மாதவிடாய் நாளில் ஃபங்ஷனோ, பண்டிகையோ இருந்தால் அது இரண்டு நாள் தள்ளி வந்தால் நன்றாக இருக்கும் என்று நினைக்கிறீர்களா?

மாதந்தோறும் வரக்கூடிய மாதவிடாய் சுழற்சி இயற்கையாக உடலில் நடக்கும் மாற்றங்களால் வரக்கூடியது. மாதவிடாய் நாட்கள் எப்போதும் அசெளகரியமாக இருக்கும் என்பதால் அந்த நாட்களில் வெளியே செல்லாமல் பெரும்பாலும் வீட்டிலேயே இருக்கவே விரும்புவார்கள். ஆனால் மாதவிடாய் நாட்களின் போது பண்டிகையோ முக்கியமான விழாக்களோ இருக்கும் நாட்களில் மாதவிடாய் வரக்கூடிய நாளாக இருந்தால் அதை தவிர்க்கவே விரும்புவார்கள்.

அதற்கு கடைகளில் மாத்திரைகள் கிடைக்கிறது என்றாலும் உடல் இயற்கையாக இந்நிகழ்ச்சியை ஹார்மோன் மூலம் செய்யும் போது மாத்திரைகள் ஹார்மோன் சுழற்சியில் குழப்பத்தை உண்டு செய்கிறது. அதனால் மாத்திரைகளை அதிகம் பயன்படுத்த வேண்டாம் என்று மருத்துவர்கள் அறிவுறுத்துகிறார்கள். பக்க விளைவில்லாமல் சில நாட்கள் இயற்கை வைத்தியம் மூலம் மாதவிடாய் தள்ளி வைக்கலாம். அதற்கு என்ன செய்யலாம் என்று பார்க்கலாம். இது பக்கவிளைவு இல்லாத முறையும் கூட.

​ஆப்பிள் சீடர் வினிகர்

ஆப்பிள் சீடர் வினிகர் உடல் எடை குறைய, சரும பராமரிப்பின் போது, நெஞ்செரிச்சல் இருக்கும் போது பயன்படுத்துவதுண்டு. ஆப்பிள் சீடர் வினிகர் மாதவிடாய் தள்ளி போக உதவும். மாதவிடாய் தள்ளி போவதற்காக இதை பயன்படுத்தும் போது மீண்டும் மாதவிடாய் காலத்தில் அதிக ரத்தபோக்கு உண்டாகாமல் தடுக்கவும் இவை உதவும்.

தினமும் ஒரு டம்ளர் நீரில் 3 டீஸ்பூன் ஆப்பிள் சீடர் வினிகர் கலந்து குடிக்க வேண்டும். இதை தினமும் 10 நாட்கள் வரை குடிக்க வேண்டும். இது 4 முதல் ஒரு வாரம் வரை உங்கள் நாட்களை தள்ளிபோக செய்யும். கூடுதலாக உடலில் இருக்கும் நச்சையும் வெளியேற்றும்.

​எலுமிச்சை சாறு

எலுமிச்சை சாறு வைட்டமின்கள் மற்றும் சிட்ரிக் அமிலத்தின் நிறைந்த மூலம் என்பதை அறிவோம். இதை மாதவிடாய் நாட்களுக்கு முன்பு குடித்துவந்தால் இது மாதவிடாய் காலத்தை தாமதமாக்கும். மேலும் வரும் மாதவிடாய் கால கட்டத்தில் உதிரபோக்கு அசெளகரியம் இல்லாமல் இலகுவானதாக இருக்கும்.

இதை தொடர்ந்து ஒரு வாரம் வரை குடித்தால் மாதவிடாய் காலத்தை தள்ளி போக உதவும். எலுமிச்சை சாறை அப்படியே குடிக்காமல் ஒரு டம்ளர் நீரில் கலந்து குடிக்க வேண்டும். அமிலம் நிறைந்ததால் இது பற்கள், ஈறுகள், வயிறு குடல்களில் பயணிக்கும் போது அது எரிச்சலை அடைய செய்யலாம்.

