கேரட் பவுடர் எப்படி தயாரிப்பது

எளிமையான முறையில் இதை தயாரிக்கலாம். கேரட் ஃப்ரெஷ்ஷாக் வாங்கி சுத்தமான நீரில் நன்றாக மண் போக கழுவி எடுக்கவும். 10 நிமிடங்கள் ஊறவைத்து கழுவலாம். பிறகு கேரட்டை எடுத்து அதன் மெல் தோலை சீவி சிறு துண்டுகளாக நறுக்கி எடுக்கவும்.

கேரட்டை தட்டில் கொட்டி உலரவிடவும். நேரடியாக சூரியவெளிச்சம் பட வேண்டாம் அகலமான தட்டின் மீது மெல்லிய வெள்ளை துணி போர்த்தி சூரிய ஒளிச்சம் படும்படி வைக்கலாம். அல்லது நிழலில் உலர்த்தலாம். கேரட் இனிப்பு என்பதால் எறும்புகள் பூச்சிகள் வரக்கூடும். இவை எதுவும் அண்டாமல் இருக்கும் படி பார்த்துகொள்ள வேண்டும். இவை உலர்வதற்கு 5 முதல் 7 நாட்கள் வரை ஆகலாம்.

இவை ஓரளவு காய்ந்ததும் நன்றாக அரைத்து 3 நாட்கள் மீண்டும் பவுடரை வெயில் மறைமுகமாக படும்படி காயவைக்கவும். இப்போது இந்த பொடி ஆங்காங்கே கட்டி தட்டி இருக்கும். மீண்டும் இந்த கேரட் பொடியை மிக்ஸியில் அரைத்து சல்லடையில் கொட்டி சலித்து எடுக்கவும். இதை காற்றுபுகாத பாட்டிலில் அடைத்து வைக்கவும். தயாரிக்கும் போது ஈரம் படக்கூடாது. இல்லையெனில் சீக்கிரம் கெட்டுவிடக்கூடும். இந்த பொடியை மூன்று முதல் ஆறு மாதங்கள் வரை வைத்திருந்து பயன்படுத்தலாம்.

இது இயற்கை நிறமாக செயல்படுவதால் வீட்டில் சோப்பு தயாரிக்கும் போது நிறத்துக்கு நீங்கள் இந்த பொடியை கலந்து பயன்படுத்தலாம். சோப்பு நிறத்துக்கு பயன்படுத்தும் போது கிளிசரின் உடன் சேர்ந்து பயன்படுத்த வேண்டும்.

அழகு பராமரிப்பில் ஸ்க்ரப் செய்யும் போது கேரட் பவுடரையும் சேர்த்து பயன்படுத்தலாம். இது வைட்டமின்களும் தாதுக்களும் கொண்டிருப்பதால் சருமத்தை மேன்மைப்படுத்த இது உதவுகிறது.

கேரட் வெளி தயாரிப்புகளில் இது லோஷன்கள் , க்ரீம்கள் மற்றும் ஷாம்புகளிலும் கூட இது பயன்படுத்தப்படுகிறது. படி மசாஜ் செய்யும் எண்ணெய்களிலும் கேரட் பவுடர் பயன்படுத்தப்படுகிறது.

எல்லா வகை சருமத்தினரும் இதை பயன்படுத்தலாம். முகத்தை சுத்தம் செய்து காய்ச்சாத பாலில் ஒரு டீஸ்பூன் கேரட் பொடியை கலந்து குழைத்து முகத்துக்கு தடவி 20 நிமிடங்கள் கழித்து முகத்தை கழுவினால் போதும். பாலுக்கு மாற்றாக ரோஸ் வாட்டரிலும் கலந்து பயன்படுத்தலாம்.

முகத்துக்கு ஸ்க்ரப் செய்யும் போது கேரட் அரைத்த பொடியில் எஞ்சியிருக்கும் கொரகொரப்பான பவுடருன் சர்க்கரை கலந்து முகத்தை ஸ்க்ரப் செய்யலாம். ஃபேஸ் பேக் போடும் போது பழக்கலவைகள், காய்கறிகலவைகள் உடன் கேரட் பவுடரையும் சேர்க்கலாம்.

ஃப்பேஸ் பேக் செய்ய எதுவுமே இல்லை என்றாலும் கேரட் பவுடருடன் தேன் / தயிர்/ ஏதாவது ஒன்றை கலந்து ஃபேஸ் பேக் போடலாம். கழுத்து கருமை இருப்பவர்களும் கருமை போக இதை பயன்படுத்தலாம்.

கேரட் பவுடர் இயற்கையான ஹேர் டை பயன்படுத்தும் போது ஒரு டீஸ்பூன் கேரட் பொடி கலக்கலாம். வீட்டில் டோனர் இல்லாத போது பன்னீருடன் கேரட் பொடி கலந்து டோனர் தயாரிக்கலாம்.

முடிக்கு நிறமளிக்க விரும்பும் போது கேரட் பொடியை பேஸ்ட்டாக்கி முடியில் தடவினால் முடியின் நிறம் சூரிய வெயிலில் தகதகவென்று மின்னும்.

சரும சுருக்கங்களையும் வடுக்களையும் போக்க சிறந்த இயற்கை பொருளாக செயல்படுகிறது. சருமத்தை நெகிழ்ச்சியாக வைக்க உதவுகிறது. சருமத்தின் நிறம் இழக்காமல் தடுத்து பொலிவு தருகிறது. கேரட்டில் பீட்டா கரோட்டினாடு, ஆன்டி ஆக்ஸிடண்ட் எல்லாமே உள்ளுறுப்புகளுக்கும் சரும அழகுக்கும் உதவுகிறது.

உடலில் கொலாஜன் சுரப்பு நிறைவாக இருக்கும் வரையில் சரும சுருக்கங்கள் வராமல் தடுக்க முடியும். இதற்கு உடலில் வைட்டமின் சி நிறைவாக இருக்க வேண்டும். இவை கேரட்டில் உண்டு என்பதால் சருமம் இயற்கையாகவே ஜொலிக்க செய்யும்.

கூடுதல் குறிப்பு

இதை சுகாதாரமாக தயாரிப்பதால் உள்ளுக்கும் எடுக்கலாம். கேரட் ஆரோக்கியமான உணவுகளில் ஒன்று. இது பீட்டா கரோட்டின் நிறைந்தவை. இது எலும்புக்கு ஆரோக்கியம் கொடுக்க வல்லது. கேரட் பவுடர் சற்று இனிப்பு மிக இலேசான கார்ப்பு சுவையை கொண்டிருக்க கூடியது. இதை முகத்துக்கும் மட்டும் அல்லாமல் குழந்தைகளுக்கு தரக்கூடிய சாலட் வகைகளிலும் சேர்க்கலாம். மில்க் ஷேக் செய்யும் போது உலர் பருப்புகளுடன் கேரட் பவுடரையும் சேர்க்கலாம்.