-------------------------------------------------------------------
கலக்கலான ஜோக்ஸ்...!!
-------------------------------------------------------------------
ஆசிரியர் : முட்டாளுக்கும், அடி முட்டாளுக்கும் என்ன வித்தியாசம்?
மாணவன் : நாங்கள் எல்லாம் முட்டாள்கள் சார். எங்களை அடிப்பதனால் நீங்கள் அடிமுட்டாள் சார்.
ஆசிரியர் : 😠😠
-------------------------------------------------------------------
ஆசிரியர் : ஐந்தில் வளையாதது ஐம்பதில் வளையுமா?
பாபு : வளையும் சார்.
ஆசிரியர் : எப்படி?
பாபு : எங்க தாத்தாவுக்கு ஐந்து வயசில் முதுகு வளையவில்லை. ஆனால் 50 வயசில் வளைஞ்சிடுச்சு சார்!
ஆசிரியர் : 😏😏
-------------------------------------------------------------------
ஆசிரியர் : பூனை எலியை கடித்துக் கொன்றது. இது என்ன காலம்னு சொல்லு?
மாணவன் : கடி காலம் சார்.
ஆசிரியர் : 😩😩
-------------------------------------------------------------------
ஆசிரியர் : ஏன்டா உன் புத்தகங்களை எல்லாம் பக்கத்து மேசையில வெச்சிட்டு நீ வந்து இங்க உட்காந்திருக்க?
மாணவன் : நீங்க தானே சார் பிரச்சனைகளை தள்ளி வைக்கணும்னு சொன்னீங்க?
ஆசிரியர் : 😳😳
-------------------------------------------------------------------
பை புதிர்கள்...!!
-------------------------------------------------------------------
கறி சமைக்க உதவும் பை எது?
.
.
.
அகப்பை.

வயலில் வேலைக்கு உதவும் பை எது?
.
.
.
கலப்பை.

உணவு உடலில் தங்கும் பை எது?
.
.
.
இரைப்பை.

மரங்களில் இதுவும் ஒரு பை எது?
.
.
.
இலுப்பை.

திருடன் வழிப்பறி செய்யும் பை எது?
.
.
.
கைப்பை.
-------------------------------------------------------------------
குறளும்... பொருளும்...!!
-------------------------------------------------------------------
அறத்திற்கே அன்புசார் பென்ப அறியார்
மறத்திற்கும் அஃதே துணை.

விளக்கம் :

அறியாதவர், அறத்திற்கு மட்டுமே அன்பு துணையாகும் என்று கூறுவர். ஆராய்ந்து பார்த்தால் வீரத்திற்கும் அதுவே துணையாக நிற்கின்றது.