கடந்த டிசம்பர் மாதம் அறிமுகம் செய்யப்பட்ட பிஎஸ்6 அப்ரிலியா ஸ்கூட்டர்களுக்கான விலை தற்போது அறிவிக்கப்பட்டுள்ளது. இதுதொடர்பான விபரங்களை விரிவாக பார்க்கலாம்.
பிஎஸ்-4 வெர்ஷனில் இருந்து பிஎஸ்-6
விதிகளுக்கு மாற்றப்பட்ட அப்ரிலியா ஸ்கூட்டர்களுக்கான விலை அதிகாரப்பூர்வமாக அறிவிக்கப்பட்டுள்ளது.
அதன்படி பிஎஸ்6 எஞ்சின் கொண்ட எஸ்.ஆர் ஸ்டார்ம், எஸ்.ஆர் 160, அப்ரிலியா 160 மற்றும்
அப்ரிலியா 125 ஸ்கூட்டர்களின் விலை குறித்து விரிவாக பார்க்கலாம்.
இந்த வரிசையில் பிஎஸ்6 விதிகளுக்குட்பட்டு தயாரிக்கப்பட்டுள்ள அப்ரிலியா எஸ்.ஆர் ஸ்டார்ம் 125 மாடலுக்கு ரூ. 86,974 விலை நிர்ணயம் செய்யப்பட்டுள்ளது. அதை தொடர்ந்து அப்ரிலியா 125 மாடலுக்கு ரூ. 92,517-ம், அப்ரிலியா 160 மாடலுக்கு ரூ. 1.05 லட்சமும், அப்ரிலியா எஸ்.ஆர் 160 கார்பன் ரூ. 1.08 லட்சமும், அப்ரிலியா 160 ரேஸ் மாடலுக்கு ரூ. 1.14 லட்சமும் விலை நிர்ணயம் செய்யப்பட்டுள்ளது. இங்கு குறிப்பிடப்பட்டுள்ள விலை அனைத்தும் எக்ஸ்-ஷோரூம், டெல்லி மதிப்பில் வழங்கப்பட்டுள்ளது.
இந்தியாவில் வரும் ஏப்ரல் 1 முதல் பிஎஸ்6 வாகன விதிகள் அமலுக்கு வரவுள்ளன. இதன்படி, புதிய விதிகளுக்கு ஏற்ப தயாராகியுள்ள அப்ரிலியா ஸ்கூட்டர்கள் அனைத்தும் ஃப்யூவெல்-இஞ்ஜெக்ஷன் தொழில்நுட்பத்தை பெற்றுள்ளன. இதனால் கரியமில வாயுவின் வெளியேற்றம் கட்டுப்படுத்தப்படும்.
அப்ரிலியா 125 மற்றும் எஸ்.ஆர் ஸ்டார்ம் 125 மாடல்களில் பிஎஸ் 6 124.5 சிசி 3 வால்வ் 4 ஸ்ட்ரோக் எஞ்சின் உள்ளது. இது 9 பிஎச்பி பவர் மற்றும் 9.9 என்.எம் டார்க் திறனை வெளிப்படுத்தும். மேலும் அப்ரிலியா எஸ்.ஆர் 160 கார்பன் மற்றும் அப்ரிலியா 160 மாடல்களில் சிங்கிள் சிலிண்டர் 160சிசி 3 வால்வ் எஞ்சின் உள்ளது. இது 11 பிஎச்பி பவர் மற்றும் 11.6 என்.எம் டார்க் திறனை வெளிப்படுத்தும்.
இந்தியாவில் தனது சந்தையை விரிவுப்படுத்தும் நோக்கில் பல்வேறு செயல்பாடுகளை அப்ரிலியா நிறுவனம் மேற்கொண்டுள்ளது. அதன்படி, அந்நிறுவனம் அடுத்து விற்பனைக்கு அறிமுகம் செய்யவுள்ள பைக் எஸ்.எக்ஸ்.ஆர் 160 ஸ்கூட்டர்.
கடந்த மாதம் நடைபெற்ற ஆட்டோ எக்ஸ்போ 2020 நிகழ்ச்சியில் இந்த வாகனம் அறிமுகம் செய்யப்பட்டுள்ளது. இதுவொரு மேக்ஸி ஸ்கூட்டர் என்பது கவனிக்கத்தக்கது. எனினும், இந்த ஸ்கூட்டரில் 160சிசி எஞ்சின் இடம்பெறவுள்ளது. மேலும், அப்ரிலியா நிறுவனம் எஸ்.எக்ஸ்.ஆர் மேக்ஸி ஸ்கூட்டரை 125 சிசி எஞ்சின் தேர்விலும் விற்பனைக்கு கொண்டு வருவது குறிப்பிடத்தக்கது.
கருத்துகள் இல்லை:
கருத்துரையிடுக