மீடியாடெக் டைமன்சிட்டி 700 SoC மற்றும் 5000mAh பேட்டரி போன்ற பிரதான அம்சங்களுடன் ஒப்போ A55 5G ஸ்மார்ட்போன் அறிமுகமானது.

ஒப்போ நிறுவனம் இன்று தனது ஏ-சீரிஸின் கீழ் ஒப்போ ஏ 55 5ஜி என்கிற புதிய ஸ்மார்ட்போனை சீனாவில் அறிமுகம் செய்துள்ளது. இந்த ஸ்மார்ட்போனின் 5ஜி ஆதரவிற்காக இது மீடியாடெக் டைமன்சிட்டி 700 சிப்செட் மூலம் இயக்கப்படுகிறது மற்றும் ஒப்போ நிறுவனத்தின் "பிக் பேட்டரி" ஸ்மார்ட்போன்களின் பட்டியலிலும் இது சேர்ந்துள்ளது.

ஒப்போ A55 5ஜி ஸ்மார்ட்போனின் விலை விவரங்கள்:

ஒப்போ ஏ55 5ஜி ஸ்மார்ட்போன் ஆனது சிங்கிள் 6 ஜிபி ரேம் மற்றும் 128 ஜிபி ஸ்டோரேஜ் வேரியண்டில் மட்டுமே அறிமுகம் செய்யப்பட்டுள்ளது.


இது சீனாவில் இந்திய மதிப்பின்படி தோராயமாக ரூ.18,000 என்கிற விலை நிர்ணயத்தை பெற்றுள்ளது. இந்த லேட்டஸ்ட் ஒப்போ ஸ்மார்ட்போன் ஆனது ப்ரிஸ்க் ப்ளூ மற்றும் ரிதம் பிளாக் வண்ணங்களில் வருகிறது.

ஒப்போ A55 5ஜி ஸ்மார்ட்போனின் அம்சங்கள் மற்றும் விவரக்குறிப்புகள்:

ஒப்போ ஏ55 5ஜி ஸ்மார்ட்போன் 6.5 இன்ச் அளவிலான எச்டி+ டிஸ்ப்ளேவை 90 ஹெர்ட்ஸ் ரெஃப்ரெஷ் ரேட் வீகிதத்துடன், 1600 x 720 பிக்சல்கள் தீர்மானத்துடன், 88.7% என்கிற அளவிலான ஸ்கிரீன்-டு-பாடி விகிதத்துடன் மற்றும் 480 நிட்ஸ் பீக் ப்ரைட்னஸ் உடன் கொண்டுள்ளது.

இந்த ஸ்மார்ட்போன் 2.2GHz க்ளாக்டு வேகத்துடன் மீடியா டெக் டைமன்சிட்டி 700 சிப் மூலம் இயக்கப்படுகிறது மற்றும் SA / NSA டூயல் மோட் 5ஜி நெட்வொர்க்கை ஆதரிக்கிறது.

இந்த ஸ்மார்ட்போன் 6 ஜிபி ரேம் மற்றும் 128 ஜிபி ஸ்டோரேஜுடன் வருகிறது, மேலும் இது மைக்ரோ எஸ்.டி கார்டு வழியாக 1 டிபி வரை விரிவாக்கக்கூடிய ஆதரவையும் கொண்டுள்ளது.

கேமராக்களை பொறுத்தவரை, ஒப்போ ஏ55 ஸ்மார்ட்போன் ஆனது ஒரு 13 மெகாபிக்சல் மெயின் கேமரா (எஃப் / 2.2 லென்ஸ்) + எஃப் / 2.4 லென்ஸ் கொண்ட 2 மெகாபிக்சல் மேக்ரோ கேமரா + எஃப் / 2.4 லென்ஸ் கொண்ட டெப்த் கேமரா என்கிற ட்ரிபிள் ரியர் கேமரா அமைப்பை கொண்டுள்ளது

முன்பக்கத்தில் இது 8 மெகாபிக்சல் செல்பீ கேமராவை (எஃப் / 2.0) கொண்டுள்ளது. மேலும் இந்த ஸ்மார்ட்போன் பக்கவாட்டில் பொருத்தப்பட்ட கைரேகை சென்சார் உடன் வருகிறது.

