2021 ஆம் ஆண்டுக்கான அரசு விடுமுறை பட்டியலை தமிழக அரசு இன்று வெளியிட்டுள்ளது. மொத்தம் 23 நாட்கள் அரசு விடுமுறை தமிழக அரசால் வழங்கப்பட்டுள்ளது.

இதுதொடர்பாக பொதுத்துறை சார்பில் நேற்று வெளியிடப்பட்ட அரசாணையில் கூறியிருப்பதாவது:-

தமிழக அரசின் கட்டுப்பாட்டின் கீழ் உள்ள அனைத்து அலுவலகங்களும் 2021 ஆம் ஆண்டு அனைத்து சனி, ஞாயிற்றுக்கிழமைகளில் மூடப்பட வேண்டும். இதுதவிர, மத்திய அரசின் உள்துறை அமைச்சகத்தின் அறிவிக்கைப்படி, பொது விடுமுறை நாளாக குறிப்பிட்ட ஞாயிற்றுக்கிழமைகளுடன், பின்வரும் 23 நாட்களும் 2021 ஆம் ஆண்டுக்கான பொது விடுமுறை நாட்களாக கொள்ளப்படும். இதில், வங்கிகளுக்கான ஆண்டுக்கணக்கு முடிவு நாளான ஏப்ரல் 1 ஆம் தேதி, தமிழகத்தில் உள்ள வணிக வங்கிகள், கூட்டுறவு வங்கிகளுக்கு மட்டுமே பொருந்தும். இவ்வாறு அரசாணையில் கூறப்பட்டுள்ளது.

அரசு விடுமுறை அறிவிக்கப்பட்டுள்ள 23 நாட்களில்.,

ஜனவரி 16 (உழவர் திருநாள்), ஏப்ரல் 25 (மகாவீர் ஜெயந்தி), மே 1 (மே தினம்), ஆகஸ்ட் 15 (சுதந்திர தினம்), அக்டோபர் 2 (காந்தி ஜெயந்தி), டிசம்பர் 25 (கிறிஸ்துமஸ்) ஆகிய 6 அரசு விடுமுறைகள் வழக்கமான விடுமுறை. 

தினங்களான சனிக்கிழமை, ஞாயிற்றுக்கிழமைகளில் வருகிறது. புனித வெள்ளி, ரம்ஜான், மொகரம், விநாயகர் சதுர்த்தி, விஜயதசமி ஆகியவை வெள்ளிக்கிழமைகளில் வருவதால், சனிக்கிழமை, ஞாயிற்றுக்கிழமை சேர்த்து 3 நாட்கள் விடுமுறை கிடைக்கும்.

குறிப்பு: படங்கள் அனைத்தும்  மாதிரிக்காக / உதாரணத்திற்காக கூகிளில் இருந்து எடுத்து வழங்கப்படுபவையே