அந்த
மூன்று நாட்களில் ஒருவித உடல் அசெளரியத்தோடு நாப்கின் பயன்பாடும் சேர்ந்து கொள்கிறது
என்று சொல்லும் பெண் களுக்கு மாற்றாக பயன்படுத்தப்படும் மென்சுரல் கப் குறித்து தெரியுமா?
இதுவரை தெரியவில்லை என்றால் இனி தெரிந்து கொள்ளுங்கள்.
மாதவிடாய் காலம்
பெண்கள்
தங்கள் ஆயுள் காலத்தில் 8 லிருந்து 10 வருடங்கள் மாதவிடாய் காலத்தை சந்
திக்கிறார்கள். பூப்படையும் காலம் முதல், மெனோபாஸ் காலம் வரை மாதவிடாய் நிலையின்
ஒவ்வொரு அவஸ்தையும் மாறுபடுவதும் உண்டு. பூப்படைந்த பிறகு மாத விடாய் காலத்தில்
வயிறு வலி வருவதுண்டு. சிலருக்கு அதிகப்படியான தீவிர வலி உண்டாகும். சமீப
வருடங்களாக பாலிசிஸ்டிக் ஓவரிஸ் பிரச்சனையாலும் இளம்பெண்கள் பலரும் அவதிப்பட்டுவருகிறார்கள்.
அதை தொடர்ந்து திருமணத்துக்கு பிறகு கருத்தரிப்பதிலும் சில பெண்கள்
பிரச்சனைக்குள்ளாகிறார்கள். இந்த நேரத்தில் இது குறித்து குறிப்பிட காரணம் இந்த
கால கட்டங்கள் எல்லாவற்றிலும் உண்டாகும் உதிரபோக்கு தான்.
இந்த
பிரச்சனைகளால் தான் வழக்கமான நிலையை விட அதிகப்படியான உதிரப் போக் குக்கு
உள்ளாகிறார்கள். அப்படியான சூழ்நிலையில் உடலளவிலும் மனதளவிலும் சோர்ந்து
போகிறார்கள். இந்த நிலையில் உடலளவில் ஏற்படும் மாற்றத்தை தெளிவாக எதிர்கொள்ளும்
அளவு விழிப்புணர்வை கொள்வது அவசியம் என்கிறார்கள் மருத்து வர்கள்.
மாதவிடாய் குறித்த
ஆய்வு
உலக
அளவில் 40 % பெண்கள் மாதவிடாய் காலத்தை வலியுடன் அனுபவிப்பதாக பிரிட் டிஷ்
மெடிக்கல் கவுன்சில் ஆய்வுகள் தெரிவிக்கிறது. பெண்களின் மாதவிடாய் காலம் குறித்த
அனைத்து ஆய்வுகளிலும் பெண்கள் அவஸ்தைபடுவது அதிகமாக இருப்பதை ஒப்புகொண்டுள்ளது.
அதே நேரம் இந்த காலத்தில் அவர்கள் உதிரபோக்குக்கு பயன்படுத் தும் பொருள்களும் கூட
இந்த அவஸ்தையை அதிகம் உண்டு செய்வதாகவும் கண்ட றிந்துள்ளது.
பெண்கள்
மாதவிடாய் காலத்தில் உதிரபோக்குக்கு துணி, டேம்பன்ஸ், நாப்கின் போன்ற வற்றை தான்
அதிகம் பயன்படுத்துகிறார்கள். கடந்த 15 வருடங்களுக்கு முன்புதான் நாப்கினுக்கு
மாறினார்கள். அப்போதே துணியில் இருந்து நாப்கினுக்கு மாற தயங்கிய பெண்கள் அதிகம்.
துணியை காட்டிலும் நாப்கின் பயன்பாடு கூடுதல் பாதுகாப்பு என் றார்கள்.
காலப்போக்கில் அனைத்து பெண்களும் அதாவது அதிக சதவீத பெண்கள் நாப் கின் பயன்பாட்டுக்கு
மாறிவிட்டார்கள். ஆனால் சமீப காலமாக நாப்கின் பயன்படுத்து வதும் உடலுக்கு
சமயங்களில் சுகாதார குறைபாட்டை உண்டாக்கிவிடும் என்கிறார்கள்.
நாப்கின் பயன்பாடு
நாப்கினை
முறையாக பயன்படுத்தும் போது ஆபத்துகளும் அதிகம் உண்டாவதில்லை. ஆனால் பெண்கள்
அத்தகைய முறையை பின்பற்ற முடிவதில்லை. 2 அல்லது குறைந்தது 3 மணி நேரத்துக்கு ஒரு
முறையாவது நாப்கினை மாற்றவேண்டும் என்னும் சூழலில் அதை அவர்களால் கடைபிடிக்க
முடிவதில்லை என்பதே உண்மை.
இராசயனம்
கொண்ட நாப்கின்களை பயன்படுத்தும் பெண்களுக்கு அதை நீண்ட நேரம் அணியும் போது
கிருமித்தொற்று, பெண் உறுப்பில் அரிப்பு போன்ற பிரச்சனைகள் உண்டாகிறது. சில
பெண்கள் சிறுநீரக தொற்று பிரச்சனைக்கு உள்ளாகிறார்கள். அதே நேரம் சுகாதாரமற்ற
நாப்கின் பயன்பாட்டால் கருப்பை வாய் புற்றுநோய்க்கு கூட ஒருவகையில் இந்த நாப்கினே
காரணமாகிறது. தற்போது நாப்கினுக்கு மாற்றாக மென்சுரல் கப் குறித்த விழிப்புணர்வு
அதிகரித்துவருகிறது. மென்சுரல் கப் பாதுகாப்பான ஒன்று என்று ஆய்வுகள் கூறிவரும்
நிலையில் மென்சுரல் கப் என்றால் என்ன? எப்படி பயன்படுத்துவது? சுத்தம் செய்வது
என்பது குறித்து பார்க்கலாமா?
