நேற்று ஐபோன் பயனர்களுக்கு மட்டுமே அணுக கிடைத்த WhatsApp இன் புதிய View Once அம்சம் ஆனது Android பயனர்களுக்கும் அணுக கிடைக்கிறது. ஆனால் இதில் நிறைகள் உள்ள அதே சமயம் ஒரு பெரிய குறையும் உள்ளது. அது என்னது, இதை பயன்படுத்துவது எப்படி, இதோ முழு விவரங்கள்.
மறைந்து போகும் மெசேஜ் அம்சத்தை விரிவுபடுத்தும் நோக்கத்தின் கீழ் ஃபேஸ்புக்கிற்கு சொந்தமான இன்ஸ்டன்ட் மெசேஜிங் தளமான வாட்ஸ்அப் "வியூ ஒன்ஸ்" என்கிற புதிய அம்சத்தை வெளியிடத் தொடங்கியுள்ளது.
வாட்ஸ்அப் வியூ ஒன்ஸ் அம்சம் என்றால் என்ன? இது எப்படி வேலை செய்யும்?
இந்த புதிய அம்சத்தை பயன்படுத்தி அனுப்பப்படும் புகைப்படம் மற்றும் வீடியோக்களை
பெறுநரால் ஒரே ஒரு முறை மட்டுமே பார்க்க முடியும்.
வாட்ஸ்அப் வியூ ஒன்ஸ் அம்சம் கிட்டத்தட்ட காணாமல் போகும் (Disappearing)
மெசேஜ்களைப் போன்றது தான். இதன் வழியாக அனுப்பட்ட மீடியாவை ரிசீவர் ஒருமுறை
பார்த்தவுடன் அது சாட்டில் இருந்து மறைந்துவிடும்.
இதன் பொருள் என்னவென்றால், வியூ ஒன்ஸ் என்ற விருப்பத்தை இயக்கியவுடன் அனுப்பப்பட்ட
புகைப்படம் அல்லது வீடியோவை மற்றவர்களால் ஒரு முறை மட்டுமே பார்க்க முடியும். இது
இன்ஸ்டாகிராமின் வேனிஷ் மோட்-ஐப் போலவே வேலை செய்கிறது.
எக்கச்சக்கமான நிறைகள் மற்றும் சிறு சிறு குறைகள்:
- பகிரப்பட்ட மீடியா ஃபைல் பெறுநரின் கேலரியில் சேமிக்கப்படாது
- வியூ ஒன்ஸ் மீடியா ஃபைல்களை பெறுனரால் ஒருமுறை மட்டுமே பார்க்க முடியும்.
மீண்டும் அதை பார்க்க அனுப்புனர் அதை மீண்டும் அனுப்பினால் மட்டுமே பார்க்க
முடியும்.
- வியூ ஒன்ஸ் மீடியா ஃபைல்களை அனுப்பவோ, அதை சேமிக்கவோ, ஸ்டார்ட்டு செய்யவோ
முடியாது.
- 14 நாட்களுக்குள் வியூ ஒன்ஸ் ஃபைலை திறக்காவிட்டால் அது தானாகவே சாட்டில்
இருந்து மறைந்துவிடும்
- பேக்கப் நேரத்தில் வியூ ஒன்ஸ் ஃபைல் திறக்கப்படாவிட்டால் மீடியாவை பேக்கப்பில்
இருந்து மீட்டெடுக்க முடியும். ஆனால் வியூ ஒன்ஸ் புகைப்படம் அல்லது வீடியோ ஏற்கனவே
திறக்கப்பட்டு இருந்தால், அது மீடியா பேக்கப்பில் சேர்க்கப்படாது மற்றும் அதை
மீட்டெடுக்கவும் முடியாது.
ஆனால் ஒரு பெரிய குறை உள்ளது!
இதெல்லாம் ஒருபக்கம் இருக்க வியூ ஒன்ஸ் அம்சத்தை பயன்படுத்தினாலும் கூட ஒரு
புகைப்படத்தை பெறுநரால் ஸ்க்ரீன் ஷாட் எடுக்க முடியும் மற்றும் வீடியோவை ஸ்க்ரீன்
ரெக்கார்டிங் செய்ய முடியும்.
வாட்ஸ்அப்பில் வியூ ஒன்ஸ் அம்சத்தை பயன்படுத்துவது எப்படி?
முன்நிபந்தனை:
வாட்ஸ்அப்பின் சமீபத்திய வெர்ஷனை உங்கள் ஸ்மார்ட்போனில் பதிவிறக்கி நிறுவவும்
பயன்படுத்தும் வழிமுறைகள்:
1. WhatsApp-ஐ திறந்து ஏதேனும் ஒரு Chat-ற்க்குள் செல்லவும்
2. சாட்பாக்ஸில் உள்ள கேமரா ஐகானை கிளிக் செய்து, ஏதேனும் ஒரு போட்டோ அல்லது
வீடியோவை அனுப்புவதற்காக தேர்வு செய்யவும்.
3. பின்னர் Preview window-வில் காணப்படும் (டெக்ஸ்ட் பாக்ஸின் வலது மூலையில்)
View once ஐகானைகிளிக் செய்யவும்
4. ஒருமுறை இந்த அம்சம் எனேபிள் செய்யப்பட்டதும், நீங்கள் குறிப்பிட்ட மீடியாவை
அனுப்பவும், அவ்வளவுதான்.
கருத்துகள் இல்லை:
கருத்துரையிடுக