தப்லிகி ஜமாத்துடன் தொடர்புடைய 8 மலேசியர்கள், டெல்லியில் இருந்து மீட்பு விமானத்தில் பறக்க முயற்சித்தப்போது பிடிப்படத்தாக தகவல்கள் வெளியாகியுள்ளது.

டெல்லி IGI விமான நிலையத்திலிருந்து ஞாயிற்றுக்கிழமை மலேசியாவுக்கு தப்பிச் செல்ல முயன்றதாக 8 பேர் பிடிபட்டுள்ளனர். இவர்கள் அனைவரும் மலேசிய பிரஜைகள் எனவும், அண்மையில் நிஜாமுதீனில் நடந்த தப்லிகி ஜமாஅத் நிகழ்வில் பங்கேற்றதை மறைத்து வைத்திருப்பதாகவும் சந்தேகிக்கப்படுகின்றனர்.

இந்தியாவில் இருந்து மலேசியாவுக்குச் சென்று கொண்டிருந்த நிவாரண விமானத்தில் ஏற முயன்றபோது இந்த 8 மலேசியர்களும் பிடிப்பட்டதாக தெரிவிக்கப்பட்டுள்ளது. 

மேலும் இந்தக் குழு தற்போது மேலதிக நடவடிக்கைகளுக்காக டெல்லி காவல்துறை மற்றும் சுகாதாரத் துறை அதிகாரிகளிடம் ஒப்படைக்கப்பட்டுள்ளனர்.

இந்தோனேசியா மற்றும் மலேசியாவிலிருந்து வெளிநாட்டினர் உட்பட 2,000-க்கும் மேற்பட்ட பிரதிநிதிகள் மார்ச் 1-15 முதல் நிஜாமுதீன் மேற்கில் உள்ள தப்லிகி ஜமாஅத் சபையில் கலந்து கொண்டனர். கூட்டத்தில் பல நூறு பேருக்கு கொரோனா தொற்று இருப்பது உறுதிசெய்யப்பட்ட பின்னர் தெற்கு டெல்லி சுற்றுப்புறம் கிட்டத்தட்ட மூடப்பட்டது.