இந்தியாவில் உள்ள ரெட்மி நோட் 8 ஸ்மார்ட்போன்களுக்கு ஓவர் தி ஏர் MIUI 12 அப்டேட் வரத்தொடங்கி உள்ளது.

சியோமி நிறுவனத்தின் ரெட்மி நோட் 8 ஸ்மார்ட்போன் இப்போது இந்தியாவில் ஆண்ட்ராய்டு 10 ஓஎஸ் அடிப்படையிலான MIUI 12 ஸ்டாண்டர்ட் அப்டேட்டைப் பெறுகிறது. குறிப்பிட்ட அப்டேட்டை பெற்ற பயனர்கள் அது சார்ந்த ஸ்கிரீன் ஷாட்களை ட்விட்டரில் பகிர்ந்த வண்ணம் உள்ளனர்.


இந்த புதிய அப்டேட் மறுவடிவமைப்பு செய்யப்பட்ட இன்டர்பேஸ், புதிய அனிமேஷன்கள் மற்றும் புதிய அம்சங்களைக் கொண்டுவருகிறது. இது அக்டோபர் 2020 தேதியிட்ட ஆண்ட்ராய்டு செக்யூரிட்டி பேட்சையும் கொண்டு வருகிறது.

இந்த சமீபத்திய ரெட்மி நோட் 8 அப்டேட் ஆனது over-the-air பாணியில் அணுக கிடைக்கிறது. மேலும் இந்த அப்டேட்டின் சைஸ் 2 ஜிபி என்று பட்டியலிடப்பட்டுள்ளது.

முன்னரே குறிப்பிட்டுள்ளபடி, ஆண்ட்ராய்டு 10-அடிப்படையிலான MIUI 12 அப்டேட்டின் stable ROM update ஆனது இந்தியாவில் உள்ள ரெட்மி நோட் 8 ஸ்மார்ட்போன்களுக்கு வரத்தொடங்கி உள்ளது என்பதை உறுதிப்படுத்த பயனர்கள் நம்ம்மை ட்விட்டருக்கு அழைத்துச் சென்றுள்ளனர்.

இந்த சமீபத்திய அப்டேட் ஆனது MIUI 12.0.1.0.QCOINXM என்கிற பில்ட் நம்பருடன் வருகிறது. ட்விட்டர் பயனர்கள் பகிர்ந்துள்ள ஸ்கிரீன் ஷாட்கள் இந்த அப்டேட்டின் அளவு 2 ஜிபி என்று கூறுகின்றன.

எனவே ஒரு நல்ல வைஃபை இணைப்பின் கீழ் இந்த அப்டேட்டை நிறுவும்படி பரிந்துரைக்கிறோம். மேலும் நிறுவல் செயல்முறையைத் தொடங்குவதற்கு முன்பு பயனர்கள் ஸ்மார்ட்போனில் ஸ்டோரேஜில் ஸ்பேஸ் இருப்பதையும் உறுதி செய்துகொள்ளவும்.


இந்த அப்டேட்டை பதிவிறக்கி நிறுவத் தொடங்குவதற்கு முன், உங்கள் பேட்டரி போதுமான அளவு சார்ஜ் செய்யப்பட்டுள்ளதா அல்லது உங்கள் ஸ்மார்ட்போன் சார்ஜ் செய்யப்படுகிறதா என்பதையும் உறுதிப்படுத்தவும்.

குறிப்பிட்ட லேட்டஸ்ட் அப்டேட் குறித்து, ரெட்மி நோட் 8 பயனர்கள் எந்த அறிவிப்பையும் பெறவில்லை எனில், செட்டிங்ஸ்- ற்குள் சென்று கைமுறையாக அப்டேட்டை சரிபார்க்க வேண்டும். இந்தியாவில் உள்ள அனைத்து ரெட்மி நோட் 8 யூனிட்களுக்கும் இந்த அப்டேட் வந்து சேர சிறிது காலம் ஆகலாம் என்பதும் குறிப்பிடத்தக்கது.

MIUI 12 அப்டேட் சேஞ்ச்லாக்கை பொறுத்தவரை, பெரிய பட்டியல் எதுவும் இல்லை, மிகவும் குறைவான மேம்படுத்தல்களையே பெற்றுள்ளது. MIUI 12 ஆனது சிஸ்டம் செக்யூரிட்டியை அதிகரிக்கிறது மற்றும் அக்டோபர் 2020 ஆண்ட்ராய்டு செக்யூரிட்டி பேட்ச் உடன் வருகிறது.

மேலும் MIUI 12 ஒரு புதிய UI அனுபவத்தை வழங்க மறுசீரமைக்கப்பட்ட சிஸ்டம் வைட் அனிமேஷன்கள் மற்றும் விஷூவலைசேஷன்களுடன் வருகிறது. டார்க் மோட் அம்சம் ஒரு சிஸ்டம் வைட் அம்சமாக மேம்படுத்தப்பட்டுள்ளது ( இது சிஸ்டம் ஆப்ஸ் மற்றும் மூன்றாம் தரப்பு ஆப்களை உள்ளடக்கியது).


மேலும் இந்த அப்டேட்டில் அல்ட்ரா பேட்டரி-சேவர் மோட் உள்ளது, இது ஸ்மார்ட்போனின் ஸ்டேண்ட்-பை நேரத்தை நீட்டிக்கும் மற்றும் மின் பயன்பாட்டைக் குறைக்கும் என்று கூறப்படுகிறது.

இந்த அப்டேட் ஒரு ஆப் டிராயரையும் அறிமுகப்படுத்துகிறது, இது வகைகளின் அடிப்படையில் ஆப்களை வரிசைப்படுத்துகிறது. மேலும் இந்த அப்டேட்டில் சுற்றுப்புற ஒளியின் படி தானாக ஸ்க்ரீன் பிரகாசத்தை சரிசெய்யும் அம்சமும் இணைக்கப்பட்டுள்ளது.

நினைவூட்டும் வண்னம், ரெட்மி நோட் 8 ப்ரோ ஸ்மார்ட்போனானது கடந்த ஆகஸ்ட் மாதத்தில் MIUI 12 அப்டேட்டை பெறத் தொடங்கியது.