பொதுவாக கருத்தடை என்று வரும் போது கருத்தடை மாத்திரைகள் பற்றி மட்டுமே நமக்கு தெரியும். ஆனால் கருத்தடை மாத்திரையை தவிர தேவையற்ற கர்ப்பத்தை தடுக்க ஏராளமான முறைகள் உள்ளன. இவற்றில் எத சிறந்தது என்று கூறுகிறார் மகப்பேறியியல் மருத்துவர்.

பொதுவாக நிறைய பெண்களுக்குத் பிறப்புக் கட்டுப்பாடு குறித்த விழிப்புணர்வு இல்லாமல் இருக்கிறது. அவர்களுக்கு திட்டமிடப்படாத கர்ப்பத்தை தவிர்க்க பொருத்தமான பிறப்பு கட்டுப்பாடு முறைகளை எப்படி தேர்ந்தெடுப்பது என்பது தெரிவதில்லை. எனவே பெண்களுக்கு உதவும் வகையில் சிறந்த பிறப்புக் கட்டுப்பாடு முறைகளை வரிசைப்படுத்துகிறார் மகப்பேறியியல் மருத்துவர். பெண்களுக்கு வசதியான மற்றும் பாதுகாப்பான பிறப்புக் கட்டுப்பாடு முறைகளைப் பற்றி இது விளக்குகிறது.

​பாலியல் ஆர்வம்

பாலியல் ரீதியாக சுறுசுறுப்பான ஒரு பெண்ணுக்கு, கருத்தடை செய்வதற்கான பொருத்தமான முறையைத் தேர்ந்தெடுப்பது என்பது கடினமான ஒன்றாக உள்ளது. உங்களின் தேவையற்ற கர்ப்பத்தை தவிர்க்க பிறப்புக் கட்டுப்பாடு முறைகள் உங்களுக்கு கை கொடுக்கும.

​தடுப்பு முறைகள்

இத ஒரு விதமான பிறப்புக் கட்டுப்பாடு முறைகள். இவை உடலியல் தடைகளை கொண்ட முறையாகும். இது உடலுறவுக்கு முன்னும் பின்னும் ஒரு பெண்ணின் கருப்பையில் விந்து நுழைவதைத் தடுக்கிறது. இந்த கருத்தடை முறைகள் எந்த வடிவில் கிடைக்கப் பெறுகின்றன என்பதை அறிந்து கொள்வோம்.

​ஆண் மற்றும் பெண் ஆணுறைகள்

உடலுறவுக்கு முன் ஒரு ஆண் ஆணுறை அணிவது விந்தணுக்கள் பெண்ணின் கர்ப்ப பைக்குள் செல்வதை தடுக்கிறது. இதே மாதிரி பெண் ஆணுறையும் இருக்கின்றன. எனவே ஆணுறை 98% கர்ப்ப தடைக்கு பயனுள்ளதாக இருக்கும்.

மெல்லிய கோப்பை வடிவ சாதனம்

பெண்கள் கர்ப்பம் ஆகுவதை தடுக்க தற்போது மெல்லிய சிலிகானால் ஆன நெகிழ்வான கோப்பை சாதனம் பயன்படுகிறது. , இது விந்தணுக்களை பிடித்து வைப்பது போன்று வடிவமைக்கப்பட்டு இருக்கும். எனவே உடலுறவுக்கு முன்பு கருப்பை வாய் மீது இந்த சாதனத்தை வைத்து உடலுறவுக்கு பிறகு 6 மணி நேரம் வரை இதை வைக்கலாம். இது தேவையற்ற கர்ப்பத்தை 94 % வரை தடுக்கிறது.

​கர்ப்பப்பை தொப்பி

கர்ப்பப் பை தொப்பி கருப்பை வாய் மீது பொருத்தப்படுகிறது. கருப்பையின் வெளிப்புற சுழற்சி வழியாக விந்தணுக்கள் கருப்பையில் நுழைவதைத் தடுக்கிறது. இது கிட்டத்தட்ட 71% பயனுள்ளதாக இருக்கும் என்று அவர் கூறுகிறார்.

