ஹியூமன் கம்பியூட்டர் என்று புகழப்பட்ட
சகுந்தலா தேவியின் வாழ்க்கை வரலாறு மற்றும் சுவாரஸ்யமான உண்மைகள் இந்த தொகுப்பில் காணலாம்.சகுந்தலா
தேவி, ஒரு புகழ்பெற்ற எழுத்தாளர் மற்றும் கணித நிபுணர் ஆவார். அபரிதமான கணித அறிவினால்
இவரது பெயர் கின்னஸ் புத்தகங்களில் பதிவாகியுள்ளது. இவரது தந்தை தான் கணிதத்தில் உள்ள
இவரின் திறன்களைக் கண்டுபிடித்தார். ‘ஓரினச்சேர்க்கையாளர்களின் உலகம்’ என்ற புகழ்பெற்ற
புத்தகத்தின்ஆசிரியரும் இவர்தான்.
சகுந்தலா தேவியைப் பற்றி அதிகம் அறியப்படாத சில உண்மைகளைப் பார்ப்போம்...
1. சகுந்தலா தேவி ஒரு
இந்து பிராமண குடும்பத்தில் நவம்பர் 4, 1929 அன்று பிறந்தார்.
பெங்களூரில் பிறந்த இவர், பாரம்பரியமான கன்னட குடும்பத்தைச்
சேர்ந்தவர். இவரது குடும்பம் பொருளாதார ரீதியாக மிகவும் பின்தங்கியது.
2. மன கணக்கீடு
சகுந்தலாவுக்கு 3 வயதாக இருந்தபோது, ஒரு கார்டு விளையாட்டு பற்றி அவரது தந்தை அவருக்கு சொல்லிகொடுத்துள்ளார். அப்போது தான் தனது மகளுக்கு எண்களை விரைவாக மனப்பாடம் செய்யும் திறன் இருப்பதை அவர் கண்டுபிடித்துள்ளார்.
சகுந்தலாவின் அற்புதமான கணித திறன்கள் அவருக்கு நிறைய வெகுமதிகளையும் அங்கீகாரத்தையும் பெற்றுதந்தன.
3. முறையான பள்ளிக்கூட கல்வி கிடைக்காதவர்
சின்ன வயதில், சகுந்தலா தனது முதல் வகுப்பிற்காக பெங்களூரின் சாம்ராஜ்பேட்டையில் உள்ள செயின்ட் தெரசா கான்வென்ட்டில் சேர்க்கப்பட்டார்.
ஆனால் அவரது குடும்பத்தினரால் மாதந்தோறும் இரண்டு ரூபாய் கட்டணம் செலுத்த முடியாத காரணத்தால் பாதியில் வெளியேறும் சூழ்நிலையாகிவிட்டது.
4. சகுந்தலாவின் அபரிதமான
கணித திறமைகள் அவரது ஆறு வயதிலேயே அங்கீகரிக்கப்பட்டன
மைசூர் பல்கலைக்கழகம், அண்ணாமலை பல்கலைக்கழகம், உஸ்மானியா பல்கலைக்கழகம்,
ஹைதராபாத் மற்றும் விசாகப்பட்டினத்தில் உள்ள பிற பல்கலைக்கழகங்களில் ஆறாவது வயதில்
தனது எண்கணித திறன்களை சகுந்தலா நிரூபித்தார்.
மன கணித திறனை விரிவுபடுத்துவதற்கான தேவியின் ஆர்வம், மைண்ட் டைனமிக்ஸ் எனப்படும் கருத்தை வளர்க்க வைத்தது.
5. 1944 இல் சகுந்தலா தேவி தனது தந்தையுடன் லண்டனுக்கு குடிபெயர்ந்தார்
இவரின் தந்தை பிஷாவ் மித்ரா மணி ஒரு சர்க்கஸில் மேஜிக் கலைஞராகவும், சிங்கத்தை வைத்து சாகசம் செய்பவராக பணிபுரிந்தார்
6. 1960 ஆண்டின் ஆரம்பத்தில் சகுந்தலா தேவி, பரிதோஷ் பானர்ஜி என்ற ஐ.ஏ.எஸ் அதிகாரியை மணந்தார்.
