விவோ தனது நிறுவனத்தின் ஸ்மார்ட்போன்களுக்கு தற்போதுள்ள ஃபன்டச் ஓஎஸ்-க்கு மாற்றாக ஆரிஜின் ஓஸ் எனப்படும் புதிய ஆபரேட்டிங் சிஸ்டம் தயாரிக்கும் பணியில் ஈடுபட்டுள்ளதாக தகவல்கள் வெளியாகியுள்ளது.
விவோ புதிய ஆபரேட்டிங் சிஸ்டம்
விவோவின் புதிய ஆபரேட்டிங் சிஸ்டம் ஆரிஜின் ஓஎஸ் என்று அழைக்கப்படுகிறது. இந்த ஓஎஸ் தற்போதிருக்கும் ஃபன்டச் ஓஎஸ்-ல் இருந்து முற்றிலும் மாறுபட்டதாக இருக்கும் என கூறப்படுகிறது. ஆரிஜின் ஓஎஸ் குறித்த அடுத்த அப்டேட் விரைவில் வெளியாகும் என்றாலும் தற்போதுவரை கிடைத்துள்ள தகவல்களை ஆராய்ந்து பார்க்கலாம்.
டிப்ஸ்டர் வெளியிட்ட தகவல்
டிஜிட்டல் சேட் ஸ்டேஷன் என்று அழைக்கப்படும் டிப்ஸ்டரின் தகவலை சற்று ஆராய்ந்து பார்க்கையில், விவோவின் புதிய ஆரிஜன் ஓஎஸ் இந்த ஆண்டு இறுதிக்குள் கிடைக்க வாய்ப்புள்ளது. இது சாத்தியமாகும் பட்சத்தில் இந்தாண்டு இறுதியில் வெளியாகும் விவோ எக்ஸ் 60 தொடருடன் இந்த ஓஎஸ் அறிமுகமாக அதிக வாய்ப்பிருக்கிறது.
ஃபன்டச் ஓஎஸ் 11
கடந்த ஒரு ஆண்டுக்கும் மேலாக விவோ ஸ்மார்ட்போன்களுக்கான ஆண்ட்ராய்டு அடிப்படையிலான இயக்க முறைமையை மேம்படுத்தும் பணியில் நிறுவனம் ஈடுபட்டு வந்தது. அதன்படி விவோ சமீபத்தில் விவோ வி20 ஸ்மார்ட்போனை இந்தியாவில் ஃபன்டச் ஓஎஸ் 11 உடன் அறிமுகப்படுத்தியது. இதுவே விவோ நிறுவனம் ஆண்ட்ராய்டு 11 உடன் அறிமுகப்படுத்தப்பட்ட முதல் ஸ்மார்ட்போனாகும்.
புதிய ஆபரேட்டிங் சிஸ்டம் இயக்கமுறை
இந்த ஆண்டின் இறுதிக்குள் ஒரு புதிய ஆபரேட்டிங் சிஸ்டத்தை அறிமுகம் செய்யும் பணியில் விவோ நிறுவனம் ஈடுபட்டுள்ளதாக தகவல்கள் வெளியாகியுள்ளது. இந்த புதிய ஆபரேட்டிங் சிஸ்டம் பயன்படுத்த மென்மையாக இருக்கும் என்றும் பயன்பாடு விவேகமாக இருக்கும் என்றும் கூறப்படுகிறது. தற்போதுவரை அதிகாரப்பூரவ அறிவிப்பு இல்லை என்றாலும் வெளியாகும் தகவல் ஆரிஜின் ஓஎஸ் பயன்பாட்டை உறுதிப்படுத்தும் விதமாகவே உள்ளது.
குறிப்பு: படங்கள் அனைத்தும் மாதிரிக்காக / உதாரணத்திற்காக கூகிளில் இருந்து எடுத்து வழங்கப்படுபவையே
கருத்துகள் இல்லை:
கருத்துரையிடுக