கருத்தடை ஸ்பான்ஞ்

இது விந்தணுக்களை தாங்கும் அளவிற்கு வடிவமைக்கப்பட்ட வட்ட வடிவ ஸ்பான்ஞ் ஆகும். இது உடலுறவுக்கு முன்பு பெண்ணுறுப்புக்குள் சொருகப்படுகிறது. இது தேவையற்ற கர்ப்பத்தை தடுக்க 88% பயனுள்ளதாக இருக்கும்.

​குறுகிய ஹார்மோன் முறை

இது ஒரு ஹார்மோன் வழி கருத்தடை முறை.

வாய்வழி கருத்தடை மாத்திரைகள் (OCP)

வாய்வழி கருத்தடை மாத்திரைகளில் நான்கு வகைகள் உள்ளன.

புரோஜெஸ்டிரோன் மட்டும உள்ள மாத்திரைகள்

இந்த மாத்திரைகள் பெண்ணின் கர்ப்பப்பை வாய்ப்பகுதியில் உள்ள சளியை தடினமாக்குகிறது. இதனால் விந்தணுக்கள் உள்ளே போக முடியாத நில உருவாகிறது. சுமார் 21 நாட்களுக்கு மாத்திரைகள் வழங்கப்படுகிறது.

​ஒருங்கிணைந்த OCP மாத்திரைகள்

இது பொதுவாக பரிந்துரைக்கப்படும் OCP வகை மாத்திரைகள். அண்டவிடுப்பைத் தடுக்க மற்றும் சளியை தடிமனாக்க புரோஜெஸ்ட்டிரோனைப் பயன்படுத்துகிறது.

தொடர்ச்சியான அல்லது நீட்டிக்கப்பட்ட பயன்பாடு மாத்திரைகள்

இதை தொடர்ச்சியாக எடுக்க வேண்டும். 7 நாள் மாத்திரை இல்லாத இடைவெளியைத் தொடர்ந்து அதற்கு பிறகு தொடர்ச்சியான அல்லது நீட்டிக்கப்பட்ட பயன்பாட்டு மாத்திரைகளை ஒவ்வொரு நாளும் தொடர்ந்து எடுக்கப்பட வேண்டும்.

​மாத்திரைகளின் செயல்திறன்

வழக்கமாக, ஒருங்கிணைந்த OCP மாத்திரைகள் பெண்களுக்கு மருத்துவர்களால் பரிந்துரைக்கப்படுகின்றன. சில நேரங்களில் இந்த ஹார்மோன் மாத்திரைகள் குமட்டல், தலைவலி, வயிற்றுப் பிடிப்பு, மார்பக மென்மை மற்றும் பெண்ணுறுப்பு திரவ வெளியேற்றத்தின் அதிகரிப்பு அல்லது குறைவான பாலியல் உணர்வு போன்ற பக்க விளைவுகளை ஏற்படுத்தக்கூடும் . பக்க விளைவுகள் தென்பட்டால் மருத்துவரை ஆலோசனை செய்து கொள்ளுங்கள்.

24 மணி நேரத்திற்கும் மேலாக OCP கள் எடுக்கப்பட்டால், அது அவற்றின் செயல்திறனை பாதிக்கும் என்றும் மருத்துவர் எச்சரிக்கிறார். எனவே, பெண்கள் 1 முதல் 2 மாத்திரைகளைத் தவறவிட்டாலோ, கர்ப்பம் தரிக்காமல் தவிர்ப்பதற்காக ஒரு தடுப்பு முறையைப் பயன்படுத்தவும் அறிவுறுத்தப்படுகிறது.

​எச்சரிக்கை

மேலும் கட்டுப்பாடற்ற உயர் இரத்த அழுத்தம், நீரிழிவு நோய், சிரை த்ரோம்போம்போலிசம் (வி.டி.இ) இஸ்கிமிக் இதய நோய், ஒற்றைத் தலைவலி, மார்பக அல்லது எண்டோமெட்ரியல் புற்றுநோய் மற்றும் வால்வுலர் இதய நோய் போன்றவற்றை கொண்ட பெண்கள் OCP களைப் பயன்படுத்தக்கூடாது.

