வெவ்வேறு தொலைதொடர்பு ஆபரேட்டர்களிடமிருந்து வரும் ப்ரீபெய்ட் திட்டங்கள் வெவ்வேறு விலையிலும் மாறுபட்ட நன்மைகளையும் கொண்டு வருகின்றன. அதுவரையிலாக எந்த குழப்பமும் இல்லை; விலையை வைத்தே நாம் எதை ரீசார்ஜ் செய்யலாம் , எதை தவிர்க்கலாம் என்கிற முடிவுக்கு வந்து விடுவோம். 

ஆனால் உண்மையான குழப்பம் எங்கே தொடங்குகிறது என்றால்... இந்தியாவில் உள்ள அனைத்து டெலிகாம் நிறுவனங்களும் ஒரே மாதிரியான விலையின் கீழ் ப்ரீபெய்ட் திட்டத்தை வழங்கும் போது தான் - அப்படியான ஒரு ரீசார்ஜ் தான்- ரூ.399 பிளான்!

குறிப்பாக டூயல் சிம் கார்டுகளை பயன்படுத்தும் பயனர்களுக்கு எந்த ரூ.399-ஐ எந்த சிம் கார்டுக்கு ரீசார்ஜ் செய்வது என்கிற குழப்பம் இரட்டிப்பாகிறது. ஏனெனில் இன்று பெரும்பாலான இந்தியர்கள் டூயல் சிம் ஸ்மார்ட்போனையே வைத்திருக்கிறார்கள்.

இதனால், அவர்கள் இரண்டு வெவ்வேறு ஆபரேட்டர்களிடமிருந்து இரண்டு சிம் கார்டுகளைப் பயன்படுத்துகிறார்கள். நீங்கள் அத்தகைய பயனராக இருந்தால், எந்த ஆபரேட்டரின் சிம்-ஐ ரூ.399 ப்ரீபெய்ட் திட்டத்துடன் ரீசார்ஜ் செய்ய வேண்டும் என்று யோசிக்கிறீர்கள் என்றால், கவலையை விடுங்கள் நீங்கள் சரியான இடத்திற்கு தான் வந்துள்ளீர்கள்; நாங்கள் அதை உங்களுக்கு எளிதாக்குகிறோம்.

அதாவது பாரத் சஞ்சார் நிகாம் லிமிடெட் (பிஎஸ்என்எல்), ரிலையன்ஸ் ஜியோ, பாரதி ஏர்டெல் மற்றும் வோடபோன் ஐடியா (வி) ஆகியவற்றிலிருந்து ரூ.400 க்கு கீழ் உள்ள ப்ரீபெய்ட் திட்டத்தின் நன்மைகள ஒப்பிடுகிறோம், பின்னர் எது பெஸ்ட் என்கிற தீர்ப்பையும் உங்களுக்கு வழங்குகிறோம்!

பி.எஸ்.என்.எல் ரூ.399 ப்ரீபெய்ட் திட்டம்:

- 1 ஜிபி டெய்லி FUP டேட்டா
- FUP-க்கு பிறகு இணைய வேகம் 80 Kbps ஆக குறையும்
- வரம்பற்ற குரல் அழைப்பு
- 100 எஸ்எம்எஸ் / நாள்
- செல்லுபடியாகும் 80 நாட்கள்.

ரிலையன்ஸ் ஜியோ ரூ.399 ப்ரீபெய்ட் திட்டம்:

- செல்லுபடியாகும் காலம் 56 நாட்கள்
- வரம்பற்ற குரல் அழைப்பு
- 100 எஸ்எம்எஸ் / நாள்
- தினமும் 1.5 ஜிபி FUP டேட்டா

- JioSecurity, JioCloud, JioCinema, JioNews மற்றும் பல உள்ளிட்ட அனைத்து Jio ஆப்களுக்கான இலவச அணுகல்.

