Contact us : oorkodangi@gmail.com
உலகத்துக்கே அன்னையும், பிதாவுமாக விளங்கும் சிவன்-பார்வதியின் மூத்தமகன் விநாயகர்.

பாசம், அங்குசம், அபயம், வரதம், மோதகம் ஆகியவற்றை தாங்கிய நான்கு கரங்கள் மற்றும் ஐந்தாவது கரமான தும்பிக்கையின் மூலமாக படைத்தல், காத்தல், அழித்தல், அருளல், மறைதல் என்னும் ஐந்தொழில்களை ஆற்றுவதால் மும்மூர்த்திகளும் இவருள் அடக்கம்.

விநாயகர் கோவில் பல ஊர்களிலும் பல்வேறு சிறப்புகளுடன் வழிபடப்பட்டு வருகிறது. ஊர்களில் மட்டுமல்லாமல் பல மாநகரங்களிலும், மாநிலங்களிலும் சிறப்பாக வழிபடப்பட்டு வருகிறது.
விநாயகருக்கு மிகவும் பிரசித்தி பெற்ற கோவில் மும்பை மாநகரில் உள்ள சித்தி விநாயகர் கோவில். இக்கோவிலுக்கு ஒவ்வொரு மாதமும் லட்சக்கணக்கில் பக்தர்கள் வந்து செல்கின்றனர்.

அதிசயம் :

இங்குள்ள விநாயகரின் தும்பிக்கை மற்ற விநாயகர் சிலைகளில் காணப்படுவது போல இடது புறமாக வளைந்திருக்காமல் வலது புறமாக வளைந்திருக்கும்.

எல்லாவற்றையும் விட விசித்திரமாக இந்த விநாயகருக்கு நெற்றிக்கண் உள்ளது.

சிறப்பு :

சித்தி விநாயகர் விக்ரஹம் ஒரே கல்லில் செதுக்கப்பட்டது.

இந்த விநாயகர் விக்ரஹம் மேல் வலது கையில் தாமரையும், இடது கையில் கோடரியும் தாங்கி நிற்கிறது.

விநாயகர் விக்ரஹத்தின் இருபுறமும் ரித்தி மற்றும் சித்தி என்ற பெண் தெய்வங்களின் விக்ரஹங்கள் காணப்படுகிறது.

விநாயகர் விக்ரஹயத்திலிருந்து பின்புறமாக முளைத்து வருவது போன்ற தோற்றத்தில், ரித்தி மற்றும் சித்தி விக்ரகங்கள் இருக்கும். இந்த இரண்டு பெண் தெய்வங்களுடன் விநாயகர் காட்சியளிப்பதால், இது சித்தி விநாயகர் கோவில் என்று அழைக்கப்படுகிறது.

குழந்தை வரம் வேண்டும் பக்தர்களுக்கு அருள் புரிகிறார் ஸ்ரீசித்தி விநாயகர்.

5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் வேண்டுகிறோம்-இணைவோம் தமிழால்...