7. சகுந்தலா தேவிக்கு
அனுபமா பானர்ஜி என்ற மகள் உள்ளார்.
8. 1979 ஆண்டில் சகுந்தலா தனது கணவரிடமிருந்து விவாகரத்து பெற்றார்.
சகுந்தலாவின் கணவர் ஓரினச்சேர்க்கையாளராக இருந்தார். இது அவரது திருமண வாழ்க்கையை மோசமான விதத்தில் பாதித்தது. இந்த விஷயம் தான், ஓரினச்சேர்க்கை பற்றிய புத்தகத்தை எழுத சகுந்தலாவுக்கு ஊக்கமளித்தது.
9. சகுந்தலா மிகவும் புகழ்பெற்ற புத்தகத்தின் ஆசிரியராக இருந்தார்
இந்தியாவில் ஓரினச்சேர்க்கை பற்றிய முதன் முதல் ஆய்வு, சகுந்தலாவின் ‘ஓரினச்சேர்க்கையாளர்களின்உலகம்’ என்ற புத்தகத்தின் மூலம் தான், வெளிப்படுத்தப்பட்டது. சகுந்தலா தேவி ஓரினச்சேர்க்கை பற்றிய பலகட்டுக்கதைகளை உடைத்தார். அதற்கு முன்னதாக ஓரினச்சேர்க்கை பற்றிய புரிதல் பல பேருக்கும் இல்லை. சகுந்தலா தேவியின் புத்தகம் ஓரினச்சேர்க்கை பற்றிய முழு கருத்தையும் மாற்றியது.
சகுந்தலா ஒரு ஜோதிடரும் கூட மற்றும் பல நாவல்கள், சமையல் புத்தகங்களையும் எழுதியுள்ளார். LGBTQ உரிமைகளுக்காக போராடி புகழ் பெற்றவர்.
10. தனது எண்கணித திறமைகளை
வெளிப்படுத்துமாறு உலகம் முழுவதும் பயணம் மேற்கொண்டார்
சகுந்தலா தேவி, தனது கணித திறமை என்பது முழுக்க கடவுள் கொடுத்த
பரிசு என்று நம்பினார். மேலும் தனது கடவுள் நம்பிக்கையை பரப்ப விரும்பி உலகம் முழுதும்
பயணம் செய்ய விரும்பினார். ரஷ்யாவும் (அப்போதையசோவியத் ஒன்றியம்), சீனாவும் கம்யூனிச
நாடுகள் என்பதால் அங்கு அவர் செல்லவில்லை.
11. சகுந்தலா தேவி தனக்கு அளிக்கப்பட்ட ‘மனித கணினி’ என்ற பட்டத்தை விரும்பவில்லை
மனிதர்களின் திறமையை, ஒரு கணினியுடன் ஒப்பிட முடியாது என்று சகுந்தலா நம்பினார். அக்டோபர் 5, 1950 ம் ஆண்டில் லெஸ்லி மிட்செல் தொகுத்து வழங்கிய பிபிசி சேனலில் தனது கணித திறமைகளை வெளிப்படுத்திய பின்னர் சகுந்தலாவுக்கு இந்த பட்டம் கிடைத்தது.
12. 1977 ம் ஆண்டில் சகுந்தலா தேவி 201 இலக்க எண்ணின் 23 வது மூலத்தை ஐம்பது வினாடிகளில் கண்டுபிடித்து சாதனை புரிந்தார்
546,372,891 என்று அவர் அளித்த விடையை, யுனிவாக் 1101 கணினி மூலம் சரிபார்க்கப்பட்டது. இவ்வளவு பெரிய கணக்கை சரிபார்க்கவே ஒரு சிறப்பு ப்ரோகிராம் இதற்கென எழுதப்பட்டது.
