சென்னையின் அடையாளங்களில் ஒன்றாக
விளங்கும் மெரினா கடற்கரை, கொரோனா பொதுமுடக்கம் காரணமாக கடந்த மார்ச் மாதம் மூடப்பட்டது.
இந்த நிலையில் ஜூன் 1 ஆம் தேதி முதல் மாதந்தோறும் பொதுமுடக்க தளர்வுகள் அறிவிக்கப்பட்டு
வருகின்றன. அதன்படி, சென்னை மாநகரில் கோயில்கள், பூங்காக்கள், உடற்பயிற்சி கூடங்கள்
ஆகியவற்றை மீண்டும் திறக்க அரசு அனுமதி அளித்துள்ளது. அரசுப் பேருந்து போக்குவரத்தும்
மெட்ரோ ரயில் சேவையும் மீண்டும் தொடங்கப்பட்டுவிட்டது.
இவ்வாறாக சென்னை மாநகரம் மெல்ல
மெல்ல இயல்பு வாழ்க்கைக்கு திரும்பிவரும் நிலையில், சென்னைவாசிகளின் முக்கிய பொழுதுபோக்கு
இடமாக மட்டுமில்லாமல், ஆயிரக்கணக்கான வியாபாரிகளின் வாழ்வாதாரமாக திகழும் மெரினாவை
பொதுமக்கள் பயன்பாட்டுக்கு மீண்டும் திறந்து விட அரசு அனுமதிக்க வேண்டும் என்று பல்வேறு
தரப்பினர் கோரிக்கை விடுத்துள்ளனர். இந்த நிலையில், மெரினா கடற்கரையின் சிறப்பு, மெரினாவில்
அமைந்துள்ள தலைவர்களின் சமாதி, இங்கு நடைபெற்ற வரலாற்று சிறப்புமிக்க ஜல்லிக்கட்டு
போராட்டம் ஆகியவை குறித்து இங்கு காண்போம்.
உலகின்
இரண்டாவது நீண்ட கடற்கரை
சென்னை மாநகரின் அடையாளங்களில்
ஒன்றாக திகழும் மெரினா கடற்கரை இந்திய மாநகரங்களில் அமைந்துள்ள கடற்கரைகளில் மிக நீளமானது
மற்றும் உலகின் இரண்டாவது நீளமான கடற்கரை என்ற பெருமையை பெற்றுள்ளது. வங்காள விரிகுடா
கடல் எல்லையில் அமைந்துள்ள இந்த கடற்கரையின் மொத்த நீளம் 13 கி. மீ.. உலாவும் சாலை
நீளம் 6 கி.மீ. ஆகும். மும்பை மாநகரின் பாறைகள் நிறைந்த ஜுகு கடற்கரையைப் போன்று அல்லாமல்,
மெரீனா கடற்கரை மணற்பாங்காக அமைந்துள்ளது இதன் தனிச்சிறப்பாகும்.
எம்ஜிஆர்
சமாதி
மெரினா கடற்கரையையொட்டி காந்தியடிகள்,
வ.உ.சி, திருவள்ளுவர், பாரதியார், ஔவையார் என்ற புகழ்பெற்ற பல்வேறு தலைவர்கள், புலவர்கள்
உள்ளிட்டோரின் சிலைகள் அமைந்துள்ளன. அத்துடன் மறைந்த தமிழக முதல்வர்களான அண்ணாதுரை,
எம்ஜிஆர், ஜெயலலிதா, கருணாநிதி ஆகியோரின் சமாதிகளும் மெரினாவில்தான் அமைந்துள்ளன. உழைப்பாளர்
சிலை, லைட் ஹவுஸ் எனப்படும் கலங்கரை விளக்கம் உள்ளிட்டவையும் இங்குள்ளன. இதன் காரணமாக,
சென்னை மாநகரின் சுற்றுலா தலமாகவும் இக்கடற்கரை திகழ்கிறது. தமிழகத்தின் பிற பகுதிகளில்
இருந்து சென்னைக்கு வரும் பொதுமக்கள், மெரினா கடற்கரைக்கு சென்று தலைவர்களின் சமாதிகளை
காண்பதை வழக்கமாக கொண்டுள்ளனர்.
மெரினா
புரட்சி
பொழுதுபோக்கு இடமாகவே பெரும்பாலும்
அறியப்பட்டுவந்த மெரினா கடற்கரை, கடந்த மூன்றாண்டுகளுக்கு முன் புரட்சி களமாக மாறியது.
ஜல்லிக்கட்டுக்கு மத்திய அரசு விதித்திருந்த தடையை நீக்க வலியுறுத்தி லட்சகணக்கானோர்
தன்னிச்சையாய் திரண்டு நடைபெற்ற போராட்டம் மெரினா புரட்சி என்று சொல்லும் அளவுக்கு
வரலாற்றில் இடம்பெற்றுவிட்டது.