​ஜெலட்டின்

கடைகளில் ஜெலட்டின் பாக்கெட்டுகள் கிடைக்கும். இது மாதவிடாய் ஒரு நாள் முதல் ஒரு வாரம் வரை தள்ளி வைக்க உதவுகிறது. இது மாதவிடாய் சுழற்சியின் வேகத்தை குறைக்க செய்கிறது. ஜெலட்டின் தூளை வெதுவெதுப்பான நீரில் கரைத்து குடிப்பதால் அது குறைந்தது நான்கு மணி நேரமாவது உங்கள் இயக்கங்களை தள்ளிவைக்கும் என்று சொல்லப்படுகிறது.

இது எப்படி செயல்படுகிறது என்பது குறித்த ஆய்வுகள் இதுவரை இல்லை என்பதும் குறிப்பிடத்தக்கது. அதே நேரம் இதை அதிகமாக எடுத்துகொள்ளும் போது இது செரிமானம், மன உளைச்சல் போன்ற சில பக்கவிளைவுகளையும் உண்டாக்க கூடும் என்பதையும் மனதில் கொள்ள வேண்டும்.

​பருப்பு வகைகள்

நமது பாரம்பரிய உணவில் பருப்பு வகைகள் மற்றும் பயறு வகைகள் மிக முக்கியமானவை. இது மாதவிடாய் காலத்தை மெதுவாக்க செய்கிறது. பயறு வகைகளில் பொட்டாசியம் நார்ச்சத்து அதிகம் உள்ளது. மாதவிடாய் சுழற்சியை மெதுவாக்குவதோடு அதற்கு பிந்தைய மாதவிடாய் தொடர்பான அறிகுறிகளையும் மெதுவாக்குகிறது.

பருப்பை மிதமாக வைத்து பொடியாக்கி வைத்துகொள்ள வேண்டும். இதை சூப் போன்று குடித்துவரலாம். ஸ்மூத்தி போல் குடிக்கலாம். அதிக அளவு எடுக்கும் போது அது வயிறு வலி, வீக்கம் போன்றவற்றை உண்டாக்கிவிடக்கூடும் என்பதால் அளவாக எடுத்துகொள்வது நல்லது. மாதவிடாய்க்கு முந்தைய ஒரு வாரகாலத்திலிருந்து இதை எடுத்துகொள்ள வேண்டும்.

​கொத்துமல்லி விதைகள் அல்லது தழைகள்

இரண்டுமே மாதவிடாய் தள்ளி போக உதவக்கூடும். கொத்துமல்லி விதைகளை எடுக்கும் போது ஒரு டம்ளர் நீரில் 10 கிராம் விதைகள் சேர்த்து தண்ணீர் பாதியாக சுண்டும் வரை கொதிக்க வைத்து இறக்கி ஆறிய பிறகு குடிக்கவும். மாதவிடாய்க்கு முன்பு ஒரு வாரம் முதல் இதை செய்யலாம். விதைகள் இல்லாத நிலையி கொத்துமல்லியை நீரில் சேர்த்து வேகவைத்து இறக்கி ஆறியதும் குடித்து வந்தால் மாதவிடாய் காலம் தாமதமாக்கும். மேலும் இவை உடலில் இருக்கும் நச்சுக்களையும் வெளியேற்ற செய்கிறது.

கடுகு

கடுகை இலேசாக வறுத்து பொடியாக்கி கொள்ளவும். மாதவிடாய் வரப்போவதற்கு ஒரு வாரம் முன்பிருந்தே இரவு ஒரு டம்ளர் பாலில் ஒரு டீஸ்பூன் கடுகுத்தூள் கலந்து குடித்து வந்தால் மாதவிடாய் தள்ளிபோக கூடும்.

உடற்பயிற்சி

விளையாட்டு வீரர்களும் தினசரி கடுமையான உடற்பயிற்சி மேற்கொள்பவர்களும் அவர்களது மாதவிடாய் காலத்தை பெரும்பாலும் தள்ளி அனுபவிப்பார்கள். மாதவிடாய்க்கு முந்தைய 10 நாட்களிலிருந்தே உடல் தீவிரமான உடற்பயிற்சியை மேற்கொண்டால் அது உங்கள் மூளைக்கு மெதுவாக சமிக்ஞையை கொண்டு செல்ல கூடும். ஏனெனில் தீவிரமான உடல்பயிற்சி மாதவிடாய் காலத்துக்கான செயல்களை தாமதப்படுத்துகிறது.

மேற்கண்டவற்றை உங்கள் மாதவிடாய் காலத்துக்கு முந்தைய 10 நாட்களுக்கு முன்கூட்டியே தொடங்கிவிட்டால் உங்கள் நாளை ஒரு நாள் முதல் ஒருவாரம் வரை தள்ளிபோக செய்யலாம். அதே நேரம் கார உணவுகளை தவிர்ப்பது சிறந்தது.

