இந்தியாவில் கொரோனா
வைரஸ்
நாளுக்கு நாள்
அதிகரித்துக் கொண்டிருக்கிறது. இதனைக்
கட்டுப்படுத்த மத்திய,
மாநில
அரசுகள் பல்வேறு நடவடிக்கைகளை எடுத்து வருகின்றன. இந்த
சூழலில் தொழில்நுட்பம் வாயிலாக கொரோனா
பாதிப்பு பற்றிய
தகவல்களை உடனுக்குடன் தெரிந்து கொள்ளும் வகையில் ‘ஆரோக்கிய சேது’ என்ற ஆப்பை
மத்திய
அரசு
அறிமுகம் செய்தது. இதனை
அரசு
மற்றும் தனியார் ஊழியர்கள் தங்கள்
ஸ்மார்ட்போன்களில் கட்டாயம் பதிவிறக்கம் செய்திருக்க வேண்டும் என்று
அறிவுறுத்தப்பட்டுள்ளது. மேலும்
அனைத்து தரப்பு
மக்களும் இதனை
பயன்படுத்துமாறு பிரதமர் மோடி
வலியுறுத்தி இருந்தார். அதன்படி 10 கோடிக்கும் அதிகமானோர் ஆப்பை
பதிவிறக்கம் செய்து
பயன்படுத்தி வருகின்றனர்.
இதன்மூலம் 13 ஆயிரத்துக்கும் குறைவான நபர்களுக்கு மட்டுமே வைரஸ் தொற்று இருப்பது தெரியவந்துள்ளது. இந்த ஆப் செயல்பட பயனாளர்களின் இருப்பிட வசதி, ப்ளூடுத் ஆகியவற்றை ஸ்மார்ட்போனில் ஆன் செய்ய வேண்டும். இதன்மூலம் எந்தப் பகுதிகளில் பாதிப்பு அதிகமாக இருக்கிறது என்றும், பாதிக்கப்பட்ட நபர்கள் எங்கெல்லாம் பயணம் செய்திருக்கிறார்கள் உள்ளிட்ட பல்வேறு தகவல்களை அரசு தெரிந்து கொள்கிறது.
இது கொரோனா தடுப்பு நடவடிக்கைகளுக்கு பெரிதும் உதவிகரமாக இருக்கும் என்று சொல்லப்படுகிறது. இதற்கிடையில் ஆரோக்கிய சேது ஆப்பில் பயனாளர்கள் அளிக்கும் தகவல்களை அரசு வேறு காரணங்களுக்காக பயன்படுத்தலாம் என்று அச்சமிருப்பதாக தகவல்கள் வெளியாகின. இதன் நம்பகத்தன்மை பற்றி காங்கிரஸ் தலைவர் ராகுல் காந்தியும் கேள்வி எழுப்பியிருந்தார்.
இதுபற்றி மத்திய அரசு அளித்துள்ள விளக்கத்தில், பயனாளர்களின் தகவல்கள் பாதுகாப்பாக வைத்திருக்க அனைத்து நடவடிக்கைகளும் எடுக்கப்பட்டுள்ளன. இதில் தகவல்களை முழுவதுமாக அழித்துவிடும் வகையில் வழிமுறைகளும் உருவாக்கப்பட்டுள்ளன என்று கூறியுள்ளது.
இதுதொடர்பாக பேசிய மத்திய தகவல் தொழில்நுட்பத்துறை அமைச்சகத்தின் செயலாளர் அஜய் சவ்னே, பயனாளர்களின் இருப்பிட தகவலானது தனிமைப்படுத்துதல் மற்றும் குடிமக்களை பாதுகாக்கும் நடவடிக்கைகளுக்காக மட்டுமே பயன்படுத்தப்படுகிறது. இந்த ஆப் 30 நாட்களுக்கு மட்டுமே தகவல்கள் சேமித்து வைக்கப்படும் வகையில் உருவாக்கப்பட்டுள்ளது.
கொரோனா உறுதி செய்யப்பட்ட நபர்களின் தகவல்களானது அவர்கள் குணமாகி 60 நாட்களாகும் போது சர்வரில் இருந்து அழிந்துவிடும் வகையில் ஏற்பாடு செய்யப்பட்டுள்ளது. ஒருவருக்கு சளி, காய்ச்சல் உள்ளிட்ட பாதிப்புகள் ஏற்பட்டதன் பின்னணி குறித்து இந்த ஆப் மூலம் ஆராய்ந்து கண்டறியலாம்.
ஒரு
குறிப்பிட்ட பகுதியில் அதிகப்படியான நபர்களுக்கு உடல்நிலை சரியில்லை என்றால் ஆப்
மூலம்
தெரியவந்தால் உடனே
சம்பந்தப்பட்ட அதிகாரிகளை கண்காணிப்பு நடவடிக்கைகளில் ஈடுபட
அறிவுறுத்தப்படும். இதன்மூலமே ஹாட்ஸ்பாட்கள், தனிமைப்படுத்த வேண்டிய பகுதிகள் உள்ளிட்டவற்றை அடையாளம் காண்கிறோம் என்றார்.
நிதி ஆயோக் சி.இ.ஓ அமிதாப் கந்த் கூறுகையில், தனியுரிமைக் கொள்கையை மிகக் கவனமாக உருவாக்கியுள்ளோம். தகவல்களை அழித்துவிடும் வசதி, உபயோகத்துவதற்கான தெளிவான காரணம், அதிகப்படியான தகவல்களை போன்களிலும், குறைவான தகவல்களை க்ளுவுட்களிலும் சேமித்து வைக்கும் வகையில் கொள்கை வகுக்கப்பட்டுள்ளது என்று தெரிவித்துள்ளார்.
நிதி ஆயோக் சி.இ.ஓ அமிதாப் கந்த் கூறுகையில், தனியுரிமைக் கொள்கையை மிகக் கவனமாக உருவாக்கியுள்ளோம். தகவல்களை அழித்துவிடும் வசதி, உபயோகத்துவதற்கான தெளிவான காரணம், அதிகப்படியான தகவல்களை போன்களிலும், குறைவான தகவல்களை க்ளுவுட்களிலும் சேமித்து வைக்கும் வகையில் கொள்கை வகுக்கப்பட்டுள்ளது என்று தெரிவித்துள்ளார்.
கருத்துகள் இல்லை:
கருத்துரையிடுக