என்ன தான் செயலி மூலம் சியோமி இந்தக் கடன் திட்டத்தினை அறிமுகம் செய்து இருந்தாலும் எம்ஐ தயாரிப்புகள் அல்லது எம்ஐ போன் உபயோகிப்பவர்களால் மட்டுமே பயன்படுத்த முடியும் என்ற கட்டுப்பாட்டினை விதித்துள்ளது.

எம்ஐ கிரெடிட் செயலியினை உங்கள் மொபைலில் பதிவிறக்கம் செய்த பிறகு எம்ஐ கணக்கினை பயன்படுத்தி உள்நுழைய வேண்டும். பின்னர் அடிப்படை விவரங்களை அளிப்பதுடன் தேவையான ஆவணங்களையும் பதிவேற்றி, முகவரி மற்றும் மாத சம்பளம் உள்ளிட்ட விவரங்களையும் அளிக்க வேண்டும்.

பின்னர் நீங்கள் அளித்த விவரங்கள் சரிபார்க்கப்பட்ட உடன் உங்களுக்குத் தேவையான தொகையின் அளவு, எவ்வளவு காலத்திற்குத் திருப்பிச் செலுத்துவீர்கள் உள்ளிட்ட விவரங்களையும் அளிக்க வேண்டும்.

பின்னர் இந்தச் செயலி உங்கள் வங்கி கணக்கினை சரிபார்த்து கடன் தொடையினை அளிக்கும். இவை அனைத்திற்கும் 10 நிமிடங்கள் மட்டுமே ஆகும் என்பது தனிச் சிறப்பு.

வங்கி நிறுவனங்கள் தனிநபர் கடன் பெறும் போது ஆண்டுக்கு 10 முதல் 30 சதவீதம் வரையிலான வட்டி விகிதம் கீழ் கடன் அளிக்கும் நிலையில் சியோமி நிறுவனம் சிறு கடனை மாதம் 1.8 சதவீதம் என்ற வட்டி விகிதத்தில் அளிக்க இருப்பதாகத் தெரிவித்துள்ளது.

குறைந்தபட்சம் 1000 ரூபாய் முதல் 1 லட்சம் ரூபாய் வரை கடன் பெறலாம் என்றும், பணத்தினை எளிதாக இணையதள வங்கி சேவை அல்லது டெபிட் கார்டுகள் மூலம் திருப்புச் செலுத்தலாம் என்றும் சியோமி தெரிவித்துள்ளது.

உடனடி சிறு கடன் திட்டத்திற்காகச் சியோமி நிறுவனம் KreditBee தளத்துடன் இணைந்துள்ளது. இந்தச் சிறு கடன் சேவை மூலம் இந்தியாவில் இளைஞர்கள் எளிதாகக் கடன் பெற்றுத் தங்கள் தேவையினைப் பூர்த்திச் செய்துகொள்ள முடியும் என்றும் அதே போன்று எளிமையாகத் திருப்பிச் செலுத்தவும் செய்யலாம் என்றும் தெரிவித்துள்ளனர்