கலராவே இருந்தாலும் இன்னும் கொஞ்சம் கலரா இருந்தா நல்லா இருக்கும் என்பது தான் எல்லோருக்குமான எண்ணம்.அவர்கள் பலவிதமான ஃபேஸ் பேக் பயன்படுத்தி இருந்தாலும் இந்த கேரட் அவகேடோ முட்டை ஃபேஸ் மாஸ்க் மிகச்சிறப்பாக உதவும்.
சரும நிறமாற்றம் என்பது சூரியனிடமிருந்து வரும் புற ஊதாக்கதிர்களால்
பாதிக்கப்படுகிறது. சரும நிறமாற்றம் ஆகாமல் இருக்க எவ்வளவு பராமரிப்பு செய்தாலும் அதை
தவிர்க்க முடிவதில்லை என்பவர்கள் சருமத்தின் நிறத்தை அதிகரிக்க இந்த ஃபேஸ் பேக் உதவும்.
எல்லா சருமத்தினருக்கும் ஏற்ற ஃபேஸ் பேக் இது மாநிறமாக இருப்பவர்கள், மந்தமான சருமத்தை
கொண்டவர்கள் என எல்லோருக்குமே ஏற்ற ஃபேஸ் பேக் என்பதால் அனைவரும் இதை தயக்கமின்றி பயன்படுத்தலாம்.
ஃபேஸ் பேக் செய்ய தேவையானவை
அவகேடோ பழம் -1
கேரட் சிறிய அளவு -1
முட்டை -1
தேன் - 1 டீஸ்பூன்
வெண்ணெய் - 1 டீஸ்பூன்
கேரட்டை தோல் நீக்கி துண்டுகளாக நறுக்கி அதை அரை வேக்காடாக வேகவைத்து எடுக்கவும். ஆறியதும் அதை மிக்ஸியில் போட்டு மசிக்கவும். இதனோடு அவகேடோவை சேர்த்து மசிக்கவும்.
முட்டையின் வெள்ளைக்கருவை இதில் சேர்த்து இரண்டையும் நன்றாக கலக்கவும். முட்டையின் வெள்ளைக்கரு நன்றாக சேர்ந்ததும் அதனுடன் தேன், வெண்ணெய் இரண்டையும் நன்றாக கலக்கவும். ஐந்து நிமிடங்கள் கழித்து முகம் மற்றும் கழுத்து பகுதியில் நன்றாக தடவி 20 முதல் 30 நிமிடங்கள் கழித்து குளிர்ந்த நீரில் முகத்தை கழுவ வேண்டும். வாரத்துக்கு ஒருமுறை இந்த ஃபேஸ் பேக் போடலாம். பெண்களோடு ஆண்களும் இந்த பேக் போடலாம்.
கேரட் முகத்தில் இருக்கும் கருமையை தடுத்து நிறுத்தும் குணங்களை கொண்டிருக்கிறது. கேரட்டில் இருக்கும் வைட்டமின் ஏ சருமத்தின் எண்ணெய்ப் பசையை போக்க உதவுகிறது. சருமத்துக்கு பளபளப்பு தருகிறது. முகத்தை இளமையாக வைக்கவும் கொலாஜன் உற்பத்தியை அதிகரிக்கவும் கேரட் பயன்படுகிறது. மேலும் கேரட்டில் இருக்கும் பீட்டா கரோட்டின் லைகோபீன் முக்கிய சத்துகள் கேரட்டில் நிறைந்துள்ளது. இது ஆன் டி ஆக்ஸிடண்ட்களாக செயல்பட்டு சருமத்தின் நிறத்தை அதிகரிக்க செய்கிறது.
அவகேடோ நல்ல கொழுப்பு, வைட்டமின், ஊட்டச்சத்து நிறைந்தவை. இது சருமத்துக்கு வேண்டிய ஊட்டசத்தை அளிக்கிறது. இதில் இருக்கும் பி கரோட்டின், லெசித்தின் மற்றும் லினோயிக் அமிலம் இருப்பதால் இவை சருமத்தை வறட்சியடையாமல் ஈரப்பதமாக வைக்க உதவுகிறது. எண்ணெய் சருமம் இருப்பவர்களுக்கும் ஏற்றது அவகேடோ.
முட்டையின் வெள்ளைக்கருவில் புரதங்கள், ஜிங்க், ஒமேகா 3 கொழுப்பு அமிலங்கள் நிறைந்துள்ளது. இது சருமம் கூந்தல் இரண்டுக்குமே உதவக்கூடும். முட்டைசருமத்தின் இறுக்கத்தை தளர்த்தி சருமத்தை நெகிழசெய்கிறது. முட்டை கொலாஜன் உற்பத்தியை ஊக்குவிக்க செய்கிறது. இந்த பேக்கில் பயன்படுத்தும் கேரட், அவகேடோ, முட்டை மூன்றுமே சருமத்துக்கு வேண்டிய ஊட்டச்சத்துக்களை அளிக்க கூடியது.
தேன் முகத்துக்கு பொலிவை தரக்கூடியது. வெண்ணெய் சருமத்த பளபளப்பாக வைக்க கூடியது. கூடுதலாக இவை எல்லாமே சருமத்துக்கு நிறமாற்றத்தை அளிக்க கூடியது. சருமம் வெள்ளையாகவும், மென்மையாகவும் ,பட்டு போன்றூம் இருக்க இந்த பேக் உதவும்.
சருமத்தில் சூரியனால் வந்த நிறமாற்றம், கருமை, வீக்கம், அழற்சி போன்றவற்றை போக்கி விரைவாக சருமத்தை வெண்மையாக்க செய்யும். முகம் வெள்ளையாக இருந்தால் நன்றாக இருக்கும் என்பவர்கள் இந்த பேக் முயற்சிக்கலாம். நிச்சயம் பலன் கிடைக்கும்.
அறிந்து கொள்வோம்
கருத்துகள் இல்லை:
கருத்துரையிடுக