13. 1980 ல் இந்திரா காந்திக்கு
எதிராக மக்களவைத் தேர்தலில் சகுந்தலா போட்டியிட்டார்
சுயேட்சை வேட்பாளராக சகுந்தலா தேவி முன்னாள் இந்தியப் பிரதமர்
இந்திரா காந்திக்கு எதிராக தேர்தலில் நின்றார். மேதக் (தற்போது தெலுங்கானா) மக்களை
இந்திராவிடம் ஏமாறாமல் பாதுகாக்க தேர்தலில் நிற்பதாகக் கூறினார். அந்த தேர்தலில் 6514
வாக்குகளுடன் (1.47% வாக்குகள்) ஒன்பதாவது இடத்தைபிடித்தார்.
14. கல்வி உளவியல் பேராசிரியரான ஆர்தர் ஜென்சன் 1988 இல் சகுந்தலா தேவியின் திறன்களைப் ஆராய்ந்தார்.
ஆர்தர் ஜென்சன் பல வகையிலும் சகுந்தலா தேவியின் கணித திறனை சோதித்துள்ளார். தனது நோட்புக்கில் அந்த கணக்குகளை எழுதுவதற்கு முன்பே, சகுந்தலா தேவி அதற்குரிய தீர்வுகளை தந்ததாக ஜென்சன்கூறினார்.
15. 1982 ஆம் ஆண்டில் அவரது பெயர் கின்னஸ் புத்தகத்தில் இடம்பெற்றது
சகுந்தலா தேவி வெறும் இருபத்தெட்டே வினாடிகளில் இரண்டு 13 இலக்க ரேண்டம் எண்களைப் மனதளவில் பெருக்கி விடையை துல்லியமாக கூறி கின்னஸில் இடம் பெற்றார் . அவர் 7,686,369,774,870 × 2,465,099,745,779 ஆகிய இரண்டு எண்களை பெருக்கி, 28 வினாடிகளில் 18,947,668,177,995,426,462,773,730 என்று சரியாக பதிலளித்து அனைவரையும் ஆச்சர்யத்தில் ஆழ்த்தினார்.
16. சகுந்தலா தேவி,
21 ஏப்ரல் 2013 அன்று மரணமடைந்தார்
17. சகுந்தலா தேவி பயன்படுத்திய பல கணிதக் கணக்கீடு முறைகள்
‘ஃபிகரிங்-தி ஜாய் ஆஃப் ப்ரிண்ட்’ என்னும் புத்தகத்தில் எழுதப்பட்டுள்ளன. இந்த புத்தகம்
இன்னும் அச்சிடப்பட்டு வருகிறது.
இந்த சிறந்த கணிதவியலாளர், சுவாச பிரச்சனையுடன் பெங்களூரில் உள்ள ஒரு மருத்துவமனையில் அனுமதிக்கப்பட்டார். இதயம் மற்றும் சிறுநீரக சிக்கல்களால் பாதிக்கப்பட்ட இவர் மரணிக்கும் போது வயது 83.
18. 2013 ம் ஆண்டில் சகுந்தலா தேவியை கவுரவிக்கும் விதமாக கூகிள் டூடுல் வெளீயிடப்பட்டது.
19. வித்யா பாலன் நடிப்பில்
சகுந்தலா தேவியின் வாழ்க்கை படம் வெளியனது.
இந்த படத்தில் சகுந்தலா தேவியாக வித்யா பாலன் நடித்துள்ளார்,
மேலும் அவருடன் அமித் சாத், சன்யாமல் ஹோத்ரா மற்றும் ஜிசு செங்குப்தா ஆகியோரும் நடித்துள்ளனர்.
இந்த படம் தியேட்டரில் வெளியாகும் என்று எதிர்பார்க்கப்பட்டது. ஆனால் கொரோனா பிரச்சனையால்
தாமதமானது. கடைசியில் இந்த திரைப்படம் 31 ஜூலை 2020 அன்று அமேசான் ப்ரைமில் உலகளவில்
வெளீயிடப்பட்டது.
கருத்துகள் இல்லை:
கருத்துரையிடுக