2017 ஜனவரி 8 ஆம் தேதி, ஜல்லிக்கட்டை ஆதரித்த ஒரு தொண்டு நிறுவனம் மெரினாவின் கலங்கரை விளக்கம் முதல் உழைப்பாளர் சிலைவரை நடத்திய ஆயிரக்கணக்கானோர் பங்குகொண்ட பேரணியின் தொடர்ச்சியாக உருவெடுத்ததுதான் ‘மெரினா புரட்சி". ஜனவரி 17 ஆம் தேதி காலை சில நூறு இளைஞர்களுடன் தொடங்கிய ஜல்லிக்கட்டு ஆதரவுப் போராட்டம், ஒரு புரட்சியாய் உருவெடுக்கும் என்பதை அப்போது யாரும் அறிந்திருக்கவில்லை. எந்தவொரு போராட்டத்திற்கும் வீதிக்கு வராதவர்கள் ‘வாடி வாசல் திறக்கும்வரை வீடு வாசல் போகமாட்டோம்’ என முழக்கமிட்டனர். இதன் பயனாக, தமிழகத்தில் மூன்றாண்டுகளாக தொடர்ந்துலந்த ஜல்லிக்கட்டிற்கான தடையை மெரினா புரட்சி உடைத்தெறிந்தது.
2017 ஜனவரி 8 ஆம் தேதி, ஜல்லிக்கட்டை ஆதரித்த ஒரு தொண்டு நிறுவனம் மெரினாவின் கலங்கரை விளக்கம் முதல் உழைப்பாளர் சிலைவரை நடத்திய ஆயிரக்கணக்கானோர் பங்குகொண்ட பேரணியின் தொடர்ச்சியாக உருவெடுத்ததுதான் ‘மெரினா புரட்சி". ஜனவரி 17 ஆம் தேதி காலை சில நூறு இளைஞர்களுடன் தொடங்கிய ஜல்லிக்கட்டு ஆதரவுப் போராட்டம், ஒரு புரட்சியாய் உருவெடுக்கும் என்பதை அப்போது யாரும் அறிந்திருக்கவில்லை. எந்தவொரு போராட்டத்திற்கும் வீதிக்கு வராதவர்கள் ‘வாடி வாசல் திறக்கும்வரை வீடு வாசல் போகமாட்டோம்’ என முழக்கமிட்டனர். இதன் பயனாக, தமிழகத்தில் மூன்றாண்டுகளாக தொடர்ந்துலந்த ஜல்லிக்கட்டிற்கான தடையை மெரினா புரட்சி உடைத்தெறிந்தது.
வெறிச்சோடிய
மெரினா
2004 டிசம்பர் 26 ஆம் தேதி ஞாயிற்றுக்கிழமை
காலை உலகையே அதிர்ச்சிக்குள்ளாக்கிய சுனாமி பேரலை உலகின் பல்வேறு நாடுகளில் இரண்டு
லட்சத்துக்கும் மேற்பட்டோரின் உயிரை பலி கொண்டது. அந்த ஆழிப்பேரலை மெரினா கடற்கரையையும்
விட்டுவைக்கவில்லை. அன்றைய தினம் கடற்கரையில் வழக்கம்போல் வாக்கிங், ஜாக்கிங் சென்று
கொண்டிருந்தவர்கள், கிரிக்கெட் விளையாடி கொண்டிருந்தவர்கள், டீ விற்று கொண்டிருந்தவர்கள்
என நூற்றுக்கணக்கானோரை சுனாமி சுருட்டி கொண்டது. அப்போது, ஒரு வாரம் மெரினா கடற்கரைக்கு
செல்ல பொதுமக்கள் அனுமதிக்கப்படவில்லை. இதன் காரணமாக கடற்கரை வெறிச்சோடியது. 16 ஆண்டுகளுக்கு
பிறகு தற்போது, கொரோனா அச்சம் காரணமாக, கடந்த ஐந்து மாதங்களாக பொதுமக்கள் செல்ல அனுமதிக்கப்படாததால்,
மெரினா வெறிச்சோடியுள்ளது.
மெரினா
மீண்டும் திறக்கப்படுவது எப்போது?
ஜூன் 1 ஆம் தேதி முதல் மாதந்தோறும்
கொரோனா பொதுமுடக்க தளர்வுகளை மத்திய, மாநில அரசுகள் அறிவித்து வருகின்றன. அதன்படி,
சென்னை மாநகரில் கோயில்கள், பூங்காக்கள், உடற்பயிற்சி கூடங்கள் ஆகியவற்றை மீண்டும்
திறக்க தமிழக அரசு அனுமதி அளித்துள்ளது. அரசுப் பேருந்து போக்குவரத்தும், மெட்ரோ ரயில்
சேவையும் மீண்டும் தொடங்கப்பட்டுவிட்டது. இவ்வாறாக சென்னை மாநகரம் மெல்ல மெல்ல இயல்பு
வாழ்க்கைக்கு திரும்பிவரும் நிலையில், சென்னைவாசிகளின் முக்கிய பொழுதுபோக்கு இடமாக
மட்டுமில்லாமல், ஆயிரக்கணக்கான வியாபாரிகளின் வாழ்வாதாரமாக திகழும் மெரினாவை பொதுமக்கள்
பயன்பாட்டுக்கு மீண்டும் திறந்து விட அரசு அனுமதிக்க வேண்டும் என்று பல்வேறு தரப்பினர்
கோரிக்கை விடுத்துள்ளனர். இந்த மாத இறுதியில் தமிழக அரசு மீண்டும் அறிவிக்கவுள்ள பொதுமுடக்க
தளர்வுகளில், மெரினாவுக்கு பொதுமக்கள் மீண்டும் செல்ல அனுமதிப்பது குறித்த அறிவிப்பு
இடம்பெறும் என எதிர்பார்க்கப்படுகிறது.
கருத்துகள் இல்லை:
கருத்துரையிடுக