ஒப்போ ஏ55 5ஜி ஸ்மார்ட்போன் ஆனது ஆண்ட்ராய்டு 11 ஓஎஸ் அடிப்படையிலான கலர்ஓஎஸ் 11.1 உடன் இயங்குகிறது மற்றும் இது 5,000 எம்ஏஎச் பேட்டரியை பேக் செய்கிறது. இதன் பேட்டரி இது 10W ஸ்டாண்டர்ட் சார்ஜிங் ஆதரவுடன் வருகிறது.

இணைப்பு விருப்பங்களை பொறுத்தவரை, இது 5 ஜி, வைஃபை 802.11 ஏசி, ப்ளூடூத் 5, ஜிபிஎஸ் / க்ளோனாஸ், யூ.எஸ்.பி டைப்-சி மற்றும் 3.5 மிமீ ஆடியோ ஜாக் ஆகியவைகளை கொண்டுள்ளது.

முன்னதாக 5000mAh பேட்டரியுடன் ஒப்போ A93 5G ஸ்மார்ட்போன் அறிமுகமானதும் இங்கே குறிப்பிடத்தக்கது. ஒப்போவின் இந்த லேட்டஸ்ட் ஸ்மார்ட்போனும் 5ஜி ஆதரவை கொண்டுள்ளது.

இதன் 8 ஜிபி ரேம் மற்றும் 256 ஜிபி ஸ்டோரேஜை கொண்ட டாப்-எண்ட் மாடலானது இந்திய மதிப்பின்படி சுமார் ரூ.22,600 க்கு அறிமுகமாகி உள்ளது. இந்த ஸ்மார்ட்போன் அரோரா, எலிகண்ட் சில்வர் மற்றும் டாஸ்ல் பிளாக் ஆகிய மூன்று வண்ண வகைகளில் அறிமுகமாகி உள்ளது.

ஒப்போ A93 5G ஸ்மார்ட்போனின் அம்சங்கள் மற்றும் விவரக்குறிப்புகள்:

ஒப்போ A93 5G ஸ்மார்ட்போன் 90 ஹெர்ட்ஸ் ரெஃப்ரெஷ் ரேட் வீகிதத்துடன் 6.5 இன்ச் அளவிலான FHD + LTPS எல்சிடி பேனலை, 405ppi பிக்சல் அடர்த்தி மற்றும் 20: 9 திரை விகிதத்தைக் கொண்டுள்ளது.

இந்த டிஸ்பிளே DCI-P3 வண்ண வரம்பையும் ஆதரிக்கிறது. முன்னர் குறிப்பிட்டபடி, இந்த ஸ்மார்ட்போன் ஸ்னாப்டிராகன் 480 SoC மூலம் இயக்கப்படுகிறது, இது 5 ஜி திறன்களை மலிவு விலை ஸ்மார்ட்போன்களுக்கு கொண்டு வருவதை நோக்கமாகக் கொண்டுள்ள சிப்செட் ஆகும்.

மைக்ரோ எஸ்.டி கார்டு வழியாக விரிவாக்கக்கூடிய 8 ஜிபி ரேம் மற்றும் 256 ஜிபி வரையிலான ஸ்டோரேஜை கொண்டுள்ள இந்த லேட்டஸ்ட் ஒப்போ ஸ்மார்ட்போன் இமேஜிங்கிற்காக ட்ரிபிள் ரியர் கேமரா அமைப்பை கொண்டுள்ளது.

அதில் 48MP முதன்மை சென்சார், எப் / 1.7 லென்ஸ் + 2MP போர்ட்ரெயிட் லென்ஸ் + 2MP மேக்ரோ கேமரா ஆகியவற்றைக் கொண்டுள்ளது. முன்பக்கத்தில் 8MP செல்பீ கேமராவை பஞ்ச்-ஹோல் கட்அவுட்டில் கொண்டுள்ளது.

இந்த மொத்த அமைப்பும் 18W ஃபாஸ்ட் சார்ஜிங் ஆதரவு கொண்ட ஒரு 5,000 எம்ஏஎச் பேட்டரி மூலம் சக்தியூட்டப்படுகிறது. இந்த ஸ்மார்ட்போனில் பக்கவாட்டில் பொருத்தப்பட்ட கைரேகை சென்சார் உள்ளது உடன் பேஸ் அன்லாக் ஆதரவையம் கொண்டுள்ளது. இது 3.5 மிமீ ஆடியோ ஜாக் மற்றும் டூயல் சிம் ஆதரவு போன்ற பிற அம்சங்களை கொண்டுள்ளது.