இந்திய அறிமுகத்திற்கு தயார் நிலையில் உள்ள ரியல்மி எக்ஸ் 7 மற்றும் ரியல்மே எக்ஸ் 7 ப்ரோவின் விலை மற்றும் அம்சங்களை பற்றிய முழு விவரங்கள் இதோ...ரியல்மி எக்ஸ் 7 மற்றும் ரியல்மே எக்ஸ் 7 ப்ரோ ஸ்மார்ட்போன்களை உள்ளடக்கிய ரியல்மி எக்ஸ் 7 சீரிஸை இந்தியாவில் அறிமுகப்படுத்த ரியல்மி நிறுவனம் தயாராகி வருகிறது. இருப்பினும், அதிகாரப்பூர்வ வெளியீட்டு தேதி பற்றிய தகவல்கள் இன்னும் வெளியிடப்படவில்லை.

இந்நிலைப்பாடி, இந்தியாவில் அதிகாரப்பூர்வமாக அறிமுகப்படுத்தப்படுவதற்கு முன்னதாக, குறிப்பிட்ட ஸ்மார்ட்போனின் ரீடெயில் பாக்ஸின் வடிவமைப்பு எப்படி இருக்கும் என்பதை ரியல்மி நிறுவனமே வெளியிட்டுள்ளது.

ரியல்மி நிறுவனத்தின் தலைமை நிர்வாக அதிகாரியான மாதவ் ஷெத் தனது ட்விட்டர் அக்கவுண்ட் வழியாக ஒரு படத்தை வெளியிட்டுள்ளார். அந்த படத்தில், ரியல்மி எக்ஸ் 7 மற்றும் எக்ஸ் 7 ப்ரோ பிராண்டிங் கொண்ட ஸ்மார்ட்போன்களும் உள்ளன.இதே போன்ற மற்றொரு டீஸர் ஸ்மார்ட்போனில் 8.5 மிமீ அளவிலான மிகவும் நேர்த்தியான பாடி இருக்கும் என்பதை வெளிப்படுத்துகிறது.

நினைவூட்டும் வண்ணம், ரியல்மி எக்ஸ் 7 சீரிஸ் ஸ்மார்ட்போன்கள் கடந்த ஆண்டு செப்டம்பரில் சீனாவில் அறிமுகப்படுத்தப்பட்டது.

அதனை தொடர்ந்து சமீபத்தில் ரியல்மி எக்ஸ் 7 ப்ரோ ஸ்மார்ட்போன் ஆனது ரியல்மி இந்தியாவின் ஆதரவு பக்கத்தில் பட்டியலிடப்பட்டிருந்தது. அதன் பின்னரே ரியல்மி எக்ஸ் 7 ப்ரோ ஸ்மார்ட்போன் விரைவில் இந்தியாவில் அறிமுகம் செய்யப்படும் என்பது உறுதியானது. தற்போது அது எப்போது வேண்டுமானால் அறிவிக்கப்படலாம், அல்லது வெளியீட்டு தேதி பற்றிய தகவல் பகிரப்படலாம் என்பது போல் தெரிகிறது.

ரியல்மி எக்ஸ் 7, ரியல்மி எக்ஸ் 7 ப்ரோ ஸ்மார்ட்போன்களின் விலை:

சீனாவில் ரியல்மி எக்ஸ் 7 ஸ்மார்ட்போனின் 6 ஜிபி + 128 ஜிபி வேரியண்ட் ஆனது இந்திய மதிப்பின்படி தோராயமாக ரூ.19,200 க்கும், இதன் 8 ஜிபி + 128 ஜிபி ஸ்டோரேஜ் மாடலானது ரூ.25,600 க்கும் அறிமுகமானது.

மறுகையில் உள்ள ரியல்மி எக்ஸ் 7 ப்ரோ ஸ்மார்ட்போனின் 6 ஜிபி + 128 ஜிபி மாடலானது ரூ.23,500 க்கும், இதன் 8 ஜிபி + 128 ஜிபி மாடலானது ரூ.26,700 க்கும் மற்றும் இதன் டாப் எண்ட் 8 ஜிபி + 256 ஜிபி மாடலானது ரூ.34,100 க்கும் அறிமுகமானது.

