கண்டுப்பிடிப்புகள்தான் மனித வாழ்க்கையை மேம்படுத்தின. ஆதியிலே மனிதன் சக்கரம் கண்டுப்பிடித்தது முதலே இந்த கண்டுப்பிடிப்புகளும் அதன் வளர்ச்சிகளும் மனித இனத்தின் வளர்ச்சிக்கு அதிகமாக உதவின.
சில அற்புதமான கண்டுப்பிடிப்புகள் இல்லாமல் போயிருந்தால் நமது வாழ்வு எப்படி இருந்திருக்கும்? என கற்பனை செய்து பாருங்கள்.

நாம் இப்போது கணினியில் பல விஷயங்களை எழுதுகிறோம். ஆனால் கண்டுப்பிடிப்புகளே இல்லாமல் போயிருந்தால் இந்நேரம் நாம் குயில் இறகு மற்றும் மையை கொண்டு மெழுகுவர்த்தியின் வெளிச்சத்தில் எழுதி கொண்டு இருப்போம்.
இன்று நாம் வாழ்க்கையில் அனுபவிக்கும் கண்டுப்பிடிப்புகள் இல்லாமல் போனால் இப்போது இருப்பதை விட நமது வாழ்க்கை மோசமானதாக ஆகும் என்பதே உண்மை. அப்படியாக மனித வாழ்க்கையையே மாற்றி அமைத்த தற்சமயம் மனித வாழ்க்கைக்கு இன்றியமையாத கண்டுப்பிடிப்புகள் குறித்துதான் இப்போது பார்க்க போகிறோம்.
இந்துஸ்தான் குடியரசு கழகம் முதல் விடுதலை போராட்டம் வரை, பகத் சிங் குறித்து பலரும் அறியாத உண்மைகள்!

​01.இணையம்

நம் உலகில் தொழில்நுட்பத்தில் தாக்கத்தை ஏற்படுத்திய முக்கியமான ஒரு கண்டுப்பிடிப்பு தான் இணையம் அல்லது இன்டர்நெட். தகவல் தொடர்பு மற்றும் வணிகத்திற்கு பெரிய உதவியாக இணையம் மாறியது. உடல் ரீதியாக ஒருவர் நம்மை விட்டு எவ்வளவு தொலைவில் இருந்தாலும் மன ரீதியாக அவர்கள் இருவரையும் இணைக்கும் பாலமாக இணையம் உள்ளது.

நமக்கு தேவையான எந்த ஒரு தகவலையும் நொடி பொழுதில் தரும் இணையம் ஒரு மாயாஜால அமைப்பு என்றே கூற வேண்டும். தொடர்ந்து நமது நவீன உலகம் முன்னேறி வருவதால் இணையத்தின் தேவை மற்றும் பயன்பாடும் அதிகமாகி வருகிறது.

நாம் பயன்படுத்தும் அழைபேசிகள், கணினிகள் அனைத்திற்கும் முக்கிய பயன்பாடாக இணையம் உள்ளது. மனித தொழில்நுட்ப வளர்ச்சியில் இணையத்திற்கு என்றும் தனிப்பட்ட இடம் ஒதுக்கப்பட்டு உள்ளது.

​02.சக்கரம்


மனித இனத்தின் கண்டுப்பிடிப்பின் அடையாளமாக சக்கரம் பார்க்கப்படுகிறது. மனித வரலாற்றில் குறிப்பிடத்தக்க தாக்கத்தை, ஏற்படுத்திய ஒரு கண்டுப்பிடிப்பு என்றும் இதை கூறலாம். இது வரலாறு முழுவதும் கண்டுப்பிடிக்கப்பட்ட கண்டுபிடிப்புகளிடையே ஒரு திருப்பு முனையை ஏற்படுத்தியது.

கண்டுப்பிடிப்புகளில் சக்கரம் மிகவும் பழமையானது. இதை யார் கண்டுப்பிடித்தார்கள் என்பது மனித இனத்திற்கே தெரியாது. இது கண்டுப்பிடிக்கப்பட்ட தேதி குறித்து கூட யாருக்கும் தெரியவில்லை. ஆயினும் கூட இந்த கிரகத்தில் கண்டுப்பிடிக்கப்பட்ட பழமையான கண்டுப்பிடிப்பாக சக்கரம் பார்க்கப்படுகிறது.

