ஹெச். வினோத் இயக்கி வரும் வலிமை படத்தில் நடித்து வருகிறார் அஜித். போனி கபூர் தயாரிக்கும் வலிமை படத்தின் ஷூட்டிங் கொரோனா வைரஸ் பிரச்சனையால் பல மாதங்களாக நிறுத்தி வைக்கப்பட்டது. பின்னர் கடந்த அக்டோபர் மாதம் மீண்டும் படப்பிடிப்பை துவங்கினார்கள். ஹைதராபாத்தில் இருக்கும் ராமோஜிராவ் ஃபிலிம் சிட்டியில் படப்பிடிப்பு நடந்தது. அப்பொழுது பைக் ஸ்டண்ட் காட்சியில் நடித்தபோது அஜித் கீழே விழுந்து காயம் ஏற்பட்டது. அந்த ஷெட்யூலை முடித்துக் கொண்டு படக்குழு சென்னை திரும்பியது.

இதையடுத்து மீண்டும் ஹைதராபாத்தில் படப்பிடிப்பு நடந்து வருகிறது. அஜித் புத்தாண்டை வலிமை படக்குழுவுடன் தான் கொண்டாடியுள்ளார். படப்பிடிப்பை பிப்ரவரி மாதத்திற்குள் முடிக்க திட்டமிட்டுள்ளனர். படத்தை அஜித்தின் பிறந்தநாள் ஸ்பெஷலாக ரிலீஸ் செய்ய முடிவு செய்துள்ளனர்.

வலிமை படத்தில் வரும் முக்கிய ஆக்ஷன் காட்சிகளை வெளிநாட்டில் தான் படமாக்க முடியும் என்றார் வினோத். கொரோனா வைரஸ் பிரச்சனையால் வெளிநாட்டு ஷெட்யூல் கைவிடப்படவில்லை. அந்த காட்சிகளை உள்நாட்டில் ஷூட் செய்ய முடியாது என்று வினோத் தெரிவித்தார். இந்நிலையில் அவர் தன் மனதை மாற்றிக் கொண்டுள்ளாராம்.
சுவிட்சர்லாந்தில் படமாக்கப்பட வேண்டிய காட்சிகளை டெல்லி அல்லது ராஜஸ்தானில் ஷூட் செய்யப் போகிறாராம் வினோத். கொரோனா வைரஸ் பிரச்சனை இன்னும் தீராததால் தான் வினோத் இப்படி ஒரு முடிவை எடுத்துள்ளாராம்.

வலிமை படத்தில் சீனியர் நடிகை சுமித்ரா அஜித்துக்கு அம்மாவாக நடிப்பதாக தகவல் வெளியானது. அதை படக்குழு உறுதி செய்யவில்லை. இந்நிலையில் அஜித்தின் வலிமை குடும்ப புகைப்படம் கடந்த வாரம் கசிந்து வைரலானது. புகைப்படம் தெளிவாக இல்லாவிட்டாலும் அதை பார்த்தே அஜித் ரசிகர்கள் மகிழ்ச்சி அடைந்தனர்.

புகைப்படம் கசிந்ததால் அதன் தெளிவான வெர்ஷனை படக்குழு நிச்சயம் வெளியிடும் என்று எதிர்பார்த்து ஏமாந்து போனார்கள். வலிமை அப்டேட் கேட்டு அஜித் ரசிகர்கள் தொடர்ந்து ஏதாவது ஒரு ஹேஷ்டேகை ட்விட்டரில் தேசிய அளவில் டிரெண்டாக விடுகிறார்கள். ஆனால் படக்குழு அப்பேட் கொடுக்கும் மூடில் இல்லை.

இந்நிலையில் அஜித் ரசிகர் ஒருவர் தமிழக முதல்வர் எடப்பாடி பழனிசாமியிடம் வலிமை அப்டேட் கேட்டபோது எடுக்கப்பட்ட வீடியோ வெளியாகி வைரலாகியுள்ளது.