“நெய்யில்லா உண்டி பாழ்” என்று சித்தர்கள் சொல்லியிருக்கிறார்கள். அது வெறும் பழமொழி இல்லை; இன்றைய அறிவியலும் அதை வலியுறுத்தி வருகிறது. நெய், அதன் தனித்துவமான தயாரிப்பு முறையும், அதனுடைய மருத்துவப் பயன்களும் உண்மையாகவே நமக்கு ஆச்சரியத்தைக் கொடுக்கின்றன.

நெய் எப்படி தயாரிக்கப்படுகிறது?

முதலில் பாலை நன்றாக காய்ச்சி, அதை ஆறவைத்து, சிறிதளவு தயிர் கலந்து மூடிவைக்க வேண்டும். 6-8 மணி நேரத்தில் அது முழுமையாக தயிராக மாறும். பின்னர் அந்த தயிரில் சிறிதளவு நீர் சேர்த்து நல்லமாதிரி கடைத்தால் வெண்ணெய் தனியாக பிரிந்து வரும். அந்த வெண்ணெயை சட்டியில் போட்டு காய்ச்சினால் நெய் உருவாகும். இதில் முருங்கை இலை, வெற்றிலை போன்றவற்றை சேர்த்தால் நறுமணமும், சுவையும் கூடும். இதுபோல தயாராகும் நெய் நீண்ட நாட்கள் கெடாமல் இருக்கும், அதுவே நல்ல மருத்துவக் குணமுள்ள நெய்.

நெய் – ஒரு நம் மூதாதையரின் மருந்து!

இன்று நம்மால் நம்ப முடியாது – ஆனால் 2000 ஆண்டுகளுக்கு முன்பே சித்த மருத்துவம் மற்றும் ஆயுர்வேதத்தில் நெய் முக்கிய பங்கு வகித்திருக்கிறது. ஏனெனில் நெய்யில் உள்ள தன்மை, மருந்துகளில் இருக்கும் குணங்களை உடலுக்குள் நன்கு சேர்க்கும் சக்தி கொண்டது. நெய்யை "ரசாயனம்" என்றும் அழைப்பார்கள் – அது உடலை நலம் பெறச்செய்யும் அற்புத சக்தியை கொண்டிருப்பதால்தான்.

சிறிய ஸ்பூனில் பெரிய சக்தி!

ஒரே ஒரு ஸ்பூன் நெய்யில் 14 கிராம் கொழுப்பு சத்து இருக்கிறது. ஆனால் பயப்பட வேண்டாம் – இது நல்ல கொழுப்பு.

• Saturated fat – 65%
• Mono unsaturated fat – 32%
• Linoleic unsaturated fat – 3%

இதில் CLA (Conjugated Linoleic Acid), Omega-3 போன்ற முக்கிய அமிலங்கள் இருப்பதால்,

• உடல் பருமனத்தை தடுக்கும்,
• மூளைக்கு ஊட்டமளிக்கும்,
• நோய் எதிர்ப்பு சக்தியை அதிகரிக்கும்,
• கேன்சர், வைரஸ் நோய்கள் போன்றவற்றைத் தடுக்கும்.

நெய்யின் தினசரி பயன்பாடுகள்

• சுடுசாதத்தில் உருக்கி சேர்த்தால் ஜீரண சக்தியை தூண்டும், உடலுக்கு குளிர்ச்சி தரும்.
• தோசை, அடை, சப்பாத்தி போன்றவற்றில் எண்ணெய் பதிலாக நெய் சேர்த்தால் சுவை மட்டுமல்ல, ஆரோக்கியமும் கூடும்.
• மலச்சிக்கல், வாயுக் கோளாறு போன்றவை குறையும்.
• பித்தம், கபம், வாதம் ஆகியவற்றின் சமநிலையை பேணும்.
• நினைவாற்றலை தூண்டும், கண்களுக்கு வலிமை தரும், சருமத்திற்கு பளபளப்பு தரும்.
• உடல் பலவீனம், எளிதில் சோர்வு ஏற்படும் நபர்கள், தினமும் மதிய உணவில் நெய்யை சேர்த்துக்கொண்டால், உடலுக்கு தேவையான சக்தி கிடைக்கும்.

குடற்புண்களுக்கு நெய் மருந்து!

அல்சர் (குடற்புண்) உள்ளவர்கள், மனஅழுத்தம், மது பழக்கம், தவறான உணவு பழக்கம் கொண்டவர்கள்... இவர்கள் நெய்யை உணவில் சேர்த்தால் குடலின் சுவர்களில் இருக்கும் புண்கள் ஆற, ஜீரண சக்தி தூண்டப்பட, நோய்கள் குறைய ஆரம்பிக்கும்.

முடிவாகச் சொல்வது என்னவென்றால், நம் உணவில் பக்குவமாக நெய்யை சேர்த்துக்கொண்டால், அது ஒரே நேரத்தில் சுவையையும், ஆரோக்கியத்தையும் தரும் அற்புதம்! சின்னத் துணுக்கு நெய்யிலேயே நிறைய மருத்துவ ரகசியங்கள் அடங்கியிருக்கின்றன.

ஆரோக்கியம்