சக்கரம் சரியாக 5 ஆயிரம் ஆண்டுகளுக்கு முன்பு தயாரிக்கப்பட்டதாக அனுமானிக்கப்படுகிறது. போக்குவரத்திற்காகவே முதன் முதலில் சக்கரம் கண்டுப்பிடிக்கப்பட்டதாக கூறப்படுகிறது. இப்போது கூட மிகவும் மேம்பட்ட தொழில்நுட்பங்களில் கூட சக்கரம் பயன்படுத்தப்படுகிறது. வரலாறு முழுவதும் சக்கரத்தை கொண்டே பல கண்டுப்பிடிப்புகள் கண்டுப்பிடிக்கப்பட்டுள்ளன.

சிறிய கை கடிகாரத்தில் துவங்கி விமானம் வரை அனைத்திலும் சக்கரத்தின் பயன்பாடு அதிகமாக உள்ளது.

​03.தொலைபேசி


அலெக்சாண்டர் கிரஹாம்பெல் கண்டுப்பிடித்த மிக முக்கியமான கண்டுப்பிடிப்புதான் தொலைப்பேசி. அதன் கண்டுப்பிடிபாளரே வியக்கும் வண்ணம் தொழைபேசியின் வளர்ச்சி, தொழில்நுட்பம் மற்றும் பயன்பாடு அதிகமாகி உள்ளது.

உங்கள் வீட்டில் இருக்கும் ஒரு தொலைபேசி பல விதங்களில் உங்களுக்கு உபயோகமாக உள்ளது. இது முன்பிருந்த தகவல் தொடர்பை மேலும் அதிகமாக்கியுள்ளது. மேலும் இந்த படைப்பின் வளர்ச்சிக்கு முடிவே கிடையாது.

நவீன உலகில் அதிக மக்களுக்கு மலிவு விலையில் கூட கிடைக்கும் வகையில் அலைபேசி பரிணமித்துள்ளது. இதனால் பாமர மக்கள் கூட அலைபேசியை பயன்படுத்தும் நிலை உருவாகியுள்ளது. இன்றைய வாழ்க்கையில் ஒரு மனிதன் கையில் அலைபேசி இல்லாமல் போவது கடினமான விஷயமாகும்.

​04.திசைக்காட்டி

புதிய தொழில்நுடப்பத்தில் பல வகையான ஆச்சரியத்தை உருவாக்கும் கண்டுப்பிடிப்புகள் உருவாகிவிட்டன. ஆனாலும் அதில் திசைக்காட்டி முக்கியமான பொருளாக பார்க்கப்படுகிறது. திசைக்காட்டியானது 14 ஆம் நூற்றாண்டு முதலே பயன்படுத்தப்பட்டு வரும் கருவியாகும். இது பலருக்கு திசைக்காட்ட அதிகமாக உபயோகமானது. இந்த அற்புதமான கண்டுப்பிடிப்பை கொண்டே ஆராய்ச்சியாளர்கள் தாங்கள் விரும்பிய இடத்திற்கே செல்ல முடிந்தது.

இது மனித வரலாற்றை முற்றிலுமாக மாற்றிய கருவியாகும். திசைக்காட்டி இல்லாமல் போய் இருந்தால் கடல் பயணம் என்பது சாத்தியமேப்பட்டிருக்காது. ஆராய்ச்சி துறையிலும் இது மிகப்பெரிய தாக்கத்தை உருவாக்கியது.

05.அச்சகம்


11 ஆம் நூற்றாண்டு முதலே அச்சகம் குறித்த கருத்துகள் பேசப்பட்டு வந்தன. இருப்பினும் ஜெர்மன் கண்டுப்பிடிப்பாளர் ஜோஹன் குடன்பெர்க் என்பவரே இந்த யோசனையை நிஜமாக்கினார். உலகெங்கும் சல சலப்பை ஏற்படுத்திய அசையும் அச்சகத்தை 1430 ஆம் ஆண்டு இவர்தான் கண்டுப்பிடித்தார்.

