திங்கள், 16 செப்டம்பர், 2019

உடலுக்கு சக்தி தரும் சுவையான வீட் ஃபலூடா ரெசிபி!

புதிய பொடியன் திங்கள், செப்டம்பர் 16, 2019

இந்த செய்தியை படித்துவிட்டு உங்கள் எண்ணங்களை கீழே பதிவு செய்யுங்கள்.. இந்த செய்தி பிடித்திருந்தால் உங்கள் நட்பு வட்டத்தில் பகிர்ந்து கொள்ளுங்கள்..

இதுபோன்ற எங்களின் பல்வேறு பதிவுகளை உடனுக்குடன் உங்கள்

மின்னஞ்சலில் பெற பதிவு செய்து கொள்ளுங்கள்.

Twitter: www.twitter.com/Pudhiyapodiyan

Facebook:https://www.facebook.com/Pudhiyapodiayan

Instagram: pudhiya.podiyan

Contact us : oorkodangi@gmail.com

குழந்தைகள் முதல் பெரியவங்க வரைக்கும் விரும்பி சாப்பிடுற ஃபலூடா எப்படி செய்வது என்பதை இப்போது பார்க்கலாம்!

இப்போ ஃபலூடா சாப்பிடுறதுக்கு ஹோட்டல் போணும் அவசியம் இல்லை. உங்க வீட்டு கிச்சன்லேயே ஈஸியா சமைக்கலாம். அப்படி குழந்தைகள் முதல் பெரியவங்க வரைக்கும் விரும்பி சாப்பிடுற ஃபலூடா எப்படி செய்வது என்பதை இப்போது பார்க்கலாம்!

தேவையானவை:

கோதுமை மாவு - அரை கப்,
வெனிலா ஐஸ்கிரீம் - ஒரு டேபிள்ஸ்பூன்,
வெண்ணெய் - ஒரு டீஸ்பூன்,
மாம்பழக் கூழ்,மிக்ஸட் ஃப்ரூட் ஜாம் - தலா 2 டேபிள்ஸ்பூன்,
வேஃபர் பிஸ்கட் – 2,
பொடித்த முந்திரி - ஒரு டீஸ்பூன்,
பொடித்த சர்க்கரை - 3 டீஸ்பூன்,
ஐஸ் கட்டிகள் - 10,
பச்சை ஃபுட் கலர் - ஒரு சிட்டிகை

செய்முறை:

கோதுமை மாவை சிறிதளவு நீர் சேர்த்து கெட்டியாக பிசைந்து வைக்கவும். வாயகன்ற பாத்திரத்தை அடுப்பில் வைத்து, இரண்டு கப் நீர் விட்டு கொதிக்க விடவும். அடுப்பை மிதமான தீயில் வைத்து, முறுக்கு அச்சில் பொடியாக பிசைந்த மாவை, கொதி நீரில் நூடுல்ஸ் போல பிழிந்து, வெண்ணெய் சேர்த்து அடுப்பை அணைக்கவும்.

நீரில் வெந்த நூடுல்ஸை வடிகட்டி, ஐஸ் கட்டிகளை அதன் மேல் போட்டு, அரை மணி நேரம் அப்படியே வைக்கவும். ஒரு பெரிய கண்ணாடி கிளாஸில் முதலில் வடிகட்டிய நூடுல்ஸ் ஒரு டேபிள்ஸ்பூன் சேர்க்கவும். அதற்கு மேல் ஒரு டீஸ்பூன் சர்க்கரை சேர்க்கவும்.

அடுத்து ஃப்ரூட் ஜாம் இரண்டு டீஸ்பூன் போட்டு, அதற்கு மேல் மாம்பழக்கூழ் சேர்த்து மறுபடியும் அதன்மேல் ஒரு டீஸ்பூன் சர்க்கரை போடவும்.

இதன்மேல் வெனிலா ஐஸ்க்ரீம் சேர்த்து, சிட்டிகை பச்சை ஃபுட் கலர் சேர்க்கவும். மேலாக முந்திரிப் பொடியை தூவி, வேஃபர் பிஸ்கட் வைத்தால் சுவையான வீட் ஃபலூடா ரெடி..மறக்காம வீட்டுல டிரை பண்ணுங்க!

சமையல் குறிப்புகள்