மோட்டோரோலாவின் லேட்டஸ்ட் போல்டபிள் ஸ்மார்ட்போன் ஆன ரேஸ்ர் 5ஜி இந்தியாவில் அறிமுகமானது.. முன்பதிவுகளும் தொடங்கியது... என்ன விலை.. என்னென்ன அம்சங்கள்... இதோ முழு விவரங்கள்...

லெனோவாவுக்கு சொந்தமான மோட்டோரோலா நிறுவனத்தின் லேட்டஸ்ட் ஸ்மார்ட்போனாக மோட்டோரோலா ரேஸ்ர் 5ஜி இந்தியாவில் அறிமுகமாகி உள்ளது. இது ஏற்கனவே உள்ள மோட்டோரோலா ரேஸரின் வாரிசாக ஆனால் 5ஜி ஆதரவுடன் வருகிறது.

இது குவால்காம் ஸ்னாப்டிராகன் 765 ஜி எஸ்ஓசி மூலம் இயக்கப்படுகிறது. மோட்டோரோலா ரேஸ்ர் 5ஜி ஆனது 6.2 இன்ச் அளவிலான நெகிழ்வான (மடங்கக்கூடிய) ஓஎல்இடி டிஸ்ப்ளேவையும் தக்க வைத்துக் கொண்டுள்ளது, இது ஏற்கனவே மோட்டோரோலா ரேஸ்ரில் (2019) காணப்பட்ட அதே டிஸ்பிளே ஆகும். இதை பாதியில் முழுமையாக மடிக்க முடியும்.

மேலும் இந்த மடிக்கக்கூடிய ஸ்மார்ட்போனில் க்விக் நோட்டிபிகேஷன்ஸ்களுக்காக முன்புறத்தில் ஒரு தனி “Quick View ” டிஸ்பிளேவும் உள்ளது. மேலும், மோட்டோரோலா ரேஸ்ர் 5ஜி ஆனது ஒரு 3D-ஆல் உருவான கிளாஸ் மற்றும் 7000 தொடர் அலுமினியத்தால் செய்யப்பட்ட உலோகம் மற்றும் கண்ணாடியால் உருவான பாடியை கொண்டுள்ளது.

இந்தியாவில் மோட்டோரோலா ரேஸ்ர் 5ஜி ஸ்மார்ட்போனின் விலை மற்றும் அறிமுக சலுகைகள்:

மோட்டோரோலா ரேஸ்ர் 5ஜி ஸ்மார்ட்போனின் சிங்கிள் 8 ஜிபி ரேம் + 256 ஜிபி மாடலானது இந்தியாவில் ரூ.1,24,999 க்கு வாங்க கிடைக்கும். இது போலிஷ் கிராஃபைட் வண்ண விருப்பத்தில் வருகிறது, மற்றும் இன்று முதல் முன்பதிவுகளுக்கு திறந்து விடப்பட்டுள்ளது.

அதே நேரத்தில் வருகிற அக்டோபர் 12 ஆம் தேதி அனைத்து முன்னணி சில்லறை கடைகள் மற்றும் பிளிப்கார்ட் வழியாக இதன் விற்பனையை நடத்தவும் திட்டமிடப்பட்டுள்ளது.

அறிமுக சலுகைகளை பொறுத்தவரை, எச்.டி.எஃப்.சி வங்கி கிரெடிட் மற்றும் டெபிட் கார்டு வழியிலான இ.எம்.ஐ பரிவர்த்தனைகளுக்கு ரூ.10,000 உடனடி தள்ளுபடி, ஜியோ வாடிக்கையாளர்களுக்கு ரூ.4,999 ஆண்டு திட்டம் மீது டபுள் டேட்டா, மேலும் ஜியோவிலிருந்து கூடுதல் செலவில்லாமல் ஓராண்டு வரம்பற்ற சேவைகள் போன்றவைகள் கிடைக்கும்.

