சிரிக்கலாம் வாங்க...!!
 
ஒருமுறை கணவன்-மனைவிக்குள் தகராறு ஏற்பட்டு, மனைவியை அவள் தாயார் வீட்டுக்கு விரட்டி விட்டான்.

ஆனால், கணவனால் மனைவியைப் பிரிந்து இருக்க முடியவில்லை. அவளை மீண்டும் அழைத்துவர நினைத்து மனைவிக்கு போன் செய்தான்.

கணவன் : நீ இல்லாமல் என்னால் வாழவே முடியவில்லை.. வீட்டிற்கு வா... நாம் சேர்ந்து வாழலாம்...

மனைவி : ஒரு டீ கப்பை எடுத்து தரையில் வீசுங்க...
கணவன் : வீசிட்டேன்...

மனைவி : இப்பொழுது கீழே உடைந்து கிடக்கும் அந்த உடைந்த கப்பை, உங்களால் மீண்டும் ஒட்ட வைக்க முடியுமா? அப்படித்தான் என் மனமும். ஒருமுறை உடைந்தால் மீண்டும் ஒட்டாது.

கணவன் : நான் வீசுனது பிளாஸ்டிக் கப்... அது உடையவே இல்லையே...
மனைவி : சரி... ஈவினிங் வந்து கூட்டிக்கிட்டு போங்க...
கணவன் : எல்லா நேரத்திலும் தத்துவம் சொல்ல நினைக்கக்கூடாது...😆😆
--------------------------------------------------------------------------------------------------------
ஆனந்த் : 10வா படிக்கும்போது கிறிஸ்துமஸ் வருதுன்னு ஸ்டார் ஒட்டலாம்னு எங்க சார்கிட்ட போயி கேட்டேன்... அதுக்கு சார் என்ன சொன்னாரு தெரியுமா?

அரவிந்த் : என்ன சொன்னாரு?

ஆனந்த் : என் ஸ்டார்  நீ இருக்கும்போது இன்னொரு ஸ்டார் எதுக்குன்னு சொன்னாரு...

அரவிந்த் : இதெல்லாம் நம்புற மாதிரியா இருக்கு...😂😂
ஆனந்த் : நம்பலன்னா... ரத்தம் கக்கி செத்துருவ டா...
அரவிந்த் : 😧😧
--------------------------------------------------------------------------------------------------------
எது பலமாக இருக்கும்?

மட்டம் தட்டப்படும் மனமும்,
மட்டம் தட்டப்படுகின்ற தரையும்
என்றும் பலமானதாகவே இருக்கும்.
உங்கள் வாழ்க்கையை அழகாக்க வேண்டுமா?
பேச்சை விட மௌனமே சிறந்தது.
அனைத்தையும் அமைதியாய் ரசியுங்கள்...
உங்களுடைய வாழ்க்கை
உங்களுக்கே அழகாய் தோன்றும்...
--------------------------------------------------------------------------------------------------------
இதை மட்டும் செய்து விடாதீர்கள்...!

யார் பேசினாலும் கேட்டுக்கொள்...
ஆனால் சிலரிடம் மட்டுமே பேச்சுக்கொடு...
எவர் துயரங்களையும் கேட்டுக்கொள்...
ஆனால் அறிவுரை மட்டும் கூறிவிடாதே...
--------------------------------------------------------------------------------------------------------
 
குறளும்... பொருளும்...!!

ஒழுக்கத்தின் எய்துவர் மேன்மை இழுக்கத்தின்
எய்துவர் எய்தாப் பழி.

பொருள் :

ஒழுக்கத்தால் எவரும் மேம்பாட்டை அடைவர். ஒழுக்கத்திலிருந்து தவறுவதால் அடையத்தகாத பெரும் பழியை அடைவர்.
--------------------------------------------------------------------------------------------------------
மனிதர்கள் எத்தனை வகைகள்...!!

எதையும் சிந்திக்காமல் வாழ வேண்டும் என்று சிலர்...
எதற்கு வாழ வேண்டும்? என்று சிலர்..
எப்படி வாழ வேண்டும்? என்று சிலர்...
எப்படியாவது வாழ்ந்திட வேண்டும் என்று சிலர்...
என நான்கு வகைகளாக மனிதர்கள் உள்ளனர்...