புதிய பிராண்ட் பெயரில் புதிய எலெக்ட்ரிக் ஸ்கூட்டரை பிரபல சீன நிறுவனம் அறிமுகப்படுத்தியுள்ளது. இந்த மின்சார ஸ்கூட்டர் பற்றிய சிறப்பு தகவலை இப்பதிவில் காணலாம்.

சீனாவை மையமாகக் கொண்டு இயங்கும் இருசக்கர வாகன உற்பத்தி நிறுவனமான சிஎஃப் மோட்டோ, ஜீஹோ எனும் புதிய பிராண்டை வெளியூடு செய்துள்ளது. இந்த புதிய பிராண்டின் மூலமாகவே புதுமுக மின்சார இருசக்கர வாகனங்களை அது விற்பனைக்கு அறிமுகம் செய்ய இருப்பதாக தகவல் வெளியிட்டுள்ளது.

இந்த பிராண்டின் அறிமுகத்தைத்தொடர்ந்து நவீன மற்றும் எதிர்கால ஸ்டைலில் காட்சியளிக்கும் ஜீஹோ சைபர் (Zeeho Cyber) எனும் புதுமுக மின்சார ஸ்கூட்டரை அது அறிமுகம் செய்துள்ளது. இதுவே ஜீஹோ பிராண்டின்கீழ் அறிமுகம் செய்யப்படும் முதல் மின்சார இருசக்கர வாகனம் ஆகும்.

இதனை கிஸ்கோ டிசைன் தாத்பரியத்தைக் கொண்டு சிஎஃப் மோட்டோ வடிவமைத்திருப்பதாக தகவல்கள் தெரிவிக்கின்றன. எனவே, பிற சிஎஃப் மோட்டோ தயாரிப்புகளைப் போலவே புதிய மின்சார ஸ்கூட்டரும் மிகவும் துடிப்பான ஸ்டைலில் காட்சியளிக்கின்றது. இதில், 10kW திறன் கொண்ட வாட்டர்-கூல்ட் மின் மோட்டாரே பயன்படுத்தப்பட்டுள்ளது.

இது ஓர் அதி திறன் வாய்ந்த மோட்டார் ஆகும். இது அதிகபட்சமாக 14 பிஎச்பி பவரையும், 20.3 என்எம் டார்க்கையும் வெளியேற்றும் திறனைக் கொண்டிருக்கின்றது. அதேசமயம், இந்த ஸ்கூட்டர் வெறும் 2.9 செகண்டுகளில் மணிக்கு 50 கிமீ எனும் வேகத்தை எட்டக்கூடியது. மேலும், இதன் உச்சபட்ச வேகம் மணிக்கு 110 கிமீ ஆகும். எனவேதான் இதனை சூப்பர் திறன் மின்சார ஸ்கூட்டர் என்கின்றனர்.

ஸ்கூட்டருக்கு தேவையான மின்சார திறனை வழங்கும் வகையில் 4kWh திறன் கொண்ட லித்தியன் அயன் பேட்டரி பொருத்தப்பட்டிருக்கின்றது. இது ஓர் முழுமையான சார்ஜில் 130 கிமீ தூரம் வரை பயணிக்க உதவும். மேலும், இதனை 0த்தில் இருந்து 80 சதவீதம் வரை சார்ஜ் செய்ய வெறும் 30 நிமிடங்களே போதும்.

சிஎஃப்மோட்டோ ஜீஹோ சைபர் மின்சார ஸ்கூட்டர் பிற முக்கிய தகவல்கள் வெளியிடப்படவில்லை. ஆகையால், இதன் விலை மற்றும் பிற சுவாரஷ்ய தகவல்கள் விரைவில் வெளியாகும் என எதிர்பார்க்கப்படுகின்றது. இருப்பினும், இந்த புதிய மின்சார ஸ்கூட்டர் இப்போதே மின் வாகன ஆர்வரலர்களின் கவனத்தை ஈர்க்கத் தொடங்கியிருக்கின்றது.

சிஎஃப் மோட்டோ தற்போது வரை அதன் வர்த்தகத்தை இந்தியாவில் தொடங்காத காரணத்தினால் இதன் அறிமுகம் சந்தேகமே. அதேசமயம், இந்திய சந்தையில் கால் தடம் பதிக்க சிஎஃப் மோட்டோ நிறுவனம் கடந்த சில வருடங்களாக முயற்சிகளை மேற்கொண்டு வருவது. ஆகையால், புதிய எலெக்ட்ரிக் ஸ்கூட்டர் எப்போது வேண்டுமானாலும் அறிமுகமாகலாம்.

இருப்பினும், புதிய ஜீஹோ மின்சார ஸ்கூட்டரின் இடத்தை நிவர்த்திச் செய்கின்ற வகையில் இந்தியாவில் ஏத்தர், பஜாஜ் சேத்தக் ஹீரோ எலெக்ட்ரிக் உள்ளிட்ட மின்சார இருசக்கர வாகனங்கள் விற்பனையில் இருக்கின்றன.

இது போன்ற பல்வேறு செய்திகள், கதைகள் ,பொழுதுபோக்கு துணுக்குகள்,மின்னணு புத்தகங்கள் போன்றவற்றை பெற எங்கள் டெலிகிராம் சேனல்-லில் இணைந்து கொள்ளவும்