இந்த செய்தியை படித்துவிட்டு உங்கள் எண்ணங்களை கீழே பதிவு
செய்யுங்கள்.. இந்த செய்தி பிடித்திருந்தால் உங்கள் நட்பு வட்டத்தில் பகிர்ந்து
கொள்ளுங்கள்..
இதுபோன்ற எங்களின் பல்வேறு பதிவுகளை உடனுக்குடன் உங்கள்
மின்னஞ்சலில் பெற பதிவு செய்து கொள்ளுங்கள்.
Follow Us:
Join Our Telegram Channel
Join Our Whatsapp Group
Twitter: www.twitter.com/Pudhiyapodiyan
Facebook:https://www.facebook.com/Pudhiyapodiayan
Instagram: pudhiya.podiyan
Contact us : oorkodangi@gmail.com
மங்களகரமான விகாரி வருடம் வாக்கிய பஞ்சாங்கத்தின் அடிப்படையில் ஐப்பசி மாதம் 11ஆம் (28.10.2019) தேதியின் பின்னிரவு இயற்கை சுபரான குருதேவர் பிரதமை திதியில் கேதுவின் நட்சத்திரமான மூலம் நட்சத்திரத்தில் அதிகாலை 03.14 மணிக்கு விருச்சக ராசியில் இருந்து தனுசு ராசிக்கு பெயர்ச்சி அடைகிறார்.
மங்களகரமான விகாரி வருடம் திருக்கணித பஞ்சாங்கத்தின் அடிப்படையில் ஐப்பசி மாதம் 18ஆம் (04.11.2019) தேதியன்று பின்னிரவு இயற்கை சுபரான குருதேவர் நவமி திதியில் கேதுவின் நட்சத்திரமான மூலம் நட்சத்திரத்தில் விடியற்காலை 05.17 மணிக்கு விருச்சக ராசியில் இருந்து தனுசு ராசிக்கு பெயர்ச்சி அடைகிறார்.
எதிலும் துணிச்சலுடன், இறங்கி போராடும் மேஷ ராசி அன்பர்களே !!
குருபகவான் உங்கள் ராசிக்கு எட்டாம் இடத்திலிருந்து ஒன்பதாம் இடத்திற்கு பெயர்ச்சி அடைகிறார். ஒன்பதாம் இடத்திற்கு பெயர்ச்சியாகும் குருபகவானால் பெயர், புகழ், செய்தொழிலில் முன்னேற்றம் ஏற்படக்கூடிய காலமாகும்.
அதிர்ஷ்ட வாய்ப்புகள் உங்கள் வீட்டு கதவை தட்டப்போகிறது. பெண்களுக்கு புத்திர பாக்கியம் கைகூடும். பூர்வீக சொத்துக்களில் இருந்த சங்கடங்கள் விலகி நன்மைகள் பெருகும். தந்தையின் அன்பும், அரவணைப்பும் அதிகரிக்கும். ஆன்மிக சுற்றுலா செல்ல வாய்ப்புகள் அமையும். குலதெய்வ கோவில் திருப்பணிகளில் முன்னின்று நடத்தும் பொறுப்புகள் வந்து சேரும். வெளிநாட்டில் வேலை தேடுவோருக்கு வேலைவாய்ப்புகள் அமையும். ஆன்மிகத்தில் உள்ளவர்கள் பெயரும், புகழும் அடைவார்கள்.
உத்தியோகஸ்தரர்களுக்கு :
விரும்பிய இடங்களில் பணி இடமாற்றம் கிடைக்கும். இதுவரை மேலதிகாரிகளிடம் இருந்துவந்த கருத்து வேறுபாடுகள் மறைந்து தங்களின் திறமை வெளிப்படும். முயற்சிக்கேற்ற பதவி உயர்வை பெறுவீர்கள்.
வியாபாரிகளுக்கு :
தொழிலில் மேன்மை உண்டாகும். பழைய வராக்கடன்கள் வசூலாகி தொழிலில் செல்வநிலை சிறப்படையும். வியாபாரம் சார்ந்த புதிய முயற்சிகள் அனைத்தும் கைகூடும்.
மாணவர்களுக்கு :
உயர்கல்வி படிக்கும் மாணவர்களுக்கு முயற்சிக்கு ஏற்ப முன்னேற்றம் உண்டாகும். வேலைக்காக காத்திருக்கும் மாணவர்களுக்கு வேலைவாய்ப்பு கைகூடும். கல்லூரி படிப்பை மேற்கொள்ளும் மாணவர்கள் கல்வியில் நாட்டத்துடன் காணப்படுவார்கள்.
பெண்களுக்கு :
விரும்பிய இடத்தில் திருமணம் அமையும். உத்தியோகத்தில் உள்ள பெண்களுக்கு தங்கள் திறமைக்கேற்ப பதவி உயர்வு கைகூடும். குடும்பத்தில் பொருளாதார நிலை உயர்வடையும். பிள்ளைகள் வழியில் பெருமைப்படும் விஷயங்கள் நடைபெறும்.
விவசாயிகளுக்கு :
மஞ்சள் மற்றும் வருட பயிர்களை பயிரிடுவோருக்கு இந்த வருடத்தில் அமோகமான விளைச்சல் கிடைக்கும். நீர்வளம் சிறப்பாக அமையும். பணியாட்களின் ஆதரவு சிறப்பை கொடுக்கும். சொத்து விரிவாக்க முயற்சி கைகூடும்.
அரசியல்வாதிகளுக்கு :
இதுவரை மேலதிகாரிகளிடம் இருந்துவந்த மன சஞ்சலங்கள் நீங்கும். தலைமைப் பதவிக்கு போட்டியிடுபவர்களுக்கு இந்த காலம் வெற்றியை தரும். உங்களின் திறமை வெளிப்பட தகுந்த காலம் இது.
கலைஞர்களுக்கு :
புத்துணர்ச்சியுடன் செயல்பட்டு புதிய சாதனைகளை படைப்பீர்கள். பொருளாதார நிலை உயரும். கலைகளில் புதிய நுட்பங்களை புகுத்தி வெற்றி வாகை சூடுவீர்கள்.
பரிகாரம் :
சங்கடஹர சதுர்த்தியன்று விநாயகருக்கு அருகம்புல் மாலை அணிவித்து விநாயகர் அகவல் பாடி வர மேற்கண்ட பலன்கள் அனைத்தும் கைகூடி நற்பலன்களை பெறுவீர்கள்.
கருத்துகள் இல்லை:
கருத்துரையிடுக