பணத்தை சரியாக நிர்வகித்தால் நெருக்கடி காலங்களில் பிழைத்துவிடலாம். சாதாரண பண நெருக்கடி
காலங்கள் அல்லாமல் கொரோனா போன்ற சூழல்களிலும், இயற்கை பேரிடர், போர் காலங்களிலும் பிழைக்க
பணத்தை முன்கூட்டியே சரியாக நிர்வகிப்பது அவசியம். பணம் விஷயத்தில் நாம் செய்யக்கூடாத
தவறுகளை பற்றி பார்க்கலாம்.
நேரம்
பணம்
விஷயத்தில் நாம் செய்யும் முதல் தவறு பணத்தை நிர்வகிக்க போதிய நேரம் ஒதுக்காமல்
இருப்பதுதான். பணத்தை சம்பாதிக்க நிறைய நேரம் ஒதுக்கினாலும் அதை நிர்வகிக்க நேரம்
ஒதுக்குவதில்லை. இளம் வயதில் பணம் சம்பாதிக்கும்போது பணத்திற்காக நேரம்
ஒதுக்காவிட்டால் உங்கள் பணம் கொடுக்க வேண்டிய லாபத்தை கொடுக்காமல் போகலாம்.
இடைத்தரகர்கள்
நம் பணத்தை
நிர்வகிக்க சந்தையில் பல்வேறு தரகர்கள், மத்தியஸ்தர்கள், ஏஜெண்டுகளிடம்
ஒப்படைத்திருப்போம். இதுவும் நமது பணத்திற்கு பெரிய ஆபத்தை ஏற்படுத்தலாம்.
ஏனெனில், சம்பந்தப்பட்ட ஏஜெண்டுகள் அவர்களின் லாபத்திற்கு ஏற்ப நம்மை முதலீடு
செய்ய வைத்துவிடக்கூடும். இதனால் அவர்களுக்குதான் லாபமே தவிர நமது இலக்குகளை எட்ட
முடியாது.
போர்ட்போலியோ
நமது
முதலீடுகளை ஒரு முழு போர்ட்போலியோவாக பார்க்காமல் தனி முதலீடுகளாகவும்,
சொத்துகளாகவும் பார்க்கிறோம். இதில் நாம் எதில் அதிக முதலீடு செய்கிறோமோ அதில்
அதிக கவனம் செலுத்துகிறோம். உங்கள் போர்ட்போலியோவில் பங்குகளும், மியூச்சிவல் ஃபண்ட்களும்
மட்டுமே இருக்க வேண்டுமென அர்த்தமில்லை. ரியல் எஸ்டேட், தங்கம், வெள்ளி,
பத்திரங்கள் போன்ற பல முதலீட்டுக் கருவிகள் உங்கள் போர்ட்போலியோவில் இருக்க
வேண்டும்.
லாபம் கிடைக்க நீண்டகாலம் ஆகுமா?
பொதுவாகவே,
முதலீடு செய்தால் அதன் லாபத்தை பெற நீண்ட காலம் எடுக்கும் என்ற தவறான கருத்து
மக்களிடையே இருக்கிறது. இதில் பாதி உண்மைதான் என்றாலும், ஒரே இரவில் உங்களுக்கு
லாபம் கொட்டப்போவதில்லை. அதே சமயம் பல ஆண்டுகளும் தேவையில்லை. பென்சன் போன்ற
நீண்டகால திட்டங்களும், நீண்டகால முதலீட்டுத் திட்டங்களை தவிர குறுகிய காலத்தில்
லாபம் தரக்கூடிய பல்வேறு கருவிகள் இருக்கின்றன.
பணத்தை நிர்வகிப்பதில்
நாம் செய்யக்கூடாத தவறுகளை பற்றி பார்க்கலாம்.தவறு செய்வது மனித இயல்பு. நாம்
செய்யும் தவறுகளை உணர்ந்து திருத்திக்கொள்ளலாம். ஆனால், பணம் விஷயத்தில் தவறு செய்தபின்தான்
திருத்திக்கொள்ள வேண்டுமென்ற தேவையில்லை. மற்றவர்கள் செய்யும் தவறை அறிந்து ஆராய்ந்து
அதற்கேற்ப நாம் தவறு செய்யாமல் தவிர்த்துவிடலாம்.
கருத்துகள் இல்லை:
கருத்துரையிடுக