக்ஸ் மற்றும் கார்பன் என ஏகப்பட்ட இ-பைக்குகள் விற்பனையில் உள்ளன.
ஆட்டோமொபைலும் - பங்குச்சந்தையும்
கருத்துகள் இல்லை:
கருத்துரையிடுக