குழந்தைகளை கொசு கடித்தால் மென்மையான சருமம் வீக்கத்தையும், அரிப்பையும் அதிகமாக சந்திக்கும்.

கொசு வகைகள் அதிகம் இருந்தாலும் சில குறிப்பிட்ட அனோபீஸ், குலெக்ஸ் மற்றும் ஏடிஸ் கொசுவகைகள் மிக முக்கியமானவை. இவை நோய்த்தொற்றுகளை உண்டாக்க கூடியவை. குறிப்பாக பெண் கொசுக்கள் தங்கள் முட்டைகளுக்கு ஊட்டச்சத்து அளிக்க மனித உடலில் ரத்தத்தை உறிஞ்சுகின்றன.

பெரியவர்களை காட்டிலும் குழந்தைகளை கொசு கடிக்கும் போது ஒவ்வாமை அல்லது தொற்றுகளுக்கு ஆட்படுகிறார்கள். கொசு ரத்தத்தை உறிஞ்சும் போது அது நம் ரத்தத்தில் அதன் உமிழ்நீரில் கலக்கிறது. இதிலிருக்கும் தீங்கு விளைவிக்கும் ரசாயனங்கள் ரத்த உறைதலை தடுக்கிறது, குழந்தையின் நோய் எதிர்ப்புசக்தியை உண்டாக்குகிறது.

மிக முக்கியமாக இது சிவத்தல், அரித்தல் மற்றும் வீக்கத்துக்கு வழி ஏற்படூத்துகிறது. குழந்தைக்கு கொசு கடிக்கும் போது சரும வீக்கம் இரண்டு நாட்கள் வரை இருக்க கூடும். இளஞ்சிவப்பு நிறத்தில் சருமம் தடித்திருக்கும். இதை போக்க வீட்டில் இருக்கும் பொருள்களை அம்மாக்கள் பயன்படுத்தலாம். எனினும் தீவிரம் அதிகமாக இருந்தால் கொசுக்களால் பரவும் நோயை தடுக்க மருத்துவ உதவி தேவைப்படலாம்.

​ஐஸ்கட்டி

குழந்தைகளுக்கு ஐஸ்கட்டி ஒத்தடம் கொடுக்கலாம். குளிர்ந்த நிலையில் இவை ரத்த நாளங்களை கட்டுப்படுத்த கூடும். இது ஒவ்வாமைக்கு எதிர்வினையாக செயல்படூவதோடு இது சருமத்தில் அரிப்பையும் போக்கும்.

ஐஸ்கட்டியை மெல்லிய துணியில் சுற்றி ஒன்று அல்லது இரண்டு மணி நேரங்களுக்கு ஒருமுறை கொசு கடித்து வீக்கமான சருமத்தில் ஒற்றி எடுக்கவும். தொடர்ந்து 10 நிமிடங்கள் வரை வைத்து எடுத்தால் போதும்.

​க்ரீன் டீ

க்ரீன் டீ அழற்சி எதிர்ப்பு பண்புகளை கொண்டுள்ளது. இது சருமத்தின் வீக்கத்தை வேகமாக குறைக்கும். க்ரீன் டீ பேக் ஃப்ரிட்ஜ்ஜில் வைத்திருங்கள். அவை இலேசாக குளிர்ந்து போகும் போதே எடுத்து குழந்தைக்கு ஒத்தடம் கொடுக்கலாம். தினமும் 3 அல்லது நான்கு முறை வரை இப்படி செய்தால் போதுமானது.

வினிகர்

அமிலத்தன்மை கொண்ட வினிகர் நச்சுத்தன்மையை சமநிலைப்படுத்துகிறது, இது கொசுக்கடி போன்று தேனிக்கள் போன்ற பூச்சிகளீருந்தும் சருமத்தை பாதுகாக்கிறது.

வினிகர் அமிலத்தன்மை நிறைந்தது என்பதால் அதை சம அளவு நீரில் கலந்து சுத்தமான பருத்தி துணியால் துடைத்து எடுக்கவும். இரண்டு வேளை தடவினால் போதுமானது.