​பெண்ணுறுப்பு வளையம்

இத நெகிழ்வான இரப்பரால் ஆன வளையம் போன்று இருக்கும். இதை பெண்ணுறுப்புக்குள் சொருக வேண்டும். இதில் ஈஸ்ட்ரோஜன் மற்றும் புரோஜெஸ்ட்டிரோன் என்ற ஹார்மோன்கள் உள்ளன, அவை மூன்று கால வாரத்திற்கு வெளியிடப்படுகின்றன. 3 வாரத்திற்கு இதை வெளியில் எடுத்த விட வேண்டும். பிறகு கர்ப்பம் தரிப்பது தடுக்கப்பட்டு மாதவிடாய் வர ஆரம்பித்து விடும். பிறகு மாதவிடாய் இரத்த போக்கு நின்ற பிறகு மீண்டும் இதை புதியதாக நீங்கள் அணிந்து கொள்ளலாம்.

இந்த பெண்ணுறுப்பு வளையமும் கருத்தடை மாத்திரைகளைப் போன்றே செயல்படுகின்றன. இவை உடலில் எந்த பாதிப்பையும் ஏற்படுத்தாது. தினசரி கருத்தடை மாத்திரைகளை எடுக்க வேண்டும் என்ற கட்டாயத்தை இத தவிர்க்கிறது. ஆனால் சில நோயாளிகள் பெண்ணுறுப்பு தொற்று, எரிச்சல், இரத்த திட்டுகள் போன்றவற்றை சந்திப்பதாக கூறியுள்ளனர். இது 99% பாதுகாப்பை அளிக்கிறது.

​ஹார்மோன் பேட்ஜ்

இந்த பேட்ஜ்களில் புரோஜெஸ்டிரோன் மற்றும் ஈஸ்டிரோஜன் என்ற ஹார்மோன்கள் உள்ளன. இதை வாரத்திற்கு சருமத்தில் மாட்டிக் கொண்டால் போதும். கருத்தடை மாத்திரை மாதிரி செயல்படுகிறது. இவற்றை வாரத்திற்கு ஒரு முறை மாற்றினால் போதுமானது.

இந்த பேட்ஜ்யை உங்க சருமத்தில் ஒட்டிய உடனேயே இத வேலை செய்ய தொடங்கி விடும். இருப்பினும் முதல் 7 நாட்களுக்கு கூடுதல் கருத்தடை பாதுகாப்பு அறிவுறுத்தப்படுகிறது. 99% பலனை பெறலாம். இருப்பினும் இது உங்களை எய்ட்ஸ் மற்றும் பால்வினை நோய்களில் இருந்து பாதுகாக்க தவறுகிறது.

ஆணுக்கு விறைப்புத்தன்மை குறைபாடு எதனால் ஏற்படுகிறது? என்னென்ன முன் அறிகுறிகள் தோன்றும்...

​ஹார்மோன் செயல்பாடு

இந்த கருத்தடை முறையில் கருத்தடை சாதனங்கள் பொருத்திய பிறகு 3 முதல் 10 ஆண்டுகள் வரை பாதுகாப்பை பெற முடியும். இந்த சாதனத்தை நீக்க நீங்கள் முடிவு எடுக்கும் வரை இதன் செயல்திறன் நீடிக்கும்.

​கருப்பையினுள் சாதனங்கள்

கருப்பையின் உள்ளே வைக்கப்படும் செம்பு அல்லது ஹார்மோன் செறிவூட்டப்பட்ட சாதனங்கள், முட்டையுடன் விந்தணுக்களின் தொடர்பைத் தடுக்க உதவுகிறது. பொதுவாக, கர்ப்பப்பை வாய் சளியை தடிமனாக்குவதன் மூலம், இது ஒரு கர்ப்பத்தைத் தடுக்கிறது.