மென்சுரல் கப்
மென்சுரல்
கப் பிளாஸ்டிக், ரப்பர் மற்றும் சிலிக்கான் கொண்டு தயாரிக்கப்படுகிறது. இதில்
சிலிக்கான் கொண்டு தயாரிக்கப்படும் மென்சுரல் கப் பாதுகாப்பானது. நாப்கின் போல்
இது இரத்தத்தை உறிஞ்சுக்கொள்ளாது. இரத்தத்தை சேமிக்கும். அதனால் இதை சுத்தம்
செய்து மீண்டும் மீண்டும் உபயோகிக்கலாம். 500 முதல் 1000 ரூபாய் வரை விலைகொண்ட இதை
8 வருடங்கள் வரை பயன்படுத்தலாம்.
மாதவிடாய்
காலத்தில் பெண்கள் தங்கள் உறுப்பின் உள்ளே பொருத்தக்கூடியது மென்சு ரல் கப். இது
பார்க்க கூம்பு வடிவத்தில் இருக்கும். மருந்து கடைகளில் கிடைக்கும். இதை
பயன்படுத்தினால் பெண்கள் மாதவிடாய் காலத்தில் உண்டாகும் அரிப்பு, எரிச்சல்
பிரச்சனைக்கு உள்ளாக மாட்டார்கள். மென்சுரல் கப் பயன்படுத்திய பெண்கள் பலரும் இது
செளகரியமாகவும் அரிப்பு பிரச்சனையை உண்டாக்குவதில்லை என்றும் தெரி வித்திருப்பது
குறிப்பிடத்தக்கது
எப்படி பொருத்துவது
மென்சுரல்
கப் பொருத்துவது சற்று வித்தியாசமானது. நாப்கினை போல் அணிந்து கொண்டு செல்ல
முடியாது. அதனால் முதலில் பயன்படுத்தும் போது பெண்கள் சங்கடப் படவே செய்வார்கள்.
இதை நின்று கொண்டு பொருத்துவதை குத்துகால் இட்டு அமர்ந்து பொருத்திகொள்வது சரியாக
இருக்கும். மென்சுரல் கப்பின் வாய்பகுதியை அழுத்தினால் அது சி வடிவில் வரும். அதை
உறுப்பின் உள்ளே பொருத்தி கொள்ள வேண்டும். சரியாக பொருந்தி கொண்டால் உதிரம்
கசியாது. இந்த கப்பில் உதிரம் சேமிக்கப்படும். பிறகு 4 அல்லது 5 மணி நேரத்துக்கு
ஒரு முறை இந்த கப்பை முன்பு போல் வாய்ப்பகுதியை அழுத்தி வெளியே எடுத்து சுத்தமான
நீரில் சுத்தம் செய்து மீண்டும் வைக்கலாம்.
மாதவிடாய்
நாட்கள் முடிவடைந்ததும் கொதிக்கும் வெந்நீரில் இரண்டு துளி டெட்டால் சேர்த்து அந்த
கப்பை போட்டு சுத்தம் செய்ய வேண்டும். பிறகு அதற்குரிய உறையில் அதை வைத்து விட
வேண்டும். இதனால் கிருமித்தொற்று ஏற்படாது. துர்நாற்றம் வீசவும் செய்யாது.
எல்லோருக்குமானதா
மென்சுரல்
மென்சுரல்
கப் நாப்கின் போன்று பல அளவுகளில் கிடைக்கிறது. Small, Large, Medium, XL,XXL என அளவு
பார்த்து வாங்குங்கள்.பூப்படைந்த காலம் முதல் இதை தயக்கமின்றி பயன்படுத்தலாம். எனினும்
சிறு வயது பெண்குழந்தைகளுக்கு இதை பொருத்துவது சற்று சிரமமாக இருக்கும் என்பதால் உறுப்பு
வளர்ச்சி குறைந்த பெண்கள் மருத்துவர் ஆலோசனையுடன் பயன்படுத்தலாம்.
திருமணத்துக்கு
பின்பும் மெனோபாஸ் காலங்களிலும் இதை பயன்படுத்தலாம். பிரசவத் துக்கு பிறகு மட்டும்
இதை உபயோகிப்பது கடினமாக இருக்கும். அந்த நேரங்களில் இதை தவிர்க்கலாம்.
மென்சுரல்
கப் பயன்படுத்துபவர்கள் ஒவ்வொரு முறை உறுப்புக்குள் பொருத்தும் போது கைகளை நன்றாக
சுத்தம் செய்து கொள்ள வேண்டும். குறிப்பாக அழகுக்கு நகத்தை நீளமாக வளர்ப்பவர்கள்
நகத்தின் கூர்மை அந்த இடத்தில் படாமல் பார்த்துகொள்வது மிகவும் முக்கியம். மிகவும்
சென்ஸிடிவான பகுதி என்பதால் இலேசாக நகம் அழுத்தினாலும் அதிக அவஸ்தையை
உண்டாக்கிவிடும்.
ஆரம்பத்தில்
அவஸ்தையாகவோ, அசெளகரியமாகவோ இருந்தாலும் பயன்படுத்த தொடங்குங்கள். பிறகு மென்சுரல்
கப் மாதவிடாய் கால அவஸ்தையை குறைப்பதை உணர்வீர்கள்.
கருத்துகள் இல்லை:
கருத்துரையிடுக