எல்ஐசி வாடிக்கையாளர்களுக்கு சலுகைகள் வழங்குவதாக ஆசை வார்த்தை கூறி சில கும்பல்கள் மோசடியில் ஈடுபடுவதாக தகவல் வெளியாகியுள்ளது. எல்ஐசி அலுவலகத்தில் இருந்து பேசுகிறோம், அரசு அலுவலகத்தில் இருந்து பேசுகிறோம் என பொய் சொல்லி ஏராளமாக சலுகைகள் வழங்குவதாக இவர்கள் ஆசை வார்த்தை கூறி ஏமாற்றுவதாக தெரிகிறது.
இந்த மோசடி கும்பல்கள் குறித்து எல்ஐசி நிறுவனம் ட்விட்டரில், எல்ஐசி அதிகாரிகள், IRDAI அதிகாரிகள் என்ற பெயரில் நிறைய சலுகை வழங்குவதாக கூறும் மோசடி கும்பல்கள் குறித்து வாடிக்கையாளர்கள் எச்சரிக்கையாக இருக்க வேண்டும் என்று தெரிவித்துள்ளது.
மேலும் பாலிசிதாரர்கள், வாடிக்கையாளர்களிடம் போனஸ் தகவல்களை போன் கால் மூலமாக தெரிவிப்பதில்லை என எல்ஐசி நிறுவனம் தெளிவுபடுத்தியுள்ளது. மேலும், மோசடி கும்பல்களிடம் பாதுகாப்பாக இருக்க சில அறிவுரைகளையும் வழங்கியுள்ளது.
1. சலுகை அல்லது பாலிசி தொடர்பான எந்தவொரு தகவலையும் அருகில் உள்ள எல்ஐசி அலுவலகம், கிளைக்கு சென்று சரிபார்த்துக்கொள்ளவும். எல்ஐசி இணையதளத்திலும் தெரிந்துகொள்ளலாம்.
2. மோசடி கும்பல்கள் அழைப்பு விடுத்தது உறுதிசெய்யப்பட்டால் காவல் நிலையத்தில் புகார் அளிக்க வேண்டும்.
3. அதிகாரப்பூர்வமற்ற போன் அழைப்புகளுக்கு பதில் அளிக்க வேண்டாம்.
4. ஏராளமாக சலுகை வழங்குகிறோம் என யாரேனும் ஆசை வார்த்தை கூறினால் நம்ப வேண்டாம்.
5. பாலிசி விவரங்கள், தனிநபர் விவரங்கள் மற்று இதர விவரங்களை போன் காலில் பகிர்ந்துகொள்ள வேண்டாம்.
உள்ளூர் முதல் உலகம் வரை
கருத்துகள் இல்லை:
கருத்துரையிடுக