​எலுமிச்சை தைலம்

எலுமிச்சையில் தயாரிக்கப்படும் இந்த எலுமிச்சை தைலம் இயற்கை ஆண்டிஹிஸ்டமைன் என்று சொல்லலாம். இது சரும அரிப்பை நீக்க உதவுகிறது.

எலுமிச்சை தைலம் இல்லையென்றால் எலுமிச்சை இலையை கசக்கி அதன் சாறைநீரில் கலந்து சருமத்தின் மீது நேரடியாக பூசவும். சருமத்துக்கு ஊறுவிளைவிக்காது என்றாலும் மென்மையான சருமம் என்பதால் நீங்கள் குழந்தையின் குளியல் தொட்டியில் ஒரு மூடி விட்டு சில நிமிடங்கள் கழித்து அந்த நீரில் குழந்தையை குளிப்பாட்டலாம்.

பால்

பால் சருமத்தை பாதுகாக்க வைத்திருக்க உதவும். பாலில் உள்ள புரதங்கள் வீக்கத்தை குறைத்து சருமத்தை அமைதிப்படுத்த செய்யும். மேலும் இது சருமத்தில் வீக்கம் மற்றும் சிவத்தலை கட்டுப்படுத்தக்கூடும்.

பாலை சிறிதுதட்டில் வைத்து சுத்தமான காட்டனில் துடைத்து சருமத்தின் மீது தடவி விடவும். ஒரு மணி நேரத்துக்கு ஒரு முறை இதை தடவி விடலாம். ஆனால் பால் வாடையை எறும்புகள் உணர்ந்து வரக்கூடும் என்பதால் குழந்தையின் அருகில் இருக்கும் போது மட்டும் இதை செய்யுங்கள். அதற்கு பிறகு மீண்டும் வெதுவெதுப்பான நீரில் துடைத்து எடுங்கள்.

​டீ ட்ரி ஆயில்

இதில் உள்ள எண்ணெய்கள் ரசாயனங்கள் பாக்டீரியா மற்றும் பூஞ்சைகளை கொல்வதால் இது கிருமிகளை வெளியேற்றுகிறது. இது சரும வீக்கத்தை குறைக்க செய்கிறது.இதன் வாடைக்கு கொசுக்கள் அருகில் வராது என்பதால் கொசு அதிகமாக இருக்கும் வீட்டில் வசிப்பவர்கள் முன்கூட்டியே குழந்தைக்கு இதை தடவி விடுவது நல்லது.

இந்த எண்ணையோடு சம அளவு தேங்காய் எண்ணெய் கலந்து சருமத்தின் மீது தடவுங்கள்.கொசு கடித்தபிறகு இந்த பராமரிப்பு செய்வதை காட்டிலும் கொசு கடிக்காமல் இருக்க கூடுமான முயற்சிகள் எடுப்பது மிகவும் நல்லது.

பிறந்த குழந்தைக்கு ஆறுமாதங்கள் வரை தாய்ப்பால் மட்டுமே கொடுக்க வேண்டும் என்று மருத்துவர்கள் வலியுறுத்துகிறார்கள். சமயங்களில் தாய்ப்பால் இல்லாத போது குழந்தைக்கு துணை பாட்டில் தான். அப்படி குழந்தைக்கு பாட்டில் பால் கொடுக்கும் போது என்னவெஆம் கவனிக்கலாம் தெரிந்து கொள்வோம்

பிறந்த குழந்தைக்கு தாய்ப்பால் தான் சிறந்தது என்றாலும் வெகு அரிதாக சில குழந்தைகளுக்கு தாய்ப்பால் பற்றாக்குறை உண்டாகிறது. அல்லது தாய்ப்பால் கிடைக்காமல் போகிறது. அப்படி இருக்கும் போது குழந்தைகளுக்கு பாட்டில் பால் கொடுப்பது வழக்கம். அதே போன்று தாய்ப்பால் கொடுத்தாலும் ஆறுமாதங்களுக்கு பிறகு குழந்தைக்கு இணை உணவு கொடுத்தாலும் கூட தாய்ப்பால் பற்றாக்குறையாக இருக்கும். அதனால் குழந்தைக்கு மாற்றுப்பாலும் பழகுவார்கள். அப்போதுதான் பாட்டில் பழக்கத்தை ஏற்படுத்துவோம்.

