கொரோனா ஊரடங்கு அமலில் இருக்கும் நிலையில் புதிய ஜிஎஸ்டி பதிவுகளின் எண்ணிக்கை அதிகரித்துள்ளதாக ஜிஎஸ்டி நெட்வொர்க் தெரிவித்துள்ளது.
கொரோனாவால் அதிகரிக்கும் ஜிஎஸ்டி
இந்நிலையில், கொரோனா ஊரடங்கு அமலில் இருக்கும் வேளையில், புதிய ஜிஎஸ்டி பதிவுகள், ரீஃபண்ட் விண்ணப்பங்களின் எண்ணிக்கை அதிகரித்துள்ளதாக தெரியவந்துள்ளது. இதுகுறித்து ஜிஎஸ்டி நெட்வொர்க் இன்று (ஏப்ரல் 5) வெளியிட்டுள்ள அறிக்கையில், அனைத்து மாநிலங்கள், ஒன்றியப் பிரதேசங்களில் உள்ள வரித் துறை அதிகாரிகள், ஊரடங்கின்போது அலுவலகத்துக்கு செல்ல அனுமதியளித்துள்ளதாகவும், தேவைப்பட்டால் அவர்களுக்கு பாதுகாப்பு வசதிகள் செய்துகொடுக்கப்படுவதாகவும் தெரிவித்துள்ளது.
மேலும், மார்ச் 31ஆம் தேதி வரையில், விபிஎன் (VPN) மூலமாக அலுவலகப் பணிகளை மேற்கொள்ள 1,748 வரித் துறை அதிகாரிகளுக்கு வழிவகை செய்துகொடுத்துள்ளதாகவும் ஜிஎஸ்டி நெட்வொர்க் தெரிவித்துள்ளது. இந்த அறிக்கையில், “ஊரடங்கின் முதல் 10 நாட்களில் (மார்ச் 25 முதல் ஏப்ரல் 3 வரை) ஜிஎஸ்டி பதிவுகள் தொடர்பாக 20,273 விவகாரங்கள் கையாளப்பட்டுள்ளன. இதில் 10,077 புதிய பதிவுகளும், 3,377 திருத்தங்களும், 1,966 பதிவு ரத்துகளும் அடங்கும்” என்று தெரிவிக்கப்பட்டுள்ளது.
இதேபோல, ரீஃபண்ட் தொடர்பாக 7,876 விவகாரங்கள் கையாளப்பட்டுள்ளன. நிலுவையில் இருக்கும் விவகாரங்களை உடனடியாக கையாளுவதற்கு வரித் துறை அதிகாரிகளுக்கு விபிஎன் உதவுவதாக ஜிஎஸ்டி நெட்வொர்க் தெரிவித்துள்ளது. மேலும், ஆட்டோமேட்டிக் முறையில் விண்ணப்பங்களுக்கு ஒப்புதல் அளிக்கப்படுவதால் விவகாரங்கள் உரிய நேரத்தில் கையாளப்படுவதாகவும் தெரிவிக்கப்பட்டுள்ளது.
கருத்துகள் இல்லை:
கருத்துரையிடுக