பாரதி ஏர்டெல் ரூ.399 ப்ரீபெய்ட் திட்டம்:

- 1.5 ஜிபி தினசரி FUP டேட்டா
- FUP-க்கு பிறகு இணைய வேகம் 64 Kbps ஆக குறையும்
- 100 எஸ்எம்எஸ் / நாள்
- வரம்பற்ற குரல் அழைப்பு
- ஏர்டெல் எக்ஸ்ஸ்ட்ரீம் பிரீமியம், விங்க் மியூசிக் மற்றும் பல உள்ளிட்ட ஏர்டெல் தேங்க்ஸ் இலவச சந்தா நன்மைகள்
- ஒரு மாத கால அமேசான் ப்ரைம் வீடியோ மொபைல் எடிஷன் இலவச சோதனை
- செல்லுபடியாகும் காலம் 56 நாட்கள்.

வோடபோன் ஐடியா ரூ.399 ப்ரீபெய்ட் திட்டம்:

- டெய்லி 1.5 ஜிபி FUP டேட்டா
- வரம்பற்ற குரல் அழைப்பு
- 100 எஸ்எம்எஸ் / நாள்
- மொபைல் ஆப் வழியாக 5 ஜிபி கூடுதல் போனஸ் டேட்டா
- ‘பிங் ஆல் நைட்’ மற்றும் ‘வீக்கெண்ட் டேட்டா ரோல்ஓவர்’ சலுகை
- Vi மூவிஸ் & டிவி இலவச அணுகல்
- செல்லுபடியாகும் 56 நாட்கள்

தெரியாதவர்களுக்கு, பிங் ஆல் நைட் சலுகை பயனர்கள் ஒவ்வொரு நாளும் காலை 12 மணி முதல் காலை 6 மணி வரை வரம்பற்ற டேட்டாவை உட்கொள்ள அனுமதிக்கிறது. இந்த காலகட்டத்தில் நுகரப்படும் டேட்டா அன்றைய FUP டேட்டாவை பாதிக்காது.

பின்னர் வீக்கெண்ட் டேட்டா ரோல்ஓவர் சலுகை உள்ளது. இது பயனர்கள் வார நாட்களில் பயன்படுத்தப்படாத மீதமுள்ள அனைத்து FUP டேட்டாவையும் வார இறுதிக்கு நகர்த்தி பயன்படுத்த உதவுகிறது. அதாவது திங்கள் முதல் வெள்ளி வரை பயன்படுத்தாத டேட்டாவை சனி-ஞாயிறு பயன்படுத்தலாம்.

ஆக "தீர்ப்பு" இதுதான்!

வி, ஏர்டெல் மற்றும் ஜியோ வழங்கும் ப்ரீபெய்ட் திட்டங்கள் பெரும்பாலும் ஒரே மாதிரியானவை.

ஆக வரம்பற்ற குரல் அழைப்பைப் பற்றி மட்டுமே நீங்கள் அக்கறை கொண்டிருந்தால், உங்கள் டேட்டாத் தேவைகள் கிட்டத்தட்ட மிகக் குறைவு என்றால், பிஎஸ்என்எல்லின் ப்ரீபெய்ட் திட்டத்தைத் தேர்வுசெய்க.

இருப்பினும், OTT நன்மைகளைப் பற்றி நீங்கள் அதிகம் அக்கறை கொண்டிருந்தால், பிற ஆபரேட்டர்கள் வழங்கும் திட்டங்களுக்குச் செல்லுங்கள்.

சிறந்த டேட்டா சலுகைகள் Vi நிறுவனத்திடம் இருந்து வருகிறது, அதன் 5 ஜிபி போனஸ் டேட்டா மற்றும் யாரும் வழங்காத வீக்கெண்ட் டேட்டா ரோல்ஓவர் மற்றும் பிங் ஆல் நைட் சலுகைகள் நிச்சயம் உங்களின் அனைத்து வகையான டேட்டா தேவைகளையும் பூர்த்தி செய்யும்.