ரியல்மி X7 ஸ்மார்ட்போனின் அம்சங்கள் மற்றும் விவரக்குறிப்புகள்:

டூயல் சிம் (நானோ) ஆதரவு கொண்ட ரியல்மி எக்ஸ் 7 ஸ்மார்ட்போன் ஆனது ஆண்ட்ராய்டு 10 அடிப்படையிலான ரியல்மி யுஐ உடன் இயங்குகிறது.

இது 6.4 இன்ச் அளவிலான புல் எச்டி + (1,080x2,400 பிக்சல்கள்) AMOLED டிஸ்ப்ளேவை 90.8 சதவிகிதம் ஸ்க்ரீன் டூ பாடி விகிதம் மற்றும் கார்னிங் கொரில்லா கிளாஸ் பாதுகாப்பு ஆகியவற்றைக் கொண்டுள்ளது.

இது 180 ஹெர்ட்ஸ் டச் சாம்ப்ளிங் விகிதத்துடன் வருகிறது. ரியல்மி எக்ஸ் 7 ஸ்மார்ட்போன் மாலி-ஜி 57 ஜி.பீ.யு உடன் ஆக்டா கோர் டைமன்சிட்டி 800 யூ எஸ்ஓசி மற்றும் 8 ஜிபி வரை எல்பிடிடிஆர் 4 எக்ஸ் ரேம் மூலம் இயக்கப்படுகிறது.

கேமராக்களைப் பொறுத்தவரை, ரியல்மி எக்ஸ் 7 ஸ்மார்ட்போனில் குவாட் பின்புற கேமரா அமைப்பு உள்ளது. அதில் 64 மெகாபிக்சல் முதன்மை கேமரா (எஃப் / 1.8) + 8 மெகாபிக்சல் அல்ட்ரா-வைட்-ஆங்கிள் (எஃப் / 2.3) கேமரா + 2 மெகாபிக்சல் பிளாக் அண்ட் ஒயிட் போர்ட்ரெயிட் சென்சார் (எஃப் / 2.4) + எஃப் / 2.4 லென்ஸ் கொண்ட 2 மெகாபிக்சல் மேக்ரோ ஷூட்டர் உள்ளது. முன்பக்கத்தில், எஃப் / 2.5 லென்ஸுடன் 32 மெகாபிக்சல் சென்சார் உள்ளது.

ரியல்மி எக்ஸ் 7 ஸ்மார்ட்போன் 128 ஜிபி யுஎஃப்எஸ் 2.1 ஸ்டோரேஜ் உடன் வருகிறது. இணைப்பு விருப்பங்களை பொறுத்தவரை, 5 ஜி, 4 ஜி எல்டிஇ, டூயல்-பேண்ட் வைஃபை, ப்ளூடூத் வி 5.1, ஜிபிஎஸ், க்ளோனாஸ் மற்றும் யூ.எஸ்.பி டைப்-சி போர்ட் ஆகியவைகள் உள்ளன.

சென்சார்களை பொறுத்தவரை, geomagnetic sensor, ambient light sensor, proximity sensor, gyroscope மற்றும் accelerometer போன்றவைகள் உள்ளன.

ரியல்மி எக்ஸ் 7 ஸ்மார்ட்போன் ஒரு 4,300 எம்ஏஎச் பேட்டரியால் சக்தியூட்டப்படுகிறது. இது 65W ஃபாஸ்ட் சார்ஜிங்கிற்கான ஆதரவுடன் வருகிறது. அளவீட்டில் இந்த ஸ்மார்ட்போன் 160.9x74.4x8.1 மிமீ மற்றும் 175 கிராம் எடையையும் கொண்டுள்ளது.

