Contact us : oorkodangi@gmail.com 



மனித அறிவுக்கு எட்டாத வகையில் பல்வேறு மர்மங்கள் இன்றும் இவ்வுலகில் உள்ளன. அப்படி மர்மங்களாக இருக்கும் விஷயங்களுக்கு பல்வேறு ஆய்வுகள் மேற்கொள்ளப்பட்டாலும், ஒவ்வொரு ஆய்வும் ஒவ்வொரு காரணத்தை சொல்லும் வகையில் மர்மங்களாகவே உள்ளன.

அந்த வகையில் இன்று நாம் பார்க்க இருப்பது ஒரே நேர்க்கோட்டில் மிக கச்சிதமாக எட்டு சிவன் கோவில்கள் அமைந்திருக்கும் அதிசய நிகழ்வைப் பற்றி தான்.

இது எப்படி சாத்தியம்?

அட்சரேகை மற்றும் தீர்க்கரேகையை அளந்து தான் இப்படி ஒரே மாதிரி இருக்கும் வகையில் வடிவமைக்க முடியும்.

ஆனால், பல ஆயிரம் ஆண்டுகளுக்கு முன்னர் எவ்வித தொழில்நுட்பங்களும் இல்லாத சமயத்தில் ஒரே நேர்க்கோட்டில் எட்டு கோவில்களும் அமைந்திருப்பது நம்மை வியப்பின் உச்சத்திற்கே கொண்டு செல்கிறது.

அதுமட்டுமின்றி கேதாரிநாத் கோவிலுக்கும், ராமேஸ்வரத்தில் அமைந்துள்ள ராமநாத சுவாமி கோவிலுக்கும் இடையேயான இடைவெளி 2383 கிலோமீட்டர் ஆகும்.

இப்படி ஒவ்வொன்றும் ஒவ்வொரு திசையில் இருந்தாலும் ஒரே மாதிரி நேர்க்கோட்டில் எட்டு கோவில்களும் அமைந்திருப்பது இன்றும் மர்மமாகவே உள்ளது.

இந்த கோவில்களில் ஐந்து கோவில்கள் நீர், நிலம், காற்று, ஆகாயம், நெருப்பு ஆகிய பஞ்ச பூதங்களின் சிறப்பை கூறுவதாக அமைந்துள்ளது.

நிலம் - காஞ்சிபுரம் ஏகாம்பரேஷ்வரர் கோவில்.

நீர் - திருவானைக்காவல் ஜம்புகேசுவரர் கோவில்.

நெருப்பு - திருவண்ணாமலை அண்ணாமலையார் கோவில்.

காற்று - திருக்காளத்தி காளஹஸ்தீஸ்வரர் கோவில்.

ஆகாயம் - சிதம்பரம் நடராஜர் கோவில்.