சியோமி நிறுவனம் அதன் புதிய ரெட்மி ஸ்மார்ட் டிவி எக்ஸ் சீரிஸை அறிமுகம் செய்துள்ளது. என்னென்ன மாடல்கள்? என்ன விலை ? இதோ முழு விவரங்கள்!  

 ரெட்மி தனது புதிய தொடர் ஸ்மார்ட் டிவிகளை அதன் புதிய ரெட்மி 10 எக்ஸ் ஸ்மார்ட்போன்களுடன் அறிமுகம் செய்தது. அவைகள் ரெட்மி ஸ்மார்ட் டிவி எக்ஸ் சீரிஸ் என்று அழைக்கப்படுகிறது.

இந்த புதிய ஸ்மார்ட் டிவி சீரீஸின் கீழ் 65 இன்ச், 55 இன்ச் மற்றும் 50 இன்ச் என்கிற மூன்று மாடல்கள் அறிமுகம் ஆகியுள்ளன. விலை நிர்ணயத்தை பொறுத்தவரை, 65 இன்ச் மாடல் ஆனது இந்திய மதிப்பின்படி ரூ.34,987 க்கும் மற்றும் இத 55 இன்ச் மாடலானது இந்திய மதிப்பின்படி ரூ.24,382 க்கும் அறிமுகம் ஆகியுள்ளது.

இதன் 50 இன்ச் டிவி மாடலின் விலையை சியோமி நிறுவனம் இன்னும் வெளியிடவில்லை, இருப்பினும், இதன் விலை ரூ.21,000 க்குள் இருக்கும் என்று சியோமி சுட்டிக்காட்டியுள்ளது.

ரெட்மியின் இந்த சமீபத்திய ஸ்மார்ட் டிவி தொடர் ஆனது 4 கே டிஸ்ப்ளே மற்றும் 60 ஹெர்ட்ஸ் ரெஃப்ரெஷ் ரேட் வீகிதத்துடன் வருகிறது. மேலும் இது MEMC தொழில்நுட்பத்தையும் கொண்டுள்ளது, இது வியூயிங் அனுபவத்தை மேம்படுத்துகிறது.

ரெட்மி ஸ்மார்ட் டிவி எக்ஸ் தொடரில் நான்கு 12.5W பிரதான ஸ்பீக்கர்கள் மற்றும் நான்கு ட்வீட்டர்கள் உட்பட மொத்தம் எட்டு ஸ்பீக்கர்கள் உள்ளனர். இது டால்பி ஆடியோ மற்றும் சரவுண்ட் சவுண்ட் ஆதரவினையம் கொண்டுள்ளது, இது ஆடியோ அனுபவத்தை மேம்படுத்துகிறது.

மேலும் இந்த ஸ்மார்ட் டிவிகள் XiaoAI assistant உடன் வருகிறது. வடிவமைப்பை பொறுத்தவரை இது பெஸல்லெஸ் வடிவமைப்பில் வருகிறது. இது தொலைதூர குரல் அங்கீகாரத்தையும் கொண்டுள்ளது மற்றும் ஒருவர் மற்ற IoT சாதனங்களைக் கட்டுப்படுத்த இதிலுள்ள அசிஸ்டென்ட்டை பயன்படுத்தலாம்.

இந்த ஸ்மார்ட் டிவிகளில் க்வாட் கோர் கோர்டெக்ஸ் ஏ 73 ப்ராசஸர் மற்றும் 2 ஜிபி ரேம் மற்றும் 32 ஜிபி உள் சேமிப்புடன் வருகிறது. இந்த ஸ்மார்ட் டிவிகள் சியோமியின் பேட்ச்வால் கொன்டு இயங்குகிறது, மேலும் இது ஆண்ட்ராய்டு டிவியையும் ஆதரிக்கிறது.

இதற்கிடையில், சியோமி தனது புதிய ஸ்மார்ட் டிவி ஒன்றையும் சீனாவில் அறிமுகம் செய்துள்ளது, அது மி டிவி ப்ரோ இ 32 எஸ் என அழைக்கப்படுகிறது. இந்த ஸ்மார்ட் டிவியானது இந்திய மதிப்பின்படி தோராயமாக ரூ.9,500 என்கிற சூப்பர் பட்ஜெட் விலப்பிரிவின் கீழ் அறிமுகம் ஆகியுள்ளது.

புதிய Mi TV Pro 32-inch E32S ஆனது 60Hz ரெஃப்ரெஷ் ரேட் விகிதம் மற்றும் பெஸல்லெஸ் வடிவமைப்பைக் கொண்ட புல் HD (1,080x1,920 பிக்சல்கள்) டிஸ்ப்ளேவைக் கொண்டுள்ளது. இந்த மி டிவி ஆண்ட்ராய்டு டிவி உடனான சியாமியின் பேட்ச்வால் கொண்டு இயங்குகிறது.

இது க்வாட் கோர் ஏஆர்எம் கோர்டெக்ஸ்-ஏ 53 ப்ராசஸர் மூலம் இயக்கப்படுகிறது, இதனுடன் 1 ஜிபி ரேம் மற்றும் 8 ஜிபி உள் சேமிப்பு உள்ளது. இந்த ஸ்மார்ட் டிவி ஆனது XiaoAI வாய்ஸ் அசிஸ்டென்ட்டை இன்-பில்ட் ஆக கொண்டுள்ளது மற்றும் இது வாய்ஸ் கண்ட்ரோலை ஆதரிக்கும் 12-கீ ப்ளூடூத் ரிமோட் கண்ட்ரோலுடன் தொகுக்கப்பட்டுள்ளது. இதன் ப்ளூடூத் ரிமோட் கண்ட்ரோல் டிவியுடன் வருகிறது.

இது தவிர Mi TV Pro 32-inch E32S ஆனது இரண்டு 6W ஸ்பீக்கர்களையும், ப்ளூடூத் v4.0, 2.4GHz Wi-Fi மற்றும் DTS டிகோடரையும் கொண்டுள்ளது. மற்ற இணைப்பு விருப்பங்களை பொறுத்தவரை இது இரண்டு எச்டிஎம்ஐ போர்ட்கள், ஒரு யூ.எஸ்.பி போர்ட், ஏ.வி இன்புட், எஸ் / பி.டி.எஃப் போர்ட்கள் மற்றும் ஆண்டெனா போர்ட் ஆகியவைகளை கொண்டுள்ளது. அளவீட்டில் 427.46x721.2x82.15 மிமீ மற்றும் 3.77 கிலோ எடையும் கொண்டுள்ளது.