குழந்தைக்கு பாட்டில் பழகும் போது முதலில் குழந்தை பாட்டில் பாலை குடிக்க திணறுவார்கள்.அம்மாவின் மார்பு காம்புகளில் உறிஞ்சு குடித்த குழந்தைக்கு திடீரென்று பாட்டில் பால் சிரமமாக இருக்கும். பாட்டில் பழகுவதற்கு சில வாரங்கள் வரை ஆகலாம். எனினும் குழந்தைக்கு பாட்டில் பால் பழகும் போது இதையெல்லாம் மனதில் வையுங்கள்.

குழந்தைக்கு பால் புகட்டும் போது உங்கள் முழங்கையை கைகளில் மடித்து குழந்தையின் தலையை உங்கள் கை மேல் வைத்து கையை குழந்தையை சுற்றி இறுக்கி பாட்டிலை பிடித்து கொள்ளுங்கள் .குழந்தையின் தலை நிமிர்ந்த நிலையில் இருக்க வேண்டும்.முதுகு வளைந்த நிலையில் இருக்க கூடாது. எக்காரணம் கொண்டும் குழந்தையை படுத்த நிலையில் வைத்து பால் புகட்ட கூடாது.

குழந்தைக்கு பாட்டில் பால் கொடுக்கும் போது அம்மாக்களும் நேராக உட்கார்ந்துகொள்ள வேண்டும். குழந்தையை முழங்கால்கள், வயிற்றிலும் கோணலில்லாமல் குழந்தையை சீராக வைத்திருக்க வேண்டும். தாய்ப்பால் போன்று அம்மாக்கள் குழந்தையின் முகத்தை ஒட்டி இருக்க வேண்டும். குழந்தையின் பால் பாட்டில் நிப்பிள் முழுவதும் குழந்தையின் வாயில் வைக்க வேண்டும். இல்லையெனில் குழந்தை பாட்டில் பாலை உறிஞ்சும் போது குழந்தையின் வாய் வழியே காற்று சென்றுவிட வாய்ப்புண்டு.

குழந்தை சற்றூ வளர்ந்ததும் குழந்தையின் தலையை தட்டையாக வைக்காமல் சற்று உயரமான தலையணையில் படுக்க வைத்து கொடுக்கவும். பாட்டிலில் பால் புகட்டுவதால் அதிக கவனம் தேவை. பாட்டிலில் பால் கொடுத்தால் தான் என்றில்லை. குழந்தை பாட்டிலில் தண்ணீர் குடிக்கும் போதும் இதை கவனத்தில் கொள்ள வேண்டும்.

குழந்தைக்கு பாட்டிலில் பால் கொடுக்கும் போது அம்மாக்கள் ஒரு சிக்கலை பொதுவாகவே சந்திப்பார்கள். குழந்தை தாய்ப்பால் குடிக்கும் போது அங்கும் இங்கும் வேடிக்கை பார்ப்பார்கள். குறும்பு செய்வார்கள். சில நேரம் நாக்கை நீட்டியபடி அம்மாவின் முகத்தை பார்த்துகொண்டிருப்பது,கைகளை வாய்க்குள் வைத்து விளையாடுவது, பசியின்மையை கொண்டிருப்பது, விரல்களை வாயில் வைத்திருப்பது இவற்றுக்கு இடையே தான் அவர்கள் பால் குடிப்பார்கள். ஆனால் பால் பாட்டில் குடிக்கும் போது அவர்கள் உறிஞ்சுவிட்டாலே பால் வரத்தொடங்கி விடும்.

அதனால் குழந்தைக்கு அடிக்கடி பால் புகட்ட வேண்டியிருக்காது. ஆனால் தாய்ப்பால் குடிக்கும் போது குழந்தை அதிகமாக பால் குடித்தது. ஆனால் பாட்டில் பாலில் குழந்தை பால் அதிகம் கொடுப்பதில்லை என்று அம்மாக்கள் கவலைகொள்வார்கள். இதனால் குழந்தையின் வாயில் பால் பாட்டிலை வலுக்கட்டாயமாக புகட்டுவார்கள். ஆனால் பாட்டில் பால் கொடுக்கும் போது குழந்தைக்கு தொடர்ந்து கொடுக்காமல் இடைவெளிவிட்டு கொடுக்க வேண்டும். குழந்தை பாட்டிலில் பால் உறிஞ்சுவதற்கு ஏற்றதாக உள்ளதா என்பதையும் கவனிக்க வேண்டும்.

