மாயமான
மலேசிய விமானம் திட்டமிட்டு கடத்தப்பட்டது தான் எனவும் அந்த விமானம் விபத்தில் சிக்க
வாய்ப்புகள் இல்லை எனவும் எகிப்பதை சேர்ந்த ஒரு விமான இன்ஜினியர் வெளியிட்டுள்ள புதிய
கூற்றால் தற்போது பெரும் பரபரப்பு ஏற்பட்டுள்ளது. இது குறித்த முழு தகவல்களை கீழே
காணுங்கள்.
மலேசிய
விமானம்
2014ம்
ஆண்டு மார்ச் மாதம் 8ம் தேதி மலேசியத் தலைநகர் கோலாலம்பூர் விமான
நிலையத்திலிருந்து மலேசிய ஏர்லைன்ஸிற்கு சொந்தமான விமானம் ஒன்று சீன தலைநகர்
பீஜிங்கை நோக்கிப் பறக்க ஆரம்பித்தது. போயீங் 777-200ஈஆர் ரகத்தைச் சேர்ந்த
விமானமான இந்த விமானம் பற்றி எல்லோருக்கும் தெரியும்.
காணாமல் போனது
இந்த
விமானம் கிளம்பிய 38வது நிமிடத்தில் தெற்கு சீன கடற்பகுதியில் பறந்து கொண்டிருந்த
போது திடீரென ஏடிசி ராடாரில் இருந்து விமானம் காணாமல் போனது ஏடிசி ராடார் என்பது
விமானங்கள் தற்போது எந்த பகுதியில் பறந்து கொண்டிருக்கிறது எனத் தரையில்
இருப்பவர்கள் கண்காணிக்கும் கருவியாகும்.
தகவல்
இந்த
விமானம் காணாமல்போனதும் ஊழியர்கள் பதற்றமாகி விமானத்தைத் தொடர்புகொள்ள முயற்சி
செய்துள்ளனர். ஆனால் விமானத்தைத் தொடர்பு கொள்ள முடியவில்லை. உடனடியாக விமானம்
குறித்த தகவல் பறந்தது.
ராணுவ ரேடார்
மலேசிய
அரசு விமானத்தைக் கண்டுபிடிக்க ராணுவத்திற்கு உத்தரவிட்டது. அதன் படி ராணுவ
விமானப்படையினர் விமானம் காணாமல் போன ஒரு மணி நேரத்தில் விமானத்தின் தகவல்களைக்
கொண்டு அவர்களது ரேடாரில் விமானம் எங்குச் செல்கிறது என்பதைக் கண்காணித்தனர்.
திசை மாற்றம்
அந்த
விமானம் வழக்கமான பாதையிலிருந்து மாறி வேறு வழியாகச் சென்று கொண்டிருந்தது. அதனால்
அவர்கள் மேலும் உஷாராகி விமானம் அடுத்து எங்கே செல்லப்போகிறது எனக் கண்காணித்தனர்.
விமானம் பாதை மாறியது குறித்த தகவல் அரசிற்குத் தெரிவிக்கப்பட்டது.
227 பயணிகள்
அந்த
விமானத்தில் 227 பயணிகள் மற்றும் 12 விமானப்பணியாளர்கள்
பயணித்துக்கொண்டிருந்ததானர். சிறிது நேரத்தில் மலேசிய ராணுவ ரேடாரில் இருந்தும்
விமானம் மறைந்தது.
தேடுதல் வேட்டை
இதன்
பின் இந்த விமானத்தைத் தேடி பல நாடுகள் உதவி செய்தது. சுமார் 1.2 லட்சம் சதுர
கி.மீ. தூரம் வரை இந்தியப் பெருங்கடல் பகுதியில் தேடுதல் நடந்தது. விமானம்
விபத்திற்குள்ளாகியிருக்கலாம் என்றே பல வல்லுநர்கள் கருதினர். ஆனால் விமானம் ராணுவ
ரேடாரில் பாதை மாறி பயணித்தது பலருக்குச் சந்தேகத்தைக் கிளப்பியது.
மாயமான விமானம்
இந்த
விமானம் குறித்து எந்த வித தகவல்களும் இல்லாததால் இந்த விமானத்தைத் தேடும்பணியை
பட்ஜெட் காரணமாக மலேசிய அரசு கைவிட்டது. விமானம் கடலில் விழுந்துவிட்டது.
விமானத்தில் பணித்தவர்கள் எல்லாம் பலியாகிவிட்டனர் என அரசு அறிவித்துவிட்டது.
தொடர்ந்த மர்மம்
இருந்தாலும்
இந்த விமானம் குறித்த மர்மம் தொடர்ந்து கொண்டே இருந்தது. விமானம் கடலில்
விழுந்திருந்தால் கடலில் விமானத்தின் பாகங்கள் ஏதாவது ஒன்றாவது கிடைத்திருக்கும்.
பல்வேறு முயற்சிகள் நடத்தியும் பல ஆண்டுகளாகியும் விமானத்தின் பாகம் எதுவும்
கிடைக்காதது விமானம் கடத்தப்பட்டிருக்கலாம் என்ற சந்தேகத்தைப் பலருக்கும்
கிளப்பியுள்ளது.
