உருளைக்கிழங்கை வேக வைத்து, தோல் நீக்கி, ‘கட்’ செய்து, பொரித்து எடுக்கவும். வாணலியில் எண்ணெய் ஊற்றி சூடானதும், அதில் சீரகம் சேர்க்கவும். 

பொரிந்த உடன் நறுக்கிய வெங்காயம் சேர்த்து வதக்கவும். இத்துடன் இஞ்சி – பூண்டு விழுது சேர்த்து வதக்கி, மிளகாய்த்தூள், தனியாத்தூள்தூள், சீரகத்தூள், மஞ்சள்தூள், கறிவேப்பிலை அனைத்தையும் சேர்த்து பச்சை வாசனை போகும் வரை வதக்கவும். 

இதில் அரைத்த தக்காளி சேர்த்து நன்றாக எண்ணெய் மிதக்கும்வரை வதக்கி, பின்னர் பொரித்த உருளைக்கிழங்கை சேர்த்துக் கிளறி, 2 நிமிடம் வேகவிடவும். பிறகு, உப்பு, கொத்தமல்லி சேர்த்துக் கிளறி இறக்கிப் பரிமாறவும்.