குழந்தைக்கு பாட்டிலில் பால் கொடுத்தாலும் தண்ணீர் கொடுத்தாலும் வேகமாகவோ மெதுவாகவோ இல்லாமல் சீராக வெளிவருகிறதா என்பதை கவனிக்க வேண்டும். குழந்தை ஒரே மூச்சில் பால் குடிக்க வேண்டும் என்று நினைக்காமல் சில நிமிடங்கள் அல்லது குழந்தை 15 முறை விழுங்கிய உடன் இடைவெளி விட வேண்டும். இது குழந்தைக்கு உடல்பருமனை உண்டாக்கிவிடவும் வாய்ப்புண்டு. குழந்தைக்கு வயிறு நிறைவது தெரியாமல் அதிகமாக கொடுத்துவிட வாய்ப்புண்டு.

குழந்தைக்கு பால் கொடுக்கும் போது பால் வெதுவெதுப்பான சூட்டில் இருக்கும்படி பார்த்துகொள்ளுங்கள். பாலை மணிக்கட்டில் சில துளி விட்டு பிறகு சரியான வெப்பத்தில் கொடுக்கலாம். குழந்தை வளர வளர ஈறுகள், பற்கள் வளர்வதால் குழந்தை நிப்பிள் கடிப்பார்கள். அதனால் நிப்பிள் அதிகமாக விரிசலை சந்திக்க கூடும். அதையும் அடிக்கடி கவனத்தில் கொண்டு பார்க்க வேண்டும்.

இறுதியாக பாட்டில்களை பயன்படுத்தும் போது சரியான பாட்டிகளை தேர்வு செய்யுங்கள். தரமான பாட்டில்களாக பயன்படுத்துவது அவசியம். பாட்டில்களை சரியான முறையில் சுத்தம் செய்வது அவசியம். பாட்டில்கள், வளையம், நிப்பிள் அனைத்தையும் தனித்தனியாக கழட்டி சுத்தம் செய்யவும். தினமும் கொதிநீரில் பாட்டிலை போட்டு எடுக்கவும்.பாட்டிலை கழுவி துடைத்து வெயிலில் உலர வைத்து எடுக்கவும். பாட்டில் வாங்கும் போது ஏதும் சந்தேகம் இருந்தால் மருத்துவரின் ஆலோசனை பெறவும் தயங்க வேண்டாம்

மாதவிடாய் காலங்களில் இரத்த போக்கின் நிறம் மாறுபட வாய்ப்பு. பழுப்பு, ஆரஞ்சு போன்ற இரத்த போக்கை அவர்கள் பெற வாய்ப்பு உள்ளது. எனவே இதைக் கண்டு பெண்கள் பயப்படுகின்றனர். ஆனால் இந்த இரத்த போக்கு சாதாரணது தான் நீங்கள் எப்பொழுது மருத்துவரை அணுக வேண்டும் என்பது குறித்து மகப்பேறியல் மருத்துவர் கூறுகிறார்.

பெண்களின் மாதவிடாய் காலங்களில் பெண்கள் முற்றிலுமாக பல மாற்றங்களை சந்திக்கின்றனர். குறிப்பாக மாதவிடாய் இரத்த போக்குகளில் மாற்றங்களை அவர்கள் சந்தித்து வருகிறார்கள். சிலருக்கு ஆரஞ்சு நிறத்தில், பழுப்பு நிறத்தில் என இரத்த போக்கு ஏற்படுவதுண்டு. சில நேரங்களில் இந்த பழுப்பு வெளியேற்றம் முற்றிலும் சாதாரணமானது. எனவே அதற்காக நீங்கள் கவலைப்பட வேண்டாம். இது குறித்து மகப்பேறியல் மருத்துவர் நமக்கு சில விவரங்களை எடுத்துரைக்கிறார்.

மாதவிடாய் காலம்

பெண்கள் மாதவிடாய் காலங்களை அடிக்கடி சமாளிக்க வேண்டும். இந்த மாதவிடாய் காலங்களில் நம்முடைய ஹார்மோன்கள் பல மாற்றங்களுக்கு உள்ளாகும். ஆனால் மாதவிடாய் காலங்களில் ஏற்படும் பழுப்பு நிற இரத்தத்தால் பெண்கள் பயப்படுகின்றனர். ஏன் இந்த பழுப்பு நிற வெளியேற்றம் ஏற்படுகிறது. இது சாதாரணமானதா வாங்க தெரிஞ்சுக்கலாம்.

