இந்தியாவிலுள்ள
வாடிக்கையாளர்கள் மத்தியில் மிகுந்த எதிர்பார்ப்பை பெற்றுள்ள பிஎம்டபுள்யூ எக்ஸ்1 ஃபேஸ்லிஃப்ட்
கார் இந்தியாவில் விற்பனைக்கு அறிமுகம் செய்யப்படுவதற்கான தேதி அறிவிக்கப்பட்டுள்ளது.
கடந்த 2015ம் ஆண்டு உலகளவில் அறிமுகம் செய்து வைக்கப்பட்ட பிஎம்டபுள்யூ எக்ஸ்1 கார், பின்னர் இந்தியாவில் விற்பனைக்கு கொண்டுவரப்பட்டு சிறப்பான வரவேற்பை பதிவு செய்தது.
தற்போது இதனுடைய புதிய தலைமுறை காருக்கு பல்வேறு அப்டேட்டுகள் வழங்கப்பட்டுள்ளன. அதன்படி, இந்த எஸ்யூவி காரினுடையே தோற்றமே புதுமையாக உள்ளது. ஃபிரெண்டு-வீல் டிரைவுக்கு ஏற்றவாறு இதனுடைய ஆற்றல் உருவாக்கப்பட்டுள்ளது.
புதிய தலைமுறை பிஎம்டபுள்யூ எக்ஸ்1 ஃபேஸ்லிஃப்ட் கார் கடந்தாண்டு உலகப் பார்வைக்கு வந்தது. முந்தைய மாடலை விட, இந்த புதிய காரின் வெளிப்புற கட்டமைப்பு புதிய ஸ்டைலிங்கை பெற்றுள்ளது.
மாற்றியமைக்கப்பட்ட கேபின், புதிய சிறப்பம்சங்கள் என இதனுடைய மற்ற கட்டமைப்புகள் மேலும் ஆச்சரியம் அளிக்கின்றன. லக்ஸுரி எஸ்யூவி கார் பிரிவில் பெரிய தாக்கத்தை ஏற்படுத்தும் வகையில் இந்த கார் முன்னதாகவே அறிமுகம் செய்து வைக்கப்பட்டுள்ளன.
இதை தொடர்ந்து, நடப்பாண்டு இறுதியில் ஆடி கியூ3, மெர்சிடிஸ் பென்ஸ் ஜி.எல்.ஏ உள்ளிட்ட மற்ற லக்ஸுரி எஸ்யூவி கார்கள் விற்பனைக்கு கொண்டுவரப்படவுள்ளன.
பிஎம்டபுள்யூ எக்ஸ்5, எக்ஸ்7 மற்றும் 7 சிரீஸ் கார்களில் முந்தைய தலைமுறை மாடல்களில் இடம்பெற்றுள்ளது போன்ற, அதே கிட்னி கிரில் அமைப்பு புதிய எக்ஸ்1 லக்ஸுரி காரிலும் வழங்கப்பட்டுள்ளது.
மேலும், புதிய வடிவம் கொண்ட முகப்பு விளக்குகள், எல்.இ.டி பகல்நேர விளக்குகள், ரிவைசிடு பம்பர், அலாய் சக்கரங்கள், ரிவைஸ்டு ரியர் டெயில் விளக்குகள், பெரியளவிலான எக்ஸாஸ்ட் குழாய்கள் ஆகியவை பிஎம்டபுள்யூ எக்ஸ்1 காரில் இடம்பெற்றுள்ளன.
எனினும், இந்த காரினுடைய உட்புறத்தில் எவ்வித மாற்றமும் இல்லை. தற்போதைய மாடலில் இடம்பெற்றுள்ளது 10.25 அங்குல தொடுதிரை இன்ஃபொடெயின்மென்ட் அமைப்பு, ரிடிசைன் செய்யப்பட்ட கியர் செலக்டார், பனோரமிக் சன்ரூஃப் என முந்தைய மாடலில் இருந்து வரும் அதே சிறப்பம்சங்கள் புதிய காரிலும் தொடர்கின்றன.
இருந்தாலும், இந்த காரினுடைய எஞ்சினில் தான் முக்கிய அறிவிப்பு உள்ளது. தற்போது விற்பனை செய்யப்பட்டு வரும் எக்ஸ்1 கார்களில் 2.0 லிட்டர் பெட்ரோல் மற்றும் டீசல் எஞ்சின் தேர்வுகள் உள்ளன. இரண்டு இரண்டு எஞ்சின்களுமே, முன்பக்க சக்கரங்களுக்கு ஆற்றலை கடத்தும் விதத்தில் உருவாக்கப்பட்டுள்ளன. எனினும், இந்த கார் ஆல் வீல் டிரைவி சிஸ்டத்திலும் விற்பனைக்கு கிடைக்கிறது.
அதன்படி, ஐரோப்பாவில் விற்பனை செய்யப்பட்டு வரும் கார்களில் எக்ஸ்1 கார்களில் 1.5 லிட்டர் டர்போ பெட்ரோல் எஞ்சின் இடம்பெற்றுள்ளது. இந்த எஞ்சின் அமைப்பு 138 பிஎச்பி பவர் மற்றும் 220 என்.எம் டார்க் திறனை அதிகப்பட்சமாக வழங்கக்கூடியது. இந்தியாவில் விற்பனைக்கு வரவிருக்கும் 2020 பிஎம்டபுள்யூ எக்ஸ்1 காருக்குரிய என்ட்ரி லெவல் மாடலில் இந்த எஞ்சின் தேர்வு வழங்கப்படலாம் என சொல்லப்படுகிறது.
பிஎம்டபுள்யூ நிறுவனம் இரண்டாவது தலைமுறை பிஎம்டபுள்யூ எக்ஸ்1 கார், வரும் மார்ச் 5ம் தேதி விற்பனைக்கு கொண்டுவரப்படும் என அறிவித்துள்ளது. அதற்கு முன்னதாக, இம்மாத இறுதிக்குள் புக்கிங்குகள் துவங்கும் எனவும் எதிர்பார்க்கப்படுகிறது.
கருத்துகள் இல்லை:
கருத்துரையிடுக