மோட்டோரோலா நிறுவனம் சமீபத்தில் தான் அதன் மோட்டோரோலா ரேஸ்ர் (2019) மாடலை இந்தியாவில் ரூ.94,999 க்கு அறிமுகம் செய்தது. அந்த மாடலின் ஸ்டாக் நீடிக்கும் வரை நாட்டில் வாங்குவதற்கு கிடைக்கும்.

மோட்டோரோலா ரேஸ்ர் 5ஜி ஸ்மார்ட்போனின் முழு அம்சங்கள் மற்றும் விவரக்குறிப்புகள்:

- டூயல் சிம் (நானோ + ஈசிம்) ஆதரவு
- ஆண்ட்ராய்டு 10 ஓஎஸ் அடிப்படையிலான மை யுஎக்ஸ்
- மடிக்கக்கூடிய 6.2 இன்ச் பிளாஸ்டிக் ஓஎல்இடி டிஸ்ப்ளே
- 876 x 2,142 பிக்சல்கள் தீர்மானம்
- 21: 9 என்கிற திரை விகிதம்
- ஃபிளிப் பேனலின் மேல் ஒரு இரண்டாம் நிலை டிஸ்பிளே
- அதில் 2.7 அங்குல OLED டிஸ்ப்ளே
- 600 x 800 பிக்சல்கள் தீர்மானம்
- 4: 3 என்கிற அளவிலான திரை விகிதம்

- ஆக்டா கோர் ஸ்னாப்டிராகன் 765 ஜி SoC ப்ராசஸர்
- அட்ரினோ 620 ஜி.பீ.யூ
- 8 ஜிபி ரேம்
- 48 மெகாபிக்சல் முதன்மை கேமரா சென்சார் (எஃப் / 1.7)
- ஆப்டிகல் இமேஜ் ஸ்டெபிலைசேஷன் (OIS)
- லேசர் ஆட்டோஃபோகஸ் தொழில்நுட்பம்
- இரண்டாம் நிலை திரையின் மேல் முதன்மை கேமரா சென்சார் உள்ளது
- அதுவே செல்பீ கேமராவாக பணிபுரியும்
- குரூப் செல்பி, போர்ட்ரெய்ட் மோட் மற்றும் ஸ்பாட் கலர் உள்ளிட்ட பல்வேறு கேமட பயன்முறைகள்
- 20 மெகாபிக்சல் இரண்டாம் நிலை (எஃப் / 2.2) கேமரா சென்சார்
- இது மடிக்கக்கூடிய டிஸ்பிளேவிற்கு மேல் உள்ளது.

- 256 ஜிபி இன்டர்னல் ஸ்டோரேஜ்
- மைக்ரோ எஸ்டி கார்டு வழியாக விரிவாக்கத்தை ஆதரிக்காது
- 5ஜி, 4ஜி எல்டிஇ
- வைஃபை 802.11 ஏசி
- ப்ளூடூத்
- ஜிபிஎஸ் / ஏ-ஜிபிஎஸ்
- என்எப்சி மற்றும் யூ.எஸ்.பி டைப்-சி போர்ட்
- பின்புறத்தில் பொருத்தப்பட்ட கைரேகை சென்சார்
- ஆக்சலரோமீட்டர்
- ஆம்பியண்ட் லைட் சென்சார்
- பாரோமீட்டர்
- கைரோஸ்கோப்
- மேக்னட்டோமீட்டர்
- ப்ராக்ஸிமிட்டி சென்சார்
- 15W டர்போபவர் ஃபாஸ்ட் சார்ஜிங் ஆதரவு
- 2,800 எம்ஏஎச் பேட்டரி
- நீர் எதிர்ப்பு பூச்சு
- சிங்கிள் ஹேண்டட் வடிவமைப்பு
- திறந்திருக்கும் போது 169.2x72.6x7.9 மிமீ
- மடித்தால் 91.7x72.6x16 மிமீ
- 192 கிராம் எடை.