பழுப்பு நிற வெளியேற்றம் என்றால் என்ன?

பழுப்பு நிற வெளியேற்றம் கவலைக்கு ஒரு காரணமல்ல. இது பிறப்புறுப்பில் இருந்து வெளிப்படும் பழைய இரத்தமாகும். மாதவிடாய் காலங்களில் பெண்ணுறுப்பில் இருக்கும் பழைய இரத்தமே ஆக்ஸிஜனுடன் தொடர்பு கொள்ளும்போது ஆக்ஸிஜனேற்றப்படுகிறது. நம் இரத்தத்தில் இரும்பு இருப்பதால், அது பழுப்பு நிறமாக மாறும். உங்க மாதவிடாய் கால கட்டத்தில் காணும் சிவப்பு இரத்தம் புதிய இரத்தமாகும். எனவே இதைப்பற்றி நீங்கள் கவலைப்படத் தேவையில்லை. ஒரு வேளை இந்த பழுப்பு இரத்த வெளியேற்றமே அடிக்கடி நிகழ்ந்தால் நீங்கள் உடனே மருத்துவரை அணுகி சிகிச்சை பெறுவது நல்லது. உங்கள் வெளியேற்றம் வலி மற்றும் நமைச்சலுடன் இருந்தால், நீங்கள் விரைவில் உங்கள் மருத்துவரை சந்திக்க வேண்டும் என்று அவர் கூறுகிறார்.

பழுப்பு வெளியேற்றத்திற்கான காரணங்கள்

உங்கள் மாதவிடாய் காலகட்டத்தில் ஒரு நாள் அல்லது இரண்டு நாட்களுக்கு அப்பால் நீங்கள் பழுப்பு நிற வெளியேற்றத்தைப் பெறுகிறீர்கள் என்றால், மன அழுத்தம் மிக முக்கியமான காரணிகளில் ஒன்றாக இருக்கும் என்று அவர் கூறுகிறார்.

மன அழுத்தம் நம் உடலில் ஒரு ஹார்மோன் ஏற்றத்தாழ்வை உருவாக்குகிறது, இது இந்த பழுப்பு வெளியேற்றத்திற்கும் வழிவகுக்கிறது. மன அழுத்தம் தவிர சில மருத்துவ நிலைமைகளும் பழுப்பு நிற வெளியேற்றத்திற்கு காரணமாக அமைகின்றன.

கர்ப்பம்

எண்டோமெட்ரியோமா

ஃபைப்ராய்டுகள் (கருப்பை நார்த்திசுக்கட்டிகள்)

தைராய்டு ஒழுங்கற்ற செயல்பாடு

இடுப்பு அழற்சி நோய்

மெனோபஸ்க்கு முன்

சில நேரங்களில், கடுமையான உடற்பயிற்சி கூட பழுப்பு வெளியேற்றத்திற்கு வழிவகுக்கும்.

அதற்காக பழுப்பு நிற வெளியேற்றம் ஏற்படும் போதெல்லாம் நீங்கள் கர்ப்பமாக இருக்கிறீர்கள் என்று அர்த்தமல்ல. இதைப்பற்றி தெரிந்து கொள்ள நீங்கள் மருத்துவரை அணுகுவது நல்லது.

ஒரு வேளை இது ப்ரீமெனோபாஸ் அறிகுறியாக கூட இருக்கலாம். 45 முதல் 50 வயதிற்குட்பட்ட பெண்களில் பழுப்பு நிற வெளியேற்றம் மாதவிடாய் நின்பதற்கான முந்தைய அகுறியாகும். இதன் அறிகுறியாக வெள்ளைப்படுதல், மனநிலையில் மாற்றங்கள், தூக்கமின்மை, பெண்ணுறுப்பு வறட்சி போன்றவை ஆகும்.

மருத்துவரை நீங்கள் எப்போது அணுக வேண்டும்

மருத்துவர் கருத்துப்படி ஒரு தடவை பழுப்பு நிற இரத்த போக்கு ஏற்பட்டால் அது குறித்து கவலைப்பட வேண்டாம். ஒரு வேளை உங்களுக்கு மறுபடியும் மறுபடியும் பழுப்பு நிற இரத்த போக்கு ஏற்படுகிறது என்றாலோ வலி, காய்ச்சல் மற்றும் துர்நாற்றம் இருந்தால் உடனே மருத்துவரை அணுகி சிகிச்சை பெறுங்கள்.