அமேசான் பே மூலமாக வாடிக்கையாளர்கள்
5 ரூபாய்க்கு தங்கம் வாங்கிச் சேமிக்கும் வசதி நல்ல வரவேற்பைப் பெற்றுள்ளது.
அமேசான்
பே!
ஆன்லைன்
மின்னணு வர்த்தக நிறுவனமான அமேசான், ஆன்லைன் பணப்பரிவர்த்தனைகளுக்கான அமேசான் பே என்ற
செயலியை செயல்படுத்தி வருகிறது. இதில் பணப்பரிவர்த்தனைகள் மட்டுமல்லாமல் பல்வேறு சிறப்புச்
சலுகைகளும் வழங்கப்பட்டு வருகின்றன. குறிப்பாக மலிவு விலையில் தங்கத்தை வாங்கி விற்கும்
சலுகை நல்ல வரவேற்பைப் பெற்றுள்ளது. தங்கத்தின் விலை உயர்ந்துகொண்டே செல்வதால் இந்த
முதலீடு சிறப்பான முதலீடாகக் கருதப்படுகிறது.
5 ரூபாய்க்குத் தங்கம்!
99.5
சதவீதம் தூய்மை கொண்ட 24 கேரட் தங்கம் 5 ரூபாயில் தொடங்கி இந்த அமேசான் பே செயலியில்
விற்பனை செய்யப்படுகிறது. கோல்டு வால்ட் (Gold Vault) என்ற பிரிவின் கீழ் தங்கத்தை
வாங்கும் வாடிக்கையாளர்கள் எப்போது வேண்டுமானாலும் தங்கத்தை வாங்கவோ விற்கவோ முடியும்.
சேஃப் கோல்டு என்ற நிறுவனத்துடன் இணைந்து இச்சேவையை அமேசான் நிறுவனம் வழங்கி வருகிறது.
சிறிய தொகையைக் கொண்டு தங்கத்தில் முதலீடு செய்யும் இத்திட்டம் இந்தியர்களிடையே நல்ல
வரவேற்பைப் பெற்றுள்ளது.
மற்ற செயலிகளில் இல்லையா?
பேடிஎம்,
கூகுள் பே, போன் பே, மொபிகுவிக், ஃப்ரீசார்ஜ் உள்ளிட்ட மொபைல் செயலிகளும் இதுபோன்ற
தங்க முதலீட்டுத் திட்டத்தை இந்தியாவில் செயல்படுத்தி வருகின்றன. ஒரு ரூபாயில் தொடங்கி
முதலீடு செய்யும் அளவுக்கு இதில் வசதிகள் உள்ளன. சென்ற ஆண்டின் ஏப்ரல் மாதத்தில்தான்
கூகுள் பே செயலியில் தங்க முதலீட்டுத் திட்டம் அறிமுகம் செய்யப்பட்டது. பேடிஎம், போன்
பே போன்ற செயலிகளில் 2017ஆம் ஆண்டிலேயே இத்திட்டம் வந்துவிட்டது.
கருத்துகள் இல்லை:
கருத்துரையிடுக