செயல்திறன்

இந்த செம்மால் ஆன IUD சாதனங்கள் 99.9% பயனுள்ளதாக இருந்தாலும், அவை கருப்பையின் புறணிக்கு அழற்சி எதிர்வினை ஏற்படுத்தும். சில பெண்கள் முதல் சில மாதங்களில் அதிகப்படியான இரத்தப்போக்கு, வலி, அசெளகரியம் போன்றவை தொடர்ந்து காணப்படுவதாக புகார் கூறுகின்றனர். பாலியல் மூலம் பரவும் நோய்த் தொற்று அபாயம் உடைய பெண்களுக்கு இது ஏற்றதாக இருப்பதில்லை.

​பிறப்புக் கட்டுப்பாடு ஊசிகள்

இது புரோஜெஸ்ட்டிரோன் ஊசி ஆகும். இவை ஒவ்வொரு 12 வாரங்களுக்கும் தசையில் செலுத்தப்படுகின்றன. உங்கள் மாதவிடாய் காலத்தின் முதல் 5 நாட்களுக்குள் இதை போட்டால் உடனடியாக பிறப்புக் கட்டுப்பாட்டாக செயல்படத் தொடங்குகின்றன. இந்த நடவடிக்கை அண்டவிடுப்பின் செயல்முறையைத் தடுப்பது , கருப்பையின் புறணி தடுப்பு மூலம் கர்ப்பத்தை தடுக்கிறது.

செயல்திறன்

கல்லீரல் நோய்கள், பிறப்புறுப்பு இரத்தப்போக்கு, மார்பக புற்றுநோய் அல்லது இரத்த உறைதல் கோளாறுகள் உள்ள பெண்களுக்கு இது பயன்படுத்தப்படக்கூடாது. இது ஒழுங்கற்ற மாதவிடாய் , எடை அதிகரிப்பு, தலைவலி, பலவீனமான எலும்புகள், முகப்பரு மற்றும் மனச்சோர்வு போன்ற பக்க விளைவுகளை ஏற்படுத்தும். இவை 94% பயனுள்ளதாக இருக்கும்.

​கருத்தடை உள்வைப்பு சாதனங்கள்

கருத்தடை உள்வைப்பு முறை பொதுவாக உங்கள் மேல் கையின் தோலின் கீழ் ஒரு நெகிழ்வான பிளாஸ்டிக் கம்பியை பொருத்துவதை உள்ளடக்குகிறது.இது உங்கள் இரத்த ஓட்டத்தில் புரோஜெஸ்ட்டிரோன் ஹார்மோனை வெளியிடுகிறது மற்றும் சுமார் 3 ஆண்டுகள் தேவையற்ற கர்ப்பத்தை இதன் மூலம் தவிர்க்க முடியும்.

இது 99% வரை பலன்களை அளிக் கூடியது. பக்க விளைவுகள் ஏற்பட்டால் உடனடியாக நீக்க வேண்டும்.

கருவுறுதல் விழிப்புணர்வு முறை

உங்க கருவுறுதல் சுழற்சியை தெரிந்து கொண்டு அதற்கு தகுந்தவாறு பாதுகாப்பு நடவடிக்கைகளில் ஈடுபடுவது சிறந்தது.

அடிக்கடி வாயுத்தொல்லையும் அஜீரணக்கோளாறும் வருதா? அப்போ இத தெரிஞ்சிக்கங்க...

​காரணிகள்

நீரிழிவு அல்லது உயர் இரத்த அழுத்தம் போன்ற தொடர்புடைய நோய்கள் அல்லது மார்பக அல்லது கருப்பை புற்றுநோய்களின் வலுவான குடும்ப வரலாறு கொண்ட தம்பதியினர் வயதானவர்களாக இருந்தால், கருத்தடைக்கான ஹார்மோன் முறைகள் பயன்படுத்த சரியானதாக இருக்காது.

கருவுற்றிருக்கும் இடைவெளியில் கருத்தடை தேவைப்பட்டால், ஐ.யு.டி போன்ற நீண்ட காலமாக செயல்படும் முறை சிறப்பாக செயல்படுகிறது.

திருமண நிலை, பாலியலில் துணையின் எண்ணிக்கை, பாலியல் நோய் ஆபத்து மற்றும் உடலுறவு போன்ற முக்கியமான உறவு காரணிகளைக் கருத்தில் கொண்டு சரியான கருத்தடை முறையை தீர்மானிப்பது முக்கியம்.