ரியல்மி X7 ப்ரோ ஸ்மார்ட்போனின் அம்சங்கள் மற்றும் விவரக்குறிப்புகள்:

ரியல்மி எக்ஸ் 7 ப்ரோ ஸ்மார்ட்போன் ஆனது வெண்ணிலா ரியல்மே எக்ஸ் 7 மடலுடன் ஒப்பிடும் போது சில வேறுபாடுகளுடன் வருகிறது. இது 120 ஹெர்ட்ஸ் ரெஃப்ரெஷ் ரேட் விகிதத்துடன் கூடிய 6.55 இன்ச் புல் எச்டி + அமோலேட் டிஸ்ப்ளேவை கொண்டுள்ளது.

மேலும் இது 240 ஹெர்ட்ஸ் டச் சாம்ப்ளிங் விகிதம், 91.6 சதவீதம் ஸ்கிரீன் டு பாடி ரேஷியோ மற்றும் 5 வது தலைமுறை கார்னிங் கொரில்லா கிளாஸ் பாதுகாப்பு மற்றும் 1,200 நிட்ஸ் உச்சக்கட்ட ப்ரைட்னஸ் ஆகியவற்றைக் கொண்டுள்ளது.

இது ஆக்டா கோர் டைமன்சிட்டி 1000+ SoC மற்றும் 9-கோர் மாலி-ஜி 77 கிராபிக்ஸ் ப்ராசஸர் மூலம் இயக்கப்படுகிறது. இது 8 ஜிபி வரை எல்பிடிடிஆர் 4 எக்ஸ் ரேம் உடன் வருகிறது.

புகைப்படங்கள் மற்றும் வீடியோக்களுக்கு, ரியல்மி எக்ஸ் 7 ப்ரோ ஸ்மார்ட்போனில் ஒரு குவாட் ரியர் கேமரா அமைப்பு உள்ளது. அதில் எஃப் / 1.8 லென்ஸ் கொண்ட 64 மெகாபிக்சல் முதன்மை சென்சார் + 8 மெகாபிக்சல் சென்சார் அல்ட்ரா-வைட்-ஆங்கிள் (எஃப் / 2.25) கேமரா + 2 -மெகாபிக்சல் பிளாக் அன்ட் ஒயிட் போர்ட்ரெயிட் கேமரா (எஃப் / 2.4) + எஃப் / 2.4 லென்ஸ் கொண்ட 2 மெகாபிக்சல் மேக்ரோ ஷூட்டர் ஆகியவைகள் உள்ள. முன்பக்கத்தில், எஃப் / 2.45 லென்ஸுடன் 32 மெகாபிக்சல் செல்பீ கேமரா உள்ளது.

ரியல்மி எக்ஸ் 7 ப்ரோ ஸ்மார்ட்போன் ஆனது 256 ஜிபி வரை யுஎஸ்எஃப் 2.1 ஸ்டோரேஜ் டர்போ ரைட் தொழில்நுட்பத்துடன் வருகிறது. இணைப்பு விருப்பங்களை பொறுத்தவரை, ரியல்மி எக்ஸ் 7 ஐப் போலவே உள்ளது, கூடுதலாக டூயல்-ப்ரெக்வென்சி ஜி.பி.எஸ்-ஐ கொண்டுள்ளது.

மேலும் இந்த ப்ரோ வேரியண்ட் ஆனது 4,500 எம்ஏஎச் பேட்டரி மூலம் சக்தியூட்டப்படுகிறது. இது 65W ஃபாஸ்ட் சார்ஜிங் ஆதரவுடன் வருகிறது. சென்சார்களை பொறுத்தவரை, ரியல்மி எக்ஸ் 7 மாடலில் உள்ளதை போலவே geomagnetic sensor, ambient light sensor, proximity sensor, gyroscope மற்றும் accelerometer போன்றவைகள் உள்ளன.

கடைசியாக அளவீட்டில் ரியல்மி எக்ஸ் 7 ப்ரோ ஸ்மார்ட்போன் 160.8x75.1x8.5 மிமீ மற்றும் 184 கிராம் எடையுள்ளதாக இருக்கும்.