எகிப்து இன்ஜினியர்
இந்நிலையில்
எகிப்து நாட்டை சேர்ந்த விமான இன்ஜினியர் இஸ்மாயில் ஹம்மத் என்பவர் தற்போது
மாயமாகிப்போன மலேசிய விமானம் குறித்து ஒரு புது சந்தேகத்தை வெளியிட்டுள்ளார். இது
தற்போது பலரது கவனத்தை ஈர்த்து மக்கள் மத்தியில் மயமாகிப்போன மலேசிய விமானம்
குறித்து பலரைப் பேச வைத்துள்ளது.
குடும்ப புகைப்படம்
அர்சிபாலிகோ தீவு கூட்டமைப்பு
அந்த புகைப்படத்தின் மூலம் அவர் ஒரு தகவலை இந்த உலகிற்குச் சொல்ல வருகிறார். அவர் புகைப்படத்தில் தன் குடும்பத்துடன் ஒரு ஷோபாவில் அமர்ந்திருக்கிறார். அந்த ஷோபாவின் மேல் போடப்பட்டுள்ள துணி பிலிப்பைன்ஸ் நாட்டை சேர்ந்தது. குறிப்பாக ஆர்சிபாலிகோ என்ற தீவு கூட்டமைப்பு பகுதியில் கிடைக்கக்கூடியது.
அனுமதியில்லை
இந்த தீவில்
பெரும்பாலான பகுதிக்கு மக்களை அனுமதிப்பதில்லை. அந்த பகுதியில் இரண்டாம்
உலகப்போரின் போது பயன்படுத்தப்பட்ட விமானங்கள் பல நிறுத்தி வைத்துப்
பராமரிக்கப்பட்டு வருகிறது. குறியீடு
இந்த
புகைப்படத்தின் மூலம் விமானி ஒருவேலை நமக்கு நீங்கள் என்னைத் தேட வேண்டுமானால்
ஆர்சிபாலிகோ பகுதியில் தேடுங்கள் மற்ற இடங்களில் தேடுவது வீண் என அவர்
சொல்லியிருக்கலாம். அதனால் விமானம் கடத்தப்பட்டிருக்கலாம் விமானம் கடத்தப்படுவது
குறித்து அவருக்கு முன்னரே தெரிந்திருக்கலாம் எனக் கூறியுள்ளார்.திட்டம்
மேலும் இந்த விமானத்தை அவர்
ஓட்டும்போது 38வது நிமிடத்தில் ரேடாரில் இருந்து விமானம் மறைந்துள்ளது. ஆனால் 41வது
நிமிடத்தில் தான் விமானத்தின் பாதை மாறியுள்ளது. விமானம் ரேடாரில் இருந்து
மறைந்ததை அவர் உறுதி செய்த பின்பே பாதை மாறியுள்ளது.
இரவு
தரையிறக்கம்
மேலும் அவர் பாதையை மாற்றியதை வைத்துப்
பார்க்கும் போது விமானம் சரியாகத் தரையிறங்கும் முன்பு விமானம் பயணித்தது
நள்ளிரவு நேரம் என்பதால் விமானத்தைச் சூரிய உதயத்திற்கு முன்பே கடத்தல் காரர்கள்
நினைத்த இடத்தில் விமானத்தில் குறைவான வெளிச்சத்துடன் அவர் தரையிறக்கியிருக்கலாம்.
இதற்காக முன்னரே இவர்கள் ரன் வே தயார்செய்திருக்கலாம் எனக் கூறியுள்ளார்.
லாஜிக்
இது பலருக்கு லாஜிக்காக தெரிகிறது.
மயமாகிபோன மலேசிய விமானம் கடத்தப்பட்டதாக இவர் கூறுவது பலருக்குச் சரியான
அனுமானமாகத் தோன்றுகிறது. பலர் இது குறித்துப் பேசி வருகின்றனர்.
கடத்தல்
ஆனால் விமானம் ஏன் கடத்தப்பட்டது என
யாருக்கும் தெரியவில்லை. அப்படிக் கடத்தப்பட்டிருந்தால் விமானம் கடத்தப்பட்டு
இத்தனை ஆண்டுகளில் கடத்தியவர்கள் விமானம் தங்களிடம் தான் இருக்கிறது எனக் கூறி
அவர்கள் தங்கள் கோரிக்கை வைத்திருப்பார்கள் அப்படியான எதுவும் நடக்கவில்லை. அதனால்
இப்படி நடந்திருக்க வாய்ப்பில்லை எனவும் சிலர் கூறுகின்றனர்.
தற்கொலை
தாக்குதல்
மேலும் சில விமானி இந்த விமானத்தைத்
திசை திருப்பி வேண்டுமென்றே இந்த சம்பவத்தை நிகழ்த்தியிருக்கலாம். இந்த விமானம்
வேண்டுமென்றே விபத்தில் சிக்க வைக்கப்பட்டிருக்கலாம். இந்த விமானி ஒரு தற்கொலை
தாக்குதல் போல இதை நிகழ்த்தியிருக்கலாம் என்றும் கூறுகின்றனர்.
தீராத
மர்மம்
எது எப்படியோ 2014ம் ஆண்டு காணாமல்
போன விமானம் தற்போது 6 ஆண்டுகளாகியும் இன்றும் அதற்கு விடையில்லை. யார் என்ன
கூற்றுகள் சொன்னாலும் காணாமல் போன விமானம் காணாமல் போனது தான். இது கிடைக்குமா?
அதில் பயணித்தவர்கள் இன்றும் உயிருடன் இருப்பார்களா? எல்லாம் ஒரு தீராத மர்மம்
தான்.
கருத்துகள் இல்லை:
கருத்துரையிடுக