பப்ஜி உலகளவில் பிரபலமான விளையாட்டு மட்டுமல்லாமல் இந்தியாவில் பல லட்சம் பயனர்களைக் கொண்டது. பலரும் பப்ஜி சீனாவில் உருவாக்கப்பட்ட விளையாட்டு என நம்புகின்றனர். ஆனால் உண்மையிலேயே பப்ஜி சீனாவை சேர்ந்தது அல்ல. தென் கொரியாவை சேர்ந்த வீடியோ கேம் நிறுவனமான ப்ளுஹோல் நிறுவனத்தால் வடிவமைக்கப்பட்டது பப்ஜி.
பப்ஜி அறிமுகப்படுத்தப்பட்ட பின்னர் ஏராளமான பயனர்களை ஈர்த்ததால் சீனாவை சேர்ந்த மாபெரும் ஜாம்பவானான டென்செண்ட் ஹோல்டிங்ஸ் நிறுவனம் பப்ஜியின் விநியோகராக இணைந்துகொண்டது. பப்ஜி சீன சந்தையிலும் ஆதிக்கம் செலுத்தியதை தொடர்ந்து இந்தியாவில் அறிமுகப்படுத்தியது டென்செண்ட். இந்தியாவில் பல லட்சம் பயனர்களை ஈர்த்து பப்ஜியின் தொழில் சூடுபிடித்தது.
பப்ஜியை சந்தைப்படுத்தியதில் சீன நிறுவனமான டென்செண்டுக்கு மிகப்பெரிய பங்கு இருக்கிறது. ஆனாலும், பப்ஜியின் உரிமைதாரராக ப்ளுஹோல் இருப்பதாலும், தென் கொரியாவுடன் இந்தியா நல்லுறவு காத்து வருவதாலும் மத்திய அரசின் தடையில் இருந்து பப்ஜி தப்பித்துவிட்டது.
கருத்துகள் இல்லை:
கருத்துரையிடுக