இந்த அச்சகம் உலகெங்கும் பெரும் தாக்கத்தை ஏற்படுத்தியது. பிறகு இந்த கருவி உலகம் முழுவதும் பரவ தொடங்கியது. இந்த அச்சகம் வந்த பிறகே நடுத்தர வர்க்கத்தை சேர்ந்த மக்கள் கணிசமான விலையில் புத்தகத்தை வாங்க முடிந்தது.

இப்போது நாம் அச்சு செய்யப்படும் புத்தகங்கள், செய்திதாள்கள், பத்திரிக்கைகள் அனைத்திற்கும் முன்னோடியாக இருந்தது இந்த அச்சகமே ஆகும்.

பண்டைய காலம் முதல் இன்று வரை வரலாற்றின் டாப் 10 மோசமான ஆட்சியாளர்கள்&தலைவர்கள்!

​06.ஆட்டோ மொபைல்

பழங்காலங்களில் எல்லாம் மக்கள் ஒரு இடத்தில் இருந்து இன்னொரு இடத்திற்கு நடந்து சென்று கொண்டிருந்தனர். ஆனால் தற்போதைய காலக்கட்டத்தில் நடப்பது என்பதே உடற்பயிற்சியாகி விட்டது. ஏனென்றால் கிட்டத்தட்ட அனைத்து மக்களும் தங்கள் வசதிக்கு ஏற்றாற் போல மோட்டார் வாகனங்களை வைத்துள்ளனர்.

இதனால் தேவைக்காக மட்டுமே தொலை தூரத்திற்கு சென்று கொண்டிருந்த மனிதர்கள் தற்சமயம் மோட்டார் வாகனங்கள் உதவியால் அடிக்கடி தாங்கள் விரும்பிய இடங்களுக்கு சென்று வருகின்றனர். 1885 ஆம் ஆண்டுதான் முதல் ஆட்டோ மொபைல் வாகனம் உருவானது. மோட்டார் வாகனத்தை கண்டுப்பிடித்ததற்காக கார்ல் பென்ஸ் க்கு நமது நன்றியை தெரிவித்துக்கொள்வோம்.

ஆனால் 1885 ஆம் ஆண்டு மோட்டார் வாகனம் வெளியான போது அனைவராலும் அதை வாங்க முடியவில்லை. அதன் விலை அதிகமாக இருந்தது. இதனால் ஹென்றி ஃபோர்டு என்பவர் உற்பத்தி செயல்முறையை மேம்படுத்துவதன் மூலம் இந்த சிக்கலை சரி செய்தார். இதனால் வாகனங்களில் விலை மலிவானது.

​07.கணினி

மனித வரலாற்றில் மனிதனோடு சேர்ந்தே வளர்ச்சியை கண்ட ஒரு கண்டுப்பிடிப்புதான் கணினி. ஆரம்ப காலத்தில் கணக்கு பார்க்க மட்டுமே உருவாக்கப்பட்ட கணினியின் தற்போதைய வளர்ச்சி என்பது மிகவும் அதிகமாக உள்ளது. மக்களின் படிப்புகள், வேலை மற்றும் பொழுதுபோக்குகள் என பல தேவைகளுக்காக தற்சமயம் கணினி பயன்படுத்தப்பட்டு வருகிறது.

கணினி ஒரு சிக்கலான இயந்திரமாக உள்ளது. இதனால் கணினியின் வன்பொருள் உருவாக்குதல், மென்பொருள் உருவாக்குதல் போன்ற தொழில்களுக்கு அதிக வருமானம் கிடைக்கிறது. இந்த வேலைகளுக்கு நல்ல சம்பளம் கிடைப்பதால் அதிக மாணவர்கள் கணினி துறை சார்ந்த படிப்பை படிக்கின்றனர்.

இதனால் கணினி மேலும் மேலும் வளர்ச்சியை கண்டு வருகிறது.

​08.மின்சாரம்

இன்று மனித கண்டுப்பிடிப்புகளில் சில விஷயங்கள் இல்லாமல் மனிதனால் அன்றாட வாழ்க்கையை வாழவே முடியாது என்கிற நிலை உருவாகியுள்ளது. அப்படியான ஒரு கண்டுப்பிடிப்புதான் மின்சாரம்.

நாம் அன்றாட வாழ்க்கையில் அதிகம் மின்சாரத்தையே பயன்படுத்துகிறோம். நமது அத்தியாவசிய பொருட்களில் துவங்கி, பெரிய பெரிய தொழிற்சாலைகள், மருத்துவ உபகரணங்கள் கூட மின்சாரத்தால் தான் இயங்குகின்றன.

மின்சாரம் இல்லை என்றால் மின்சார விளக்கின் ஒளியை பெறவே நாம் பாடுப்பட வேண்டி வரும். மின்சாரம் மனித வாழ்க்கையை எளிதாக்கியது. இந்த கண்டுப்பிடிப்பு இல்லாமல் ஒரு வாழ்க்கை என்பதை தற்போதைய தலைமுறையினரால் கற்பனை கூட செய்து பார்க்க முடியாது.

​09.நீராவி இயந்திரம்

நீராவி இயந்திரம் மட்டும் இல்லாமல் போனால் நீங்கள் இப்போது பார்க்கும் நவீன பயண முறைகள் எதுவுமே சாத்தியமாகி இருக்காது. முக்கியமாக நாம் உடுத்தும் பல நாகரீக உடைகள், உணவு மற்றும் பானங்கள் அனைத்தும் இல்லாமல் போயிருக்கும். ஏனெனில் இவை அனைத்தும் நீராவி இயந்திரம் வருவதற்கு முன்பு கைகளால் செய்யப்பட்டன.

நீராவி இயந்திரமானது தொழில்துறையில் ஒரு புரட்சியை உருவாக்கிய மிகப்பெரிய கண்டுப்பிடிப்பாகும். நீராவி இயந்திரங்களின் உருவாக்கத்திற்கு பிறகே பெரிய பெரிய தொழிற்சாலைகள் திறக்கப்பட்டன.

நீராவி இயந்திரத்தின் தொடர்ச்சியான கண்டுப்பிடிப்பானது உலக பொருளாத்தாரத்திலேயே பெரும் தாக்கத்தை ஏற்படுத்தியது.

​10.நுண்ணுயிர் எதிர்ப்பிகள் (Antibiotic)

மருத்துவ உலகிற்கும் மனித சமுதாயத்திற்கும் மிகப்பெரிய தாக்கத்தை ஏற்படுத்திய கண்டுப்பிடிப்புதான் நுண்ணுயிர் எதிர்ப்பிகள். கிட்டத்தட்ட பல்வேறு வகையான நோய் தொற்றுகளை எதிர்த்து போராட ஆண்டி பயாடிக்ஸ் உருவாக்கப்பட்டுள்ளன.

இவை மனித இனத்தின் ஆயுட் காலத்தை அதிகமாக்கியுள்ளன. பல்வேறு உயிரினங்கள் நோய் தொற்றால் அழிந்துள்ளன. ஆனால் காலரா, டெங்கு போன்ற ஒவ்வொரு வகையான நோய் தொற்று மனிதனிடம் பரவ ஆரம்பித்து கொத்து கொத்தாக பலர் அதில் இறந்துக்கொண்டிருந்த போது கூட ஒவ்வொரு முறையும் ஆண்டி பயோடிக்ஸ் மனித இனத்தை பாதுக்காத்தது.

ஒவ்வொரு கிருமிகளுக்கும் ஏற்றாற் போல் அதை எதிர்த்து போராடும் வண்ணம் ஆண்டி பயாடிக்ஸ் தயாரிக்கப்படுகிறது. 1920 ஆம் ஆண்டு அலெக்சாண்டர் ஃப்ளெமிங் என்பவர் பென்சிலின் என்ற அற்புதமான நுண்ணுயிர் எதிர்ப்பியை கண்டுப்பிடித்தார். அது உலகம் முழுவதும் பரவியது. ஆரோக்கியத்திற்கு தீங்கு இழைக்கும் பாக்டீரியாக்களின் வளர்ச்சியை தடுக்கும் அவரது மகத்தான கண்டுப்பிடிப்பு இன்று வரை மில்லியன் கணக்கான உயிர்